آپ کے پسندیدہ اشعار!

[زیرک]

آ بسے ہیں تِرے دیار سے دور
رہنے والے تو ہم وہیں کے ہیں​

جون ایلیا کے یوم ولادت پر ان کا ایک شعر سب احباب کے نام

 

[زیرک]

میں بهی کچھ نہیں تها، اور تم بهی
یعنی جو کچھ تها، وہ خواب تها جاناں
جون ایلیا​

 

[زیرک]

بازارِ سخن کے دام اچھے ہیں
یہاں آہ، واہ میں بکتی ہے
جون ایلیا​

 

[زیرک]

بہت بد حال ہیں بستی! ترے لوگ
تو پھر تُو کیوں سنواری جا رہی ہے
جون ایلیا​

 

[زیرک]

چھپا رہا ہے کسی کرب کو، کسی غم کو
جو ہنس رہا ہے مسلسل وہ شخص جھوٹا ہے​

 

[زیرک]

روز محفل سے اٹھاتے ہو تو دل دُکھتا ہے
اب نکلواؤ تو پھر حضرتِ آدمؑ کی طرح
قمر جلال آبادی​

 

[زیرک]

حدیثِ عشق یہاں معتبر نہیں رہتی
نظر میں ہو جو خیانت نظر نہیں رہتی
قمر جلال آبادی​

 

[رباب واسطی]

ہمارے شہر میں ہے وہ گریز کا عالم
چراغ بھی نہ جلائے چراغ سے کوئی

 

[رباب واسطی]

وہ کسی اور کا بیمار ہوا ہے اور ہم
اک بیمار کے بیمار ہوئے بیٹھے ہیں

 

[سحرش سحر]

وہ بات سارے فسانے میں جس کا ذکر نہ تھا
وہ بات ان کو بہت ناگوار گزری ہے

 

[سحرش سحر]

اک بار بھی نہ آیا عیادت کو وہ مسیحا
سو بار ہم فریب سے بیمار ہو گئے

 

[رباب واسطی]

ترکِ محبت کا عنواں بھی کچھ ایسا رومانی ہو
ہم پر بھی دشوار نہ گزرے, تم کو بھی آسانی ہو

 

[رباب واسطی]

ان آنکھوں سے تم نے اک دن دل دریا میں جھانکا تھا
عکس ابھی تک سوچ رہا ہے نقش رہے یا پانی ہو

 

[رباب واسطی]

بیچ بھنور بھی پریم ندی میں خواب کنارہ لگتا ہے
ساحل سے آواز نہ دینا جب موسم طوفانی ہو

 

[رباب واسطی]

دنیا والے دل والوں سے کچھ ایسے کتراتے ہیں
دیوانہ تو دیوانہ ہے دنیا کیوں دیوانی ہو

 

[رباب واسطی]

لاکھ کہے دل زعمِ خرد سے , من جا من جا ظالم من جا
عشق بھلا کیا منوالے گا , حسن کی جب من مانی ہو

قمر زیدی

 

[رباب واسطی]

جن کے آنگن میں غریبی کا شجر ہو محسنؔ
ان کی ہر بات زمانے کو بری لگتی ہے

 

[رباب واسطی]

اس نے بس ایک ہی آواز پہ آجانا تھا
مجھ سے گم ہوگئے الفاظ بلانے والے

 

[زیرک]

یہ جو ہم ہیں صدیوں کے بیمار پڑے
وہ چاہے تو پل میں اچھا کر دے گا
احسن بشیر​

 

[زیرک]

میری پیشانی پہ رکھ دستِ حنائی اپنا
دیکھ شہزادی! یہ بیمار کا حق ہوتا ہے​