آپ کے پسندیدہ اشعار!

[محمد عدنان اکبری نقیبی]

قحط جذبوں کا پڑا ویراں سے ہیں دل کے نگر
شہر پر آسیب شاید ہجر کے منڈلا گئے

عابدہ عروج

 

[زیرک]

میں نے غمِ حیات میں تجھ کو بھلا دیا
حسن وفا شعار، بہت بے وفا ہوں میں​

 

[زیرک]

دیکھ! مت چھیڑ، چھلک جائے نہ پیمانۂ صبر
ہم زمانے کے رویوں سے بھرے بیٹھے ہیں​

 

[محمد عدنان اکبری نقیبی]

جو مجھ میں تجھ میں چلا آ رہا ہے برسوں سے
کہیں حیات اسی فاصلے کا نام نہ ہو

وسیم بریلوی

 

[زیرک]

شب کی پازیب سے الجھا ہوا تنہا گھنگرو
وصل کے گیت سناتا ہے تو ہم ناچتے ہیں​

 

[زیرک]

کیف پردیس میں مت یاد کرو اپنا مکاں
اب کے بارش نے اسے توڑ گرایا ہو گا
کیف بھوپالی​

 

[زیرک]

تم سے مل کر اِملی میٹھی لگتی ہے
تم سے بچھڑ کر شہد بھی کھارا لگتا ہے
کیف بھوپالی​

 

[زیرک]

میں نے جب پہلے پہل اپنا وطن چھوڑا تھا
دور تک مجھ کو اک آواز بلانے آئی
کیف بھوپالی​

 

[رباب واسطی]

سب سے مشکل ہے اذیت یہ گوارا کرنا
دل سے اترتے ہوے لوگوں میں گزارا کرنا

 

[فرقان احمد]

یوں تو دُنیا کے جھمیلے میں بہت کچھ کھو گیا
دُکھ مگر یہ ہے کہ اُس کی یاد بھی گم ہو گئی

(حسن عباس رضا)

 

[زیرک]

جب سے وحشت نے نئی شکل نکالی اپنی
ہم جنوں زاد کسی دشت میں جانے سے گئے
مبشر سعید​

 

[جاسمن]

انہی خوش گمانیوں میں کہیں جاں سے بھی نہ جاؤ
وہ جو چارہ گر نہیں ہے، اسے زخم کیوں دکھاؤ​

اس شعر کو پڑھ کے مجھے اپنی ایک ہم جماعت یاد آگئی۔ ہم کالج کے سالِ اوّل میں تھے۔ اردو کی کلاس میں وہ کبھی کبھی یہ شعر پڑھتی تھی۔ اور ایسے ترنم سے پڑھتی تھی کہ ہم بہت لطف لیتے تھے اور بعد میں نقلیں اتارا کرتے تھے۔

 

[جاسمن]

یوں تو دُنیا کے جھمیلے میں بہت کچھ کھو گیا
دُکھ مگر یہ ہے کہ اُس کی یاد بھی گم ہو گئی

(حسن عباس رضا)

خوب!

 

[زیرک]

اس شعر کو پڑھ کے مجھے اپنی ایک ہم جماعت یاد آگئی۔ ہم کالج کے سالِ اوّل میں تھے۔ اردو کی کلاس میں وہ کبھی کبھی یہ شعر پڑھتی تھی۔ اور ایسے ترنم سے پڑھتی تھی کہ ہم بہت لطف لیتے تھے اور بعد میں نقلیں اتارا کرتے تھے۔

سکول کے دن خواب دیکھنے کے اور کالج یونیورسٹی کے ادوار ان خوابوں کو پروان چڑھانے کے ہوتے ہیں۔کچھ کرنے کچھ کر گزرنے کی قدرے آزادی ہوتی ہے۔ ایک طوطا خوشنما پنجرے(سکول) سے نکل کر جب کھلے باغ ()کالج میں آزادی سے اڑتا پھر رہا ہوتا ہے تو اس کے جذبات و احساسات کیا ہوں گے۔ پھر عمر ہی ایسی ہوتی ہے کہ خیالات و جذبات جوان ہو رہے ہوتے ہیں تب پرندے چہچہایا ہی کرتے ہیں۔
اب تو چہکیں گے، یہ لفظوں کے پرند
تیرے ہونٹوں کی منڈیروں پہ جو آ بیٹھے ہیں

 

[زیرک]

ایک دنیا ہوئی ہے فرحت سے
تم بھی ہو جاؤ بدگماں جاناں
فرحت عباس شاہ​

 

[محمد عدنان اکبری نقیبی]

نہ پاک ہوگا کبھی حسن و عشق کا جھگڑا
وہ قصہ ہے یہ کہ جس کا کوئی گواہ نہیں

حیدر علی آتش

 

[محمد عدنان اکبری نقیبی]

ہم جس کے ہو گئے وہ ہمارا نہ ہو سکا
یوں بھی ہوا حساب برابر کبھی کبھی

آل احمد سرور

 

[محمد عدنان اکبری نقیبی]

ایک اک بات میں سچائی ہے اس کی لیکن
اپنے وعدوں سے مکر جانے کو جی چاہتا ہے

کفیل آذر امروہوی

 

[محمد عدنان اکبری نقیبی]

جانے کیوں لوگ مرا نام پڑھا کرتے ہیں
میں نے چہرے پہ ترے یوں تو لکھا کچھ بھی نہیں

پریم بھنڈاری

 

[فاخر]

شاعر مشرق اقبال مرحوم کا یہ شعر آپ کو بھی پسند ہوگا۔ اس میں پوشیدہ سبق تمام مسلمانوں کیلئےعام ہے ،البتہ برصغیر کے مسلمانوں کیلئے ’’خاص‘‘ ہے۔
’’شکایت ہے مجھے یا رب خداوندان مکتب سے
سبق شاہیں بچوں کو دے رہے ہیں خاک بازی کا‘‘
دعا کیجئے ! اللہ تعالیٰ ہمیں اپنے بچوں کو شاہینی و سلطانی کا سبق دینے کی توفیق دے آمین ثم آمین ۔