آپ کے پسندیدہ اشعار!

[رباب واسطی]

ہم دشت نشینوں پہ کھلا شہر میں آکر
یہ لوگ جو آباد ہیں ویران بہت ہیں

 

[زیرک]

شاعر خودکش جناب جون ایلیا کیا خوب فرما گئے کہ

ہوش میری خوشی کا دشمن ہے
تُو مجھے ہوش میں نہ آنے دے​

 

[زیرک]

تُو مِرا مول ذرا پوچھ میرے دشمن سے
دوستوں نے مجھے بے کار سمجھ رکھا ہے​

 

[زیرک]

ایسی بے رنگ نہ ہوتی کبھی محفل اپنی
روٹھے کچھ لوگ اگر خود ہی منائے ہوتے​

 

[فلک شیر]

ملتِ بیضا نے یہ سیکھا ہے صدہا سال میں
یہ یہاں کے لوگ ہیں اور وہ وہاں کے لوگ ہیں
اقبال عظیم

 

[زیرک]

ہنسو آج اتنا کہ اس شور میں
صدا سسکیوں کی سنائی نہ دے
بشیر بدر​

 

[زیرک]

سانپوں کے مقدر میں وہ زہر کہاں
جو انسان عداوت میں اُگل دیتے ہیں​

 

[رباب واسطی]

دشت سے شہر میں آتے ہوئے تھک جاتے ہیں
لوگ رشتوں کو نبھاتے ہوئے تھک جاتے ہیں

 

[رباب واسطی]

اتنا پختہ ہے تیرا نام ،،،،،،، ہمارے دل میں
روز ہم اس کو مٹاتے ہوئے تھک جاتے ہیں

 

[زیرک]

تم نے لہجہ بھی سرد کر ڈالا
سردیوں کے عذاب کم تھے کیا​

 

[زیرک]

سرد لہجہ تھا پورے سال تِرا
ہم دسمبر کو کس لیے روتے​

 

[زیرک]

ہم تو سورج ہیں سرد مُلکوں کے
مُوڈ ہوتا ہے، تب نکلتے ہیں​

 

[زیرک]

سرد موسم سے کچھ نہیں ہوتا
سرد لہجے عذاب دیتے ہیں​

 

[زیرک]

یہ عاشقی ہے، یہاں پر جنون لازم ہے
سکون چاہیے جس کو وہ اعتکاف کرے​

 

[زیرک]

آ، کہیں ملتے ہیں ہم، تا کہ بہاریں آ جائیں
اس سے پہلے کہ تعلق میں دراڑیں آ جائیں​

 

[زیرک]

بہت ہی کم نظر آیا مجھے اخلاص لوگوں میں
یہ دولت بٹ گئی شاید بہت ہی خاص لوگوں میں​

 

[زیرک]

حیران ہوں کہ اِک بھی گواہی نہ مل سکی
حالانکہ ایک ہجوم میں مارا گیا مجھے​

 

[رباب واسطی]

تنہا میں جَل رہا تھا تو خوش ہو رہے تھے لوگ
اُن تک گئی جو آگ , بُجھانے لگے مُجھے
مُظفروارثی

 

[محمد عدنان اکبری نقیبی]

جن سے انساں کو پہنچتی ہے ہمیشہ تکلیف
ان کا دعویٰ ہے کہ وہ اصل خدا والے ہیں

عبدالحمید عدم

 

[محمد عدنان اکبری نقیبی]

موت کی پہلی علامت صاحب
یہی احساس کا مر جانا ہے

ادریس بابر