آپ کے پسندیدہ اشعار!

[نازنین شاہ]

لوگ کرتے ہیں فقط وقت گزاری پاگل بات کرتا ہے یہاں کون ہماری پاگل ​

 

[زارا آریان]

فرشتہ تو نہیں ہے پاک دامن ہو تو کیونکر ہو
کہ دل رکھتا ہے انساں اور دل بھی ایک آفت کا

نظم طبا طبائی ( سید حیدر علی )
لکھنؤ | ۱۸۵۴ – ۱۹۳۳
دیوان طبا طبائی ۔ صوت تغزل

 

[نازنین شاہ]

خوشی میں کیا گلے لگ کر مناؤں گی کومل
اگر وہ شخص مجھے دکھ میں دستیاب نہیں

کومل جوئیہ

 

[حسان خان]

پِلا مجھ کو ساقی شرابِ وصال
کہ اب ہجر سے تنگ ہے میرا حال
(میر حسن دہلوی)

مأخوذ از: مثنویِ سحر البیان

 

[محمد وارث]

سراپا راز ہوں، میں کیا بتاؤں کون ہوں، کیا ہوں
سمجھتا ہوں مگر دنیا کو سمجھانا نہیں آتا
یاس یگانہ چنگیزی

 

[فرقان احمد]

ہنسی خوشی سبھی رہنے لگے، مگر کب تک!
میں پوچھتا ہوں، کہانی کے بعد کیا ہوا تھا

(ادریس بابر)

 

[مزمل]

وااہ

 

[نازنین شاہ]

کھولی ہیں تم نے آنکھیں اے حادثو ہماری
احسان یہ نہ ہر گز بھولیں گے ہم تمہارا

 

[فرقان احمد]

وقتِ رُخصت بڑا مُشکل تھا چُھپانا غم کا !
اشک آنکھوں سے رَواں تھے، جو روانہ وہ تھا

شفیق خلش

 

[فرقان احمد]

اب یادِ رفتگاں کی بھی ہمّت نہیں رہی
یاروں نے کتنی دُور بَسائی ہیں بستیاں!

فراق گورکھپوری

 

[فرقان احمد]

کیا قیامت ہے منیر اب یاد بھی آتے نہیں
وہ پُرانے آشنا، جن سے ہمیں اُلفت بھی تھی

منیر نیازی

 

[حسان خان]

کہہ رہا ہے ایک جاہل میرے دیواں کا جواب
بُومُسَیلِم نے کہا جس طرح قُرآں کا جواب
(شیخ امام بخش ناسخ)

× بومُسَیلِم = مُسَیلِمۂ کذّاب

 

[فرقان احمد]

خواہشیں اِتنی خوبصورت تھیں !
کوئی دِل سے اِدھر اُدھر نہ ہُوئی

عبدالحمید عدم

 

[فرقان احمد]

آسیب زدہ گھر کا وہ دروازہ ہوں امجد!
جسے دیمک کی طرح کھا گئی دستک کی تمنا

(امجد اسلام امجد)

 

[فرقان احمد]

زمانہ سخت کم آزار ہے بجانِ اسد
وگرنہ ہم تو توقّع زیادہ رکھتے ہیں

مرزا اسداللہ خاں غالب

 

[مزمل]

چل جاتے تھے جادو ٹونے اور تعويذ

سادہ لوگ اور سچے زمانے ہوتے تھے!

احمد عطاءاللہ

 

[مزمل]

وہ مجھے قتل کر کے کہتے ہیں

مانتا ہی نہ تھا یہ کیا کہئے

داغ

 

[فرقان احمد]

پُوچھتے ہیں کہ، کیا ہُوا دل کو ؟
حُسن والوں کی سادگی نہ گئی

ہم بھی گھر سے منیر تب نکلے
بات اپنوں کی جب سُنی نہ گئی

منیر نیازی

 

[فرقان احمد]

زمانے بھر میں کہیں بھی لگی عدالتِ عشق
پُکارے جاؤگے تم ہی خلش سزا کے لیے!

شفیق خلش

 

[فہد اشرف]

اس زمیں پر مرے یکتا ترے تمثال بہت
آئینہ خانے میں آیا ہے تو حیرت کیسی
عرفان صدیقی