آپ کے پسندیدہ اشعار!

[سید عاطف علی]

مصحفی گوشہء عزلت کو سمجھ تخت شہی
کیا کرے گا تو عبث تخت سلیماں لیکر

غلام ہمدانی صحفی۔

 

[ضیاء حیدری]

فصیل شہر میں پیدا کیا ہے در میں نے
کسی بھی باب رعایت سے میں نہیں آیا
​

 

[کاشفی]

زندگی کیا ہے آج اسے اے دوست
سوچ لیں اور اداس ہو جائیں
(فراق گورکھپوری)

 

[کاشفی]

یہ محبت کی کہانی نہیں مرتی لیکن
لوگ کردار نبھاتے ہوئے مر جاتے ہیں
(عباس تابش)

 

[کاشفی]

نہ جانے کون سا آسیب دل میں بستا ہے
کہ جو بھی ٹھہرا وہ آخر مکان چھوڑ گیا
(پروین شاکر)

 

[محمد وارث]

چمک اُٹھا تھا وہ چہرہ، دھڑک اُٹھا تھا یہ دل
نہ اُس نے راستہ بدلا، نہ گھر گئے ہم بھی
خالد احمد

 

[سید عاطف علی]

وہ زمانے لدھ گئے جب فکر گھر والوں کو تھی
ڈھونڈ خود لیتی ہے سلمی اپنا بلما آج کل
سیف شہدادپوری۔

 

[فرقان احمد]

جو بِکتا ہے، جی بھر کے سجاتے ہیں اسی کو
دیکھی ہے یہاں کس نے خریدار کی سج دھج !

عنبر امروہوی

 

[ہمایوں حیات]

سامنے ہے جو اسے لوگ برا کہتے ہیں
جس کو دیکھا ہی نہیں اس کو خدا کہتے ہیں

سدرشن فاکر

 

[کاشفی]

اتنے مایوس تو حالات نہیں
لوگ کس واسطے گھبرائے ہیں
(جاں نثاراختر)

 

[کاشفی]

ًمیں بدعا تو نہیں دے رہی ہوں اس کو مگر
دعا یہی ہے اسے مجھ سا اب کوئی نہ ملے
(نوشی گیلانی)

 

[فہد اشرف]

مجھ کو ہر سمت لے کے جاتا ہے
ایک امکان تیرے ہونے کا

آگیا وقت میرے بعد آخر
اب پریشان تیرے ہونے کا

میرا ہونا بھی ایک پہلو ہے
ہاں مری جان تیرے ہونے کا

اظہر نواز

 

[سین خے]

کس درجہ منافق ہیں سب اہل ہوس ثاقبؔ
اندر سے تو پتھر ہیں اور لگتے ہیں پانی سے

آصف ثاقب

 

[محمد وارث]

تجھے اے جگر ہوا کیا کہ بہت دنوں سے پیارے
نہ بیانِ عشق و مستی، نہ حدیثِ دلبرانہ
جگر مُرادآبادی

 

[عندلیب]

جو مجھ پہ گزرتی ہے کبھی دیکھ لے ظالم
پھر دیکھوں کہ رونا تجھے کیوں کر نہیں آتا

 

[فرقان احمد]

رہبر کی ضرورت نہیں یہ ایسا سفر ہے
منزل کا پتہ دیتے ہیں کچھ نقشِ قدم بھی

فاطمہ تاج

 

[محمد وارث]

خاک بھی سر پہ ڈالنے کو نہیں
کس خرابہ میں ہم ہوئے آباد
میر

 

[زارا آریان]

مسجد میں وعظ، وعظ میں ذکر مئے طہور
لو آج گھر خدا کا بھی میخانہ ہو گیا

مولانا حکیم میر نادر علی رعد
حیدر آباد دکن، بھارت | ۱۲۹۱ ق – ۱۳۶۲ ق
غزلیاتِ نادر

 

[محمد عدنان اکبری نقیبی]

‏آسمان اپنا ، زمیں اپنی ، نہ سانس اپنی ، تو پھر
‏جانے کس بات پہ اترائے ہوئے لوگ ہیں ہم ,

جس طرح چاہے بنا لے ، ہمیں وقت قتیل
‏درد کی آنچ پہ ، پگھلائے ہوئے لوگ ہیں ہم

قتیل شفائی

 

[فہد اشرف]

ناچی ہے برہنہ سرِ بازار ہمیشہ
اک بار تہ تار لباس آئی نہ دنیا
خالد احمد