آپ کے پسندیدہ اشعار!

[طارق شاہ]

مانا کہ طویل فاصلوں پر
برسوں کے غُبار چھا گئے ہیں

محرومیِ مُشترِک سے لیکن
ہم کتنے قریب آ گئے ہیں

ﺍﺣﻤﺪ ﻧﺪﯾﻢ ﻗﺎﺳﻤﯽ

 

[طارق شاہ]

دُشمنوں سے ہی غمِ دل کا مداوا مانگیں
دوستوں نے تو کوئی بات نہ مانی اپنی

محسن نقوی

 

[طارق شاہ]

اب کون سے موسم سے کوئی آس لگائے
برسات میں بھی یاد نہ جب اُن کو ہم آئے

پروین شاکر

 

[طارق شاہ]

اُس کے نزدیک غمِ ترکِ وفا کچھ بھی نہیں
مطمئن ایسا ہے جیسے کہ ہُوا کچھ بھی نہیں

اختر شمار

 

[طارق شاہ]

میں تو اِس واسطے چُپ ہُوں کہ، تماشہ نہ بنے
تُو سمجھتا ہے مجھے تجھ سے گِلہ کچھ بھی نہیں

اختر شمار

 

[طارق شاہ]

جا بھی اے ناصح، کہاں کا سود اور کیسا زیاں
عشق نے سمجھا دیا ہے عشق کا حاصل مجھے

جگرمُرادآبادی

 

[طارق شاہ]

ممکن نہ تیر خوردہ تڑپ کر سنبھل سکے
مارا تِری نگہ کا، جگہ سے نہ ہل سکے

محمد رفیع سودا

 

[طارق شاہ]

وے صورتیں الہیٰ کِس ملک بستیاں ہیں
اب دیکھنے کو جن کے آنکھیں ترستیاں ہیں

لیتے ہیں چھین کر دل عاشق کا پل میں دیکھو
خُوباں کی عاشقوں پر کیا پیش دستیاں ہیں

قیمت میں اِن کے گو ہم ، دو جگ کو دے چکے اب
اُس یار کی نگاہیں تس پر بھی سستیاں ہیں

محمد رفیع سودا

 

[طارق شاہ]

ہجرمیں کیفِ اضطراب نہ پُوچھ
خُونِ دِل بھی شراب ہونا تھا

رات تاروں کا ٹوٹنا بھی مجاز
باعثِ اِضطراب ہونا تھا

اسرارالحق مجاز
(مجاز لکھنوی)

 

[محمد یعقوب آسی]

دریا سے آؤں سے گا کبھی صحرا سے آؤں گا
اے عشق! تیری سمت میں ہر جا سے آؤں گا

کیسا دکھائی دوں گا کسی کو نہیں خبر
اِس بار ایک اور ہی دنیا سے آؤں گا

شہرِ خیالِ یار میں وحشت کے ساتھ ہی
آؤں گا جب بھی دشتِ تمنا سے آؤں گا

کیسے نہیں ملے گا سراغِ جنوں مجھے
جب قیس! تیرے نقشِ کفِ پا سے آؤں گا

مجھ کو گلے لگائیں گے یارانِ ذی وقار
جب میں پلٹ کے کوچۂ رسوا سے آؤں گا

پھر یوں ہوا کہ اُن کے دلوں سے نکل پڑا
جو یہ سمجھ رہے تھے درِ وا سے آؤں گا

اتروں گا اپنی ذات کی پاتال میں ضرور
پھر میں پلٹ کے اوجِ ثریا سے آؤں گا

عادل نکل تو کرب و بلا کی مہم پہ تُو
تیری مدد کو لشکرِ اعداء سے آؤں گا

شہزاد عادل (ٹیکسلا) پاکستان

 

[طارق شاہ]

اُلفت نہیں ہوتی اثرانداز کہاں تک
دیکھیں، ہے تِرا حوصلۂ ناز کہاں تک

میں راہِ غمِ عِشق نہیں چھوڑنے والا !
تم، مجھ کو کرو گے نظرانداز کہاں تک

عبدہ اعظمی

 

[طارق شاہ]

کچھ احتیاط کی تو، تِری احتیاط کو !
ترکِ تعلقات سمجھنے لگے ہیں لوگ

اخترعالم تاباں

 

[طارق شاہ]

مرضِ عِشق سے، کوئی بھی سُنا ہے بچتے ؟
عبث، اے چارہ گرو ! کرتے ہو درماں اپنا

آغا جان عیش

 

[طارق شاہ]

مِرے لب سی مگر کل سامنے دُنیا کے، اے ظالم !
بَعُنوانِ سِتم یہ داستاں آئی تو کیا ہوگا

افتخار بدایونی

 

[طارق شاہ]

کِس قدر سخت ہے یہ ، ترک و طلب کی منزل
اب کبھی اُن سے مِلے بھی تو پشیماں ہوں گے

حفیظ ہوشیار پوری

 

[طارق شاہ]

حصولِ یار کے زُمرے میں کچھ نُمایاں سے
عمل نہ تھے ، کی پشیمانیاں نہیں جاتیں

شفیق خلش

 

[طارق شاہ]

ہزار محفلِ خُوباں میں جا کے دیکھ لیا !
مِلی جو تجھ سے ہیں تنہائیاں، نہیں جاتیں

شفیق خلش

 

[طارق شاہ]

بِنا دیکھے بَنا دیتی ہے جو تصویرِ جاناں
ابھی تھم تھم کے وہ آوازِ پا آکر گئی ہے

دلِ تنہا کی، تنہائی کا عالم کم ہے عنبر !
ابھی آئی تھی اُس کی یاد بہلا کرگئی ہے

عنبر امروہوی

 

[طارق شاہ]

نہ جانتا، تو یقیناّ یہ حسبِ فِطرت تھا
وہ جانتا ہے مجھے پھر یہ آزمانا کیا

عنبر امروہوی

 

[سید فصیح احمد]

دامن پہ کوئی چھینٹ نہ خنجر پہ کوئی داغ
تم قتل کرو ہو کہ کرامات کرو ہو

کلیم عاجز