شعر،قافیہ،عروض وغیرہ سے متعلق متفرق معلومات
- صاحب لڑی محمد اسامہ سَرسَری
- تاریخ ابتداء
محمد اسامہ سَرسَری
لائبریرین
محمد اسامہ سَرسَری
لائبریرین
نون پر مشتمل الفاظ کی عروضی حیثیت پر استاد محترم جناب محمد یعقوب آسی صاحب کی مفید ترین باتیں یہاں ملاحظہ فرمائیں۔
محمد اسامہ سَرسَری
لائبریرین
منظوم ترجمے سے متعلق کچھ مفید باتیں یہاں پڑھیں۔ از افادات استاد محترم جناب محمد یعقوب آسی صاحب۔
محمد یعقوب آسی
محفلین
بھائی وہ منظوم ترجمے والی باتیں تو چیلنج ہو گئیں! مگر اب کون مباحث میں الجھا رہے!!!
محمد اسامہ سَرسَری
لائبریرین
ہمیں آپ کی بات سے اتفاق ہے۔
محمد اسامہ سَرسَری
لائبریرین
آن لائن خودکار تقطیع سے متعلق دو سوفٹ وئیر:
1۔ استادآسی بشکریہ استاد محترم جناب محمد یعقوب آسی صاحب اور محترم محسن حجازی صاحب۔ تفصیل کے لیے اس دھاگے کا مطالعہ فرمائیں۔
2۔ عروض بشکریہ محترم سید ذیشان صاحب۔ تفصیل کے لیے اس دھاگے کا مطالعہ فرمائیں۔
1۔ استادآسی بشکریہ استاد محترم جناب محمد یعقوب آسی صاحب اور محترم محسن حجازی صاحب۔ تفصیل کے لیے اس دھاگے کا مطالعہ فرمائیں۔
2۔ عروض بشکریہ محترم سید ذیشان صاحب۔ تفصیل کے لیے اس دھاگے کا مطالعہ فرمائیں۔
آخری تدوین:
محمد اسامہ سَرسَری
لائبریرین
آزاد نظم کسے کہتے ہیں؟
محمد اسامہ سَرسَری
لائبریرین
محمد یعقوب آسی
محفلین
جناب @مہدی نقوی حجاز کے ارشاد پر صرف اتنا اضافہ کروں گا کہ:
آزاد نظم کے ہر مصرعے کے لئے ارکان کی تعداد معین نہیں ہوتی تاہم پوری نظم میں ایک رکن یا ارکان کی ترتیب کا مسلسل اعادہ ہوتا ہے۔ اسی لئے ہم ان کو مصرعے نہیں سطریں کہتے ہیں۔ رکنِ مکرر یا ترتیبِ مکرر کو ٹوٹنا نہیں چاہئے۔
محمد یعقوب آسی
محفلین
یہیں ایک نکتہ اور ہے کہ ۔۔۔
نظمِ معرٰی میں قافیہ کی پابندی نہیں ہوتی (ردیف تو شعر میں ویسے ہی اختیاری ہوتی ہے) اس کے باوجود وہ متعینہ وزن کی پابند ہوتی ہے۔
محمد اسامہ سَرسَری
لائبریرین
غزل کی دو حیثیتیں ہیں:
ایک صنف یا ہیئت کے حوالے سے۔
یہ ایسی نظم ہے جومندرجہ ذیل ہیئت کے حامل دو دو مصرعوں کے متعدد اشعار یا ابیات پر مشتمل ہوتی ہے۔
الف : تمام مصرعوں کا عروضی وزن مشترک ہوتا ہے (مروجہ شرائط اور رعایات کے ساتھ)۔
باء: تمام ابیات کے مصرع ہائے ثانی ہم قافیہ ہوتے ہیں۔ ردیف اختیاری ہے اور جب یہ اختیار کر لی جائے تو اس کو بھی نبھانا ہو گا جیسے قافیے کو نبھاتے ہیں۔
شذرہ: وزن ردیف اور قافیے کے مجموعے کو عرفِ عام میں ’’زمین‘‘ کہتے ہیں۔
جیم: غزل کا آخری شعر جس میں شاعر اپنا نام یا تخلص التزاماً لاتا ہے، مقطع کہتے ہیں۔
دال: غزل کے پہلے شعر کو جس کے دونوں مصرعے ہم قافیہ ہوتے ہیں، مطلع کہتے ہیں۔
دوسری حیثیت مضامین کے حوالے سے:
غزل کے ہر شعر یا بیت میں ایک مضمون ، خیال، تاثر، پیغام، احساس، پورا پیش کرنا ہوتا ہے۔ غزل کے ہر شعر میں الگ الگ مضامین بھی لائے جا سکتے ہیں (ریزہ خیالی) اور ایک ہی مضمون یا موضوع بھی لایا جا سکتا ہے (غزل مسلسل)۔ بہ ایں ہمہ غزل مسلسل میں یہ اہتمام لازم ہے کہ ہر شعر اپنی جگہ پر (تخیل یا مضمون کے حوالے سے) ایک مکمل اکائی ہو اور اس کے مضمون کو پانے کے لئے کسی دوسرے شعر کی ضرورت نہ پڑے(تواتر نہ ہو)۔ نظم کی دیگر ہئیتوں میں ایک مضمون متواتر چلتا ہے اور اور شعر بہ شعر آگے بڑھتا ہے۔ اگر غزل کے اندر کہیں تواتر ناگزیر ہو جائے تو دو، تین چار پانچ اشعار نظم کے انداز میں ایک متواتر مضمون کے حامل ہو سکتے ہیں، ان کو ’’قطعہ‘‘ کہا جاتاہے۔ ایک اچھی غزل کی خاصیت یہ بھی ہے کہ ریزہ خیالی کے باوجود اس کی مجموعی فضا یا تاثر ایک جیسا رہے، اور یوں غزل کے اندر ایک زیریں رَو (مزاج کی وحدت) پائی جائے، جو اس کو وحدت بنائے۔ قوافی اور ردیف اس میں ممد و معاون ہوتے ہیں۔ غزل کی دیگر خوبیوں یا تقاضوں کا مذکور پھر کبھی سہی۔
حاصل یہ ہے کہ غزل اپنی ہیئت کے اعتبار سے ’’نظم‘‘ ہے اور اپنے مضامین کے اعتبار سے ایک خاص مزاج رکھتی ہے۔
از افادات استاد محترم جناب محمد یعقوب آسی صاحب۔
ایک صنف یا ہیئت کے حوالے سے۔
یہ ایسی نظم ہے جومندرجہ ذیل ہیئت کے حامل دو دو مصرعوں کے متعدد اشعار یا ابیات پر مشتمل ہوتی ہے۔
الف : تمام مصرعوں کا عروضی وزن مشترک ہوتا ہے (مروجہ شرائط اور رعایات کے ساتھ)۔
باء: تمام ابیات کے مصرع ہائے ثانی ہم قافیہ ہوتے ہیں۔ ردیف اختیاری ہے اور جب یہ اختیار کر لی جائے تو اس کو بھی نبھانا ہو گا جیسے قافیے کو نبھاتے ہیں۔
شذرہ: وزن ردیف اور قافیے کے مجموعے کو عرفِ عام میں ’’زمین‘‘ کہتے ہیں۔
جیم: غزل کا آخری شعر جس میں شاعر اپنا نام یا تخلص التزاماً لاتا ہے، مقطع کہتے ہیں۔
دال: غزل کے پہلے شعر کو جس کے دونوں مصرعے ہم قافیہ ہوتے ہیں، مطلع کہتے ہیں۔
دوسری حیثیت مضامین کے حوالے سے:
غزل کے ہر شعر یا بیت میں ایک مضمون ، خیال، تاثر، پیغام، احساس، پورا پیش کرنا ہوتا ہے۔ غزل کے ہر شعر میں الگ الگ مضامین بھی لائے جا سکتے ہیں (ریزہ خیالی) اور ایک ہی مضمون یا موضوع بھی لایا جا سکتا ہے (غزل مسلسل)۔ بہ ایں ہمہ غزل مسلسل میں یہ اہتمام لازم ہے کہ ہر شعر اپنی جگہ پر (تخیل یا مضمون کے حوالے سے) ایک مکمل اکائی ہو اور اس کے مضمون کو پانے کے لئے کسی دوسرے شعر کی ضرورت نہ پڑے(تواتر نہ ہو)۔ نظم کی دیگر ہئیتوں میں ایک مضمون متواتر چلتا ہے اور اور شعر بہ شعر آگے بڑھتا ہے۔ اگر غزل کے اندر کہیں تواتر ناگزیر ہو جائے تو دو، تین چار پانچ اشعار نظم کے انداز میں ایک متواتر مضمون کے حامل ہو سکتے ہیں، ان کو ’’قطعہ‘‘ کہا جاتاہے۔ ایک اچھی غزل کی خاصیت یہ بھی ہے کہ ریزہ خیالی کے باوجود اس کی مجموعی فضا یا تاثر ایک جیسا رہے، اور یوں غزل کے اندر ایک زیریں رَو (مزاج کی وحدت) پائی جائے، جو اس کو وحدت بنائے۔ قوافی اور ردیف اس میں ممد و معاون ہوتے ہیں۔ غزل کی دیگر خوبیوں یا تقاضوں کا مذکور پھر کبھی سہی۔
حاصل یہ ہے کہ غزل اپنی ہیئت کے اعتبار سے ’’نظم‘‘ ہے اور اپنے مضامین کے اعتبار سے ایک خاص مزاج رکھتی ہے۔
از افادات استاد محترم جناب محمد یعقوب آسی صاحب۔
محمد یعقوب آسی
محفلین
اللہ جزا دے
محمد اسامہ سَرسَری
لائبریرین
سید ذیشان صاحب کا بنایا ہوا عروض انجن۔۔۔ جو آپ کو مطلوبہ شعر کا نہ صرف وزن بتائے گا، بلکہ ملتے جلتے اوزان کی نشان دہی بھی کرے گا۔ مزید تفصیل اور تبصرہ جات
محمد اسامہ سَرسَری
لائبریرین
محمد اسامہ سَرسَری
لائبریرین
محمد اسامہ سَرسَری
لائبریرین
میر کی ہندی بحر سے متعلق مفید معلومات:
- اس بحر کو میر کی ہندی بحر کیوں کہتے ہیں؟ از محترم جناب فاتح الدین بشیر صاحب
- میر کی ہندی بحر اور بحر متقارب از محترم جناب محمد وارث صاحب
- میر کی ہندی بحر کی حقیقت از محترم جناب مزمل شیخ بسمل صاحب
- ہندی بحر پر میر کی مشہور غزل ”پتا پتا بوٹا بوٹا حال ہمارا جانے ہے“ کی تقطیع از محترم سید ذیشان صاحب
محمد اسامہ سَرسَری
لائبریرین
نظم اور غزل کی کچھ وضاحت:
نظم اور غزل کی تخصیص میں ایک تو ہیئت کی بات ہے۔
غزل کے لئے ’’زمین‘‘ کا ہونا ضروری ہے: بحر اور قافیہ (ردیف اختیاری چیز ہے ۔ تاہم جب اختیار کر لی تو پھر اس کو نبھانا لازم ہو گیا)۔ پھر اس میں مطلع اور مقطع کا اہتمام بھی راجح ہے۔ نظم کے لئے اس ہیئت کے علاوہ بہت سی ہیئتیں ہیں۔ مثنوی، مخمس، مسدس، قطعہ بند، ترجیع بند، ترکیب بند اور بہت ساری۔
دوسرا فرق ہے معنوی یا موضوعاتی ۔ یہ اہم تر ہے! ۔۔ غزل کا ہر شعر اپنی جگہ ایک مکمل معنوی اکائی ہوتا ہے، چاہے وہ اپنے آگے پیچھے والے اشعار سے مربوط ہو یا نہ ہو۔ نظم میں پوری نظم کا ایک موضوع ہوتا ہے (بڑا چھوٹا، وسیع خفیف ۔۔ یہ الگ بحث ہے) اور نظم کا ہر شعر یا ہر بند اس موضوع کو آگے بڑھاتا ہے۔
ہیئت اس میں کوئی منع نہیں، تاہم اس کو کسی نہ کسی ’’نظم‘‘ کے ماتحت ہونا چاہئے، نہ کہ مادر پدر آزاد۔
بات آ جاتی ہے ’’آزاد نظم‘‘ تک۔ اس میں بھی ایک ’’نظم‘‘ ہوتا ہے، کوئی رکن ہوتا ہے جو سطروں میں رواں ہوتا ہے۔
ایک اور شے بھی ہے جسے خواہ مخواہ شاعری قرار دیا جا رہا ہے، میں اس کو شاعری نہیں مانتا۔
از افاداتِ استاد محترم جناب محمد یعقوب آسی صاحب
نظم اور غزل کی تخصیص میں ایک تو ہیئت کی بات ہے۔
غزل کے لئے ’’زمین‘‘ کا ہونا ضروری ہے: بحر اور قافیہ (ردیف اختیاری چیز ہے ۔ تاہم جب اختیار کر لی تو پھر اس کو نبھانا لازم ہو گیا)۔ پھر اس میں مطلع اور مقطع کا اہتمام بھی راجح ہے۔ نظم کے لئے اس ہیئت کے علاوہ بہت سی ہیئتیں ہیں۔ مثنوی، مخمس، مسدس، قطعہ بند، ترجیع بند، ترکیب بند اور بہت ساری۔
دوسرا فرق ہے معنوی یا موضوعاتی ۔ یہ اہم تر ہے! ۔۔ غزل کا ہر شعر اپنی جگہ ایک مکمل معنوی اکائی ہوتا ہے، چاہے وہ اپنے آگے پیچھے والے اشعار سے مربوط ہو یا نہ ہو۔ نظم میں پوری نظم کا ایک موضوع ہوتا ہے (بڑا چھوٹا، وسیع خفیف ۔۔ یہ الگ بحث ہے) اور نظم کا ہر شعر یا ہر بند اس موضوع کو آگے بڑھاتا ہے۔
ہیئت اس میں کوئی منع نہیں، تاہم اس کو کسی نہ کسی ’’نظم‘‘ کے ماتحت ہونا چاہئے، نہ کہ مادر پدر آزاد۔
بات آ جاتی ہے ’’آزاد نظم‘‘ تک۔ اس میں بھی ایک ’’نظم‘‘ ہوتا ہے، کوئی رکن ہوتا ہے جو سطروں میں رواں ہوتا ہے۔
ایک اور شے بھی ہے جسے خواہ مخواہ شاعری قرار دیا جا رہا ہے، میں اس کو شاعری نہیں مانتا۔
از افاداتِ استاد محترم جناب محمد یعقوب آسی صاحب
