شعر،قافیہ،عروض وغیرہ سے متعلق متفرق معلومات

مثال سے سمجھائیے۔

 

از افادات: محترم جناب شاکرالقادری

 

اٹھو سونے والو کہ میں آرہی ہوں۔

 

سمجھ نہیں آئی کہ ٹیپ کا مصرع کیا ہوتا ہے۔

 

@ساقی بھائی۔۔۔آپ نے صبح کی آمد نام کی نظم نہیں پڑھی۔ مولوی اسمعیل میرٹھی کی۔ اسی لیے سمجھ نہیں آیا۔وہ نظم پڑھیں تو بہت اچھی طرح سمجھ میں آجائے گا ۔اس کے کچھ ابیات یا بند یہ ہیں۔
اورجناب سرخ رنگ کا بولڈ مصرع ہے ٹیپ کا مصرع۔ امید واثقق ہے کہ اب خوب واضح ہو جائے گا۔
×××××××××××××××××××
خبر دن کے آنے کی میں لا رہی ہوں
اجالا زمانہ میں پھیلا رہی ہوں
بہار اپنی مشرق سے دکھلا رہی ہوں
پکارے گلے صاف چلا رہی ہوں
اٹھو سونے والو کہ میں آرہی ہوں

میں سب کاربہوار کے ساتھ آئی
میں رفتار و گفتار کے ساتھ آئی
میں باجوں کی جھنکار کے ساتھ آئی
میں چڑیوں کی چہکار کے ساتھ آئی
اٹھو سونے والو کہ میں آرہی ہوں

اذاں پر اذاں مرغ دینے لگا ہے
خوشی سے ہر اک جانور بولتا ہے
درختوں کے اوپر عجب چہچہا ہے
سہانا ہے وقت اور ٹھنڈی ہوا ہے
اٹھو سونے والو کہ میں آرہی ہوں

یہ چڑیاں جو پیڑوں پہ ہیں غل مچاتی
ادھر سے ادھر اڑ کے ہیں آتی جاتی
دموں کو ہلاتی پروں کو پھلاتی
مری آمد آمد کے ہیں گیت گاتی
اٹھو سونے والو کہ میں آ رہی ہوں

لو ہشیار ہو جاؤ اور آنکھ کھولو
نہ لو کروٹیں اور نہ بستر ٹٹولو
خدا کو کرو یاد اور منہ سے بولو
بس اب خیر سے اٹھ کے منہ ہاتھ دھو لو
اٹھو سونے والو کہ میں آ رہی ہوں

 

بہت شکریہ سید عاطف بھائی ۔ اب سمجھ آ گیا ٹیپ کا مصرع۔جزاک اللہ

 

سرور عالم راز سرور صاحب کی ویب سائٹ۔ سیکھنے کے لیے بہت کچھ ہے۔
سلسلہ مضامین کا ایک تصویری جائزہ۔

 

زحافات سے متعلق مفید لڑیاں اور مراسلے:

1. ارکان کے زحافات پر اختلاف
2. شاعری میں عمل تسبیغ
3. تسبیغ کی تین شرائط
4. ثلم ، عضب ، تشعیث ، قطع ، حذد ، اذالہ ، ترفیل ، وقف ، کسف ، ثلم ، ثرم ، بتر، شتر، شکل ، خبل ، عقل، قطف ، نقص ، قصم ، حجم ، عقص ، خزل ، حب ، ذلل ، ہتم ، جدع ، تخنیق ، ساکن
5. اردو میں مستعمل پچیس زحافات
6. رباعی کے چار زحافات: خرب (= خرم اور کٖف ) ، کف ، قبض ، بتر
7. تسکین اوسط اور اس کی شرائط
8. مذال اور مرفل
9. سبب خفیف میں اضافہ تسبیغ ہے اور وتد مجموع میں اذالہ کہلاتا ہے۔
10. مستفعلن میں خبن اور ترفیل سے مفاعلاتن حاصل ہوا۔
11. قصر

 

مجھے آپ کی کتاب آو شاعری سیکھیں درکار ہے۔ کراچی میں کہاں مل سکتی ہے۔۔۔ ؟ اب یہ نہ کہیے کہ ”کسی بھی اچھے بُک اسٹال سے“!
کیا اس کی کوئی تازہ ایڈیشن آرہی ہے اورکیا اس لڑی میں اور شاعری سے متعلق جتنی مزید معلوماتی باتیں یہاں ہوئی ہے کیا وہ بھی اس میں شامل کی گئی ہے؟

 

یہ کتاب صرف لاہور کے ایک پبلشر کے پاس مل سکتی ہے ، انھوں نے سوشل میڈیا پر ہی فروخت کی ہے ، نیا ایڈیشن تیار ہورہا ہے ، لڑی کی بیشتر باتیں کتاب میں شامل کی ہیں ، فی الحال آپ کتاب کے بیس اسباق یہاں سے ڈاؤنلوڈ کرسکتے ہیں۔
اگر ہارڈ کاپی درکار ہے تو ناشر سے اس نمبر 03214084824 پر رابطہ فرمائیے۔ (چونکہ ناشر کے ساتھ بندے کی کاروباری شراکت نہیں ہے ، اس لیے ان سے لین دین میں کسی بھی طرح کی اونچ نیچ کا بندہ ذمہ دار نہیں ہوگا۔ )

 

جدید و قدیم اسالیب میں عام رہا ہے سو ناجائز کہنا مشکل ہے ۔مستحسن البتہ نہیں ۔ واللہ اعلم ۔
جی چھین لیا اس نے دکھا دست حنائی۔ کیا ہات ہے کیا ہات ہے کیا ہات ہے واللہ
۔جرات

 

فیض احمد فیض
کب یاد میں تیرا ساتھ نہیں کب ہات میں تیرا ہات نہیں
صد شکر کہ اپنی راتوں میں اب ہجر کی کوئی رات نہیں