ڈیژا وُو

آپ کو بالخصوص یِہ رِعایت و سہولت نہیں دِی جا سکتی کِہ یہاں آپ کے مُتاثرین بہت بڑی تعداد میں پائے جاتے ہیں۔

 

فارسی میں اِسے آشنا پنداری یا حالتِ پیش دیدہ کہتے ہیں اور اُردو میں دُوسری اصطلاح رائج ہو سکتی ہے۔ میرے خیال میں حالتِ پیش دیدہ نا مُکمل ہے، اِس میں وہم اور گُمان کے معنی نہیں مِلتے۔

 

عربی زبان میں اِس اصطلاح کو وهم سبق الرؤية کہا جاتا ہے جو اُن کی زبان کے حساب سے کافی بہتر ہے۔ اُردو میں ڈیژا وُو سے کام چلانا مُناسب لگ رہا ہے۔

 

ظہیر مِیاں کی حسِ مزاح لا علاج ہے۔

 

ارے واہ۔۔۔۔ایسا کلام اور اس پہ یہ دعویٰ

میں نہیں مانتا،میں نہیں مانتا
اگر یہی خشک شاعری ہے تو دعا ہے کہ خدا مجھے بھی کسی مشی گن جھیل سے روشناس کرے

بہت خوبصورت کلام ہے۔داد قبول کیجیے۔

 

سیف الملوک چلے جایا کریں ۔ شاید آپ کو بھی دیجاوو ہونے لگے

 

بہت خوبصورت!

عمدہ منظر کشی ہے ظہیر بھائی اور اعلیٰ نظم ہے۔

بہت سی داد قبول کیجے۔

 

بہت خوب ظہیرؔ بھائی ۔۔۔ نہایت اعلیٰ اور رواں منظرکشی ہے ۔۔۔ کبھی ہمیں امریکا یاترا کی سعادت نصیب ہوئی تو جھیل مشی گن کنارے بیٹھ کر یہ نظم ضرور پڑھیں گے، ترنم کے ساتھ!

کیا جھیل مشی گن کو اردو میں بحیرۂ پیادہ بندوق کہہ سکتے ہیں؟

 

آپ سمجھے نہیں، ہم بمع آنسہ ترنم امریکا یاترا کی سعادت کا کہہ رہے تھے

سرگوشی

الحمد للہ ہماری اہلیہ محترمہ محفل سے ۱۰۰۰ کلومیٹر کے فاصلے پر رہتی ہیں

 

آپ نے دیر کردی، ہم نے تو اب اپنے چاق چوبند دستوں کو ’’موبلائز‘‘ کردیا ہے

سرگوشی

خیر، اس موضوع پر اشتراکیوں سے ہمارا اختلاف خالصتاً ’’سیکولر‘‘ بنیادوں پر ہے

 

میں نے کچھ قادر الکلامی کے نایاب اور انوکھے واقعات سن رکھے ہیں کہ صاحبِ بیان نے حاضرین و سامعین کو اس طرز سے اپنے سحر میں جکڑا کہ ہم جیسے لوگوں نے اُس بیان کو فی الواقع وقوع پذیر ہوتے ہوئے مشاہدہ کیا اس روایت کی صحت کی بہرحال میں تصدیق تو نہیں کر سکتا مگر واقعات کچھ یوں تھے کہ ایک بار ایک صاحب سردیوں کی ایک شام کے وقت حاضرین کے سامنے ایک گرم دوپہر کو کچھ اس انداز سے بیان کیا کہ حاضرین نے شدتِ گرمی سے بچنے کے لیے سمندر میں چھلانگ لگا دی
دوسرا واقعہ
دوسری جنگ عظیم کو ختم ہوئے کچھ ہی عرصہ ہوا تھا کہ ایک صاحب نے ریڈیو پہ اپنے بیان کے جوہر دکھاتے ہوئے جنگ کا نقشہ اس انداز سے بیان کیا کے لوگوں نے گھبراہٹ میں اپنے گھروں سے نکل جانے میں ہی عافیت جانی

 

جناب آئندہ پوری کوشش رہے گی ۔ اب میں دھیان رکھوں گا کہ بے دھیانی غالب نہ آنے پائے ۔

یہ سب ترجمے نامکمل اور سطحی سے ہیں ۔ خصوصاً دیدِ قبلاً تو بالکل ہی مریل اور چوں چوں کا مربہ ہے ۔ پسند نہیں آیا ۔ سو بات کی ایک بات وہی ہے جو آپ نے کہی کہ ڈیژا وُو ہی سب سے بہتر اور معروف ترکیب ہے ۔ سو اسی کو برتنا چاہیے ۔

 

بہت شکریہ عاطف بھائی !
کبھی کبھی کسی مصرعِ تر کی صورت نکل آتی ہے ۔ سو اس کے لئے معذرت! اگلے ہفتے سے دوبارہ جھیل سے خشکی پر واپسی ہوجائےگی ۔

 

بہت بہت شکریہ احمد بھائی ! آپ کی داد سے بہت دل بڑھتا ہے ۔ اللہ کریم آپ کو خوش رکھے!

 

راحل بھائی ، ترنم ساتھ لے کر آئیں گے یا یہاں پہنچ کر ڈھونڈیں گے ۔ مجھے پہلے سے بتادیجیے گا تاکہ قیام و طعام کے انتظامات میں آسانی رہے ۔ (سنجیدہ تھوبڑے والا شتونگڑہ)

بالکل کہہ سکتے ہیں ۔ اگر عوام الناس کو یہ ترکیب مشکل لگے تو سلیس اردو میں بحیرۂ پیدل پستول بھی کہہ سکتے ہیں ۔

 

اجی فوراً روکئے ان دستوں کو ۔ میں ابھی کفر چھوڑکر مسلمان ہوتا ہوں، کلمہ پڑھتا ہوں۔ آپ رحم کیجیے۔

سرگوشی

اس موضوع پر سنجیدہ گفتگو پھر کبھی کسی مناسب موقع پر رہے گی

 

عبدالرؤف بھائی ، آپ تو سنجیدہ ہوگئے ۔ میں تو یو نہی مذاق کیا تھا ۔ آپ کی بات سے متفق ہوں۔ سامع بعض اوقات خود کسی ایسی کیفیت میں ہوتا ہے کہ عام سا کلام بھی کسی تار کو چھیڑ دیتا ہے ۔ میں خود کئی دفعہ کچھ شاعروں کا کلام سن کر سر دُھن چکا ہوں ۔ بعض دفعہ اپنا اور بعض دفعہ شاعر کا ۔

 

نہیں نہیں ایسی بات نہیں ہے
الحمدللہ ثم الحمدللہ
میں پرانی سوچ کا بندہ ہوں مجھے اساتذہ کی باتوں کا احترام رہتا ہے، ناراضی کا تو امکان ہی نہیں ہے