ڈیژا وُو

ظہیراحمدظہیر نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏نومبر 18, 2020

  1. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    متروکہ کلام سے ایک اور پرانی نظم پیش کرنے کی جسارت کررہا ہوں کہ آپ دوستوں کا یہی تقاضا تھا ۔ اس نظم کا نام اردو میں نہ ہونے کے لئے معذرت۔ باوجود کوشش کے ڈیژا وُو کا اردو متبادل مجھے نہیں مل سکا ۔ لیکن میں سمجھتا ہوں کہ ڈیژا وُو عالمی طور پر شاید ہر زبان میں معروف ہے اس لئے اسی عنوان کو برقرار رکھتا ہوں ۔ آپ اپنی رائے سے ضرور آگاہی بخشئے گا ۔ ممنون رہوں گا۔


    ڈیژا وُو

    (جھیل مشی گن کےکنارے)

    ٭

    جھیل کی سرد ہوا ہے یہ مرے چاروں طرف
    یا کسی بھولی ہوئی یاد کا جھونکا ہے کوئی
    مجھے چُھوتی ہوئی گذری ہے تو محسوس ہوا
    جیسے اک یاد کے یخ بستہ دریچے پہ کہیں
    عکسِ امروز نے موہوم سی دستک دی ہے
    اسقدر ماند ہے اس موجۂ احساس کی رو
    سرمئی دھند میں لپٹا ہوا دن ہو جیسے
    یادِ ماضی کا یہ بھولا ہوا لمحہ بھی کبھی
    وقت کی رو میں گلابوں کی طرح تازہ تھا
    اپنے ماحول کے سب رنگوں کی ساری حدت
    اپنے دامن میں لئے پوری طرح زندہ تھا
    جیسے ہوتا ہے مگر ویسے ہی رفتہ رفتہ
    فکرِ فردا کے زمستانوں کی ژالہ باری
    تہ بہ تہ دل کی زمیں پرہوئی ایسے شب و روز
    منجمد ہو گئے سوئی ہوئی یادوں کے نقوش
    آج اس جھیل مشی گن کے کنارے سے اِ دھر
    ہلکی برسات میں بھیگے ہوئے گیلے پتے
    اپنی رعنائی کی خوشبو سے مہک کر خود ہی
    تال پر بوندوں کی بجنے لگے دھیرے دھیرے
    دُور اک موجۂ بےتاب نے اٹھ کر جیسے
    ساتھ اُڑتے ہوئے سِیگل کا چمکتا سا بدن
    ذرا دھیرے سے چُھوا اور یونہی چھوڑ دیا
    جانے کیا وعدۂ و پیماں ہوئے اُس لمحے میں
    پاس اک شرمگیں چہرے پہ دھنک پھیل گئی
    گل ستاں جیسے سمٹ جائے کسی غنچے میں
    رقص کرتی ہوئی کچھ شوخ سی بیباک ہوا
    اک کھلی زلف سے اُلجھی تو یہ سوچا میں نے
    جھیل کی سرد ہوا ہے یہ مرے چاروں طرف
    یا کسی بھولی ہوئی یاد کا جھونکا ہے کوئی
    یہ سمے مجھ پہ کہیں پہلے بھی ہو گذرا ہے
    یا کہیں میرے تصور کا یہ دھوکا ہے کوئی

    ٭٭٭

    ڈور کاؤنٹی (وسكانسن)۔۔۔۔ ۲۰۰۲

     
    آخری تدوین: ‏نومبر 18, 2020
    • زبردست زبردست × 16
    • پسندیدہ پسندیدہ × 5
  2. محمد خلیل الرحمٰن

    محمد خلیل الرحمٰن مدیر

    مراسلے:
    11,610
    جھنڈا:
    Pakistan
    موڈ:
    Festive
    خوبصورت خوبصورت!
     
    • دوستانہ دوستانہ × 1
    • متفق متفق × 1
  3. فاخر رضا

    فاخر رضا محفلین

    مراسلے:
    3,536
    چاہے یہ ڈیجاوو ہو یا ہو، اس پریشانی میں اس جھیل کا مزہ کیوں کرکرا کیا جائے. جب بھی یہ والی فیلنگ آئے ایسے سوچیے.
    دوسرا طریقہ یہ ہے کہ اس جگہ پھر سے چلے جائیے. اس کے بعد یہ فیلنگ نہیں ہوگی

    بہت اچھی منظر کشی کی ہے آپ نے
     
    • پسندیدہ پسندیدہ × 2
    • دوستانہ دوستانہ × 1
  4. محمد تابش صدیقی

    محمد تابش صدیقی منتظم

    مراسلے:
    26,624
    جھنڈا:
    Pakistan
    موڈ:
    Breezy
    بہت عمدہ ظہیر بھائی۔
    بہت خوبصورت انداز سے احساسات کی ترجمانی کی ہے آپ نے۔
     
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1
  5. محمد عبدالرؤوف

    محمد عبدالرؤوف لائبریرین

    مراسلے:
    2,954
    بہت خوب ظہیر بھائی، عمدہ کلام
    ایک مفت مشورہ :)
    سردیوں میں ایسے کلام سے پرہیز کریں یقین مانیں ایک بار تو جھرجھری آ کے رہ گئی :p
     
    • پر مزاح پر مزاح × 4
    • پسندیدہ پسندیدہ × 1
  6. سید عاطف علی

    سید عاطف علی لائبریرین

    مراسلے:
    12,688
    جھنڈا:
    SaudiArabia
    موڈ:
    Cheerful
    ماضی میں کچھ (ترقی پسند مزاحمتی وغیرہ ) تحریکوں سے باقاعدہ وابستگی رہی ؟ :)
    یا محض لفظوں کی حد تک اثر قبول کیا
    مجھے ایک "چھاپ" سی جھلکتی نظر آرہی ہے نظم میں :)
    ویسے نظم پسند ائی ظہیر بھائی ۔کلام کو بیک قلم مرفوع کرنا بہر حال ٹھیک نہیں شاید پہلے بھی کہیں کہہ چکا ہوں ۔
    شاد آباد رہیں ۔ مولیٰ سلامت رکھے ہمیشہ ۔
    رقص والی لائن میں شاید "اک" کتابت میں چھوٹ گیا ہے اور قاری کو لڑکھڑا دے رہا ہے۔۔
     
    آخری تدوین: ‏نومبر 18, 2020
    • پسندیدہ پسندیدہ × 5
  7. بابا-جی

    بابا-جی محفلین

    مراسلے:
    1,404
    اُردو میں 'دیدِ قبلاََ' کِسی حد تک رائج ہے مگر ڈیژا وُو ہی بہتر ہے۔
     
    • پسندیدہ پسندیدہ × 3
    • معلوماتی معلوماتی × 2
  8. زوجہ اظہر

    زوجہ اظہر محفلین

    مراسلے:
    300
    جھنڈا:
    Pakistan
    موڈ:
    Cheerful
    عمدہ

    یادداشت کا حصہ ہے کہ یونیورسٹی میں ڈیژا وو سنڈروم کے بارے میں سر نے ایک مصرع کے ذریعے سمجھایا تھا

    یہ تو وہی جگہ ہے گزرےتھے ہم جہاں سے
     
    • پسندیدہ پسندیدہ × 4
  9. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    شکریہ شکریہ
     
  10. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    فاخر بھائی ، اس جگہ چلا تو جاؤں لیکن بیس سال پہلے والا ظہیر کہاں سے لاؤں گا ۔ اور پھر یہ کہ بات صرف جگہ کی نہیں بلکہ اس وقت کے ماحول اور محاکات کی بھی ہے ۔ وہ تو اب دہرانے سے رہے ۔ اگر ہوسکے تو ہماری یہ غزل پڑھئے گا ۔
    اے وقت ذرا تھم جا ، یہ کیسی روانی ہے
    آنکھوں میں ابھی باقی اک خوابِ جوانی ہے
     
    • پسندیدہ پسندیدہ × 5
  11. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    بہت شکریہ تابش بھائی ! بہت عنایت!
     
  12. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    مفت کا ہے تو قبول ہے ۔
    چنانچہ آئندہ نظم پوسٹ کرتے وقت شروع ہی میں لکھ دیا کروں گا کہ یہ نظم سوئٹر اور دستانے پہن کر پڑھنی ہے یا پنکھا چلا کر ۔
     
    • پر مزاح پر مزاح × 6
    • دوستانہ دوستانہ × 1
  13. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    سید عاطف علی بھائی ، پچھلی نظم پر آپ کے مشورے کے بعد ہی سرکلر فائل سے نکال کر یہ نظم پوسٹ کی ہے ۔مشورے اور پذیرائی کے لئے بہت ممنون ہوں ۔ اللہ سلامت رکھے ۔ ٹائپنگ کی خامی درست کردی ہے ۔نشاندہی کے لئے ممنون ہوں ۔
    میں نوجوانی میں "سرخا" رہا ہوں ۔ مارکسی ادب کو بہت زیادہ پڑھا اور کسی حد تک اثر بھی قبول کیا ۔ لیکن الحمدللہ ، مالک نے کبھی مذہبی عقائد میں خلل نہیں آنے دیا ۔ میں سماجی انصاف (سوشل جسٹس) کا بڑا حامی ہوں اور سمجھتا ہوں کہ اسلام کے معاشرتی ڈھانچے میں سماجی انصاف اور مساوات کو بہت اہمیت ہے ۔ ہمیں سوشلزم سے بہت کچھ سیکھنے کی ضرورت ہے ۔ ہر نظام میں کچھ نہ کچھ اچھی باتیں ضرور موجود ہیں ۔
    اس تھوڑا لکھے کو بہت جانئے ورنہ فتویٰ بریگیڈ حرکت میں آجائے گا اور پھر جواب در جواب در جواب کا وقت کہاں سے لاؤں گا۔ :)
     
    • پسندیدہ پسندیدہ × 5
    • دوستانہ دوستانہ × 2
    • معلوماتی معلوماتی × 1
    • پر مزاح پر مزاح × 1
  14. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    باباجی بھائی ، یہ دیدِ قبلاً اردو میں کس حد تک رائج ہے ذرا وضاحت فرمائیے گا ۔ اگر دو چار حوالے عنایت فرمادیں تو بہت احسان ہوگا ۔
     
  15. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    میرا بھی یہی خیال ہے کہ تقریباً ہر اردو دان ہی ڈیژا وو کے لفظ سے واقف ہے اور اب اس لفظ کو اردو کا حصہ ہی جاننا چاہئے ۔
     
    • پسندیدہ پسندیدہ × 2
    • متفق متفق × 2
  16. بابا-جی

    بابا-جی محفلین

    مراسلے:
    1,404
    مثلاً یہاں دیکھیے۔
     
    • پسندیدہ پسندیدہ × 1
    • دوستانہ دوستانہ × 1
  17. بابا-جی

    بابا-جی محفلین

    مراسلے:
    1,404
    'چاہئے' دُرست ہے یا 'چاہیے'، یہ بھی آپ کو ہی بتانا ہو گا۔
     
    • دوستانہ دوستانہ × 1
  18. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    املا کمیٹی کی سفارشات کے مطابق چاہیے لکھنا چاہیے کہ اس میں "ی" کا ماقبل مکسور ہے ۔
    ایک جگہ پہلے بھی کسی مراسلے میں لکھا تھا کہ صدیوں سے رائج متنازع الفاظ کے املا کی بحث درست اور غلط سے متعلق نہیں ہے بلکہ ایک معیاری املا کو فروغ دینے کی ایک سعی ہے ۔ میری پوری کوشش ہوتی ہے کہ املا کمیٹی کی سفارشات پر عمل کیا جائے لیکن جیسا کہ پہلے بھی کئی دفعہ عرض کیا ایک عمر کی عادت ہے جاتے جاتے ہی جائے گی۔ کبھی کبھی بے دھیانی میں عادت کے مطابق چاہئے لکھ جاتا ہوں لیکن آپ اسے چاہیے ہی پڑھا کریں ۔ :)
     
    • پسندیدہ پسندیدہ × 2
    • دوستانہ دوستانہ × 1
  19. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    باباجی بھائی ، اس ربط پر جو تحریر ہے اس کے مصنف کا نام کہیں نظر نہیں آیا ۔ جس طرح ان صاحب نے وضاحت کی ہے اس سے تو یہ دیدِ قبلاً مجھے "ایجادِ بندہ" لگ رہا ہے ۔ اگر خود ہی گھڑنا ہے تو اس سے زیادہ بہتر ترکیب گھڑنا بھی ممکن ہے ۔
     
    آخری تدوین: ‏نومبر 19, 2020
    • پسندیدہ پسندیدہ × 1
    • متفق متفق × 1
  20. بابا-جی

    بابا-جی محفلین

    مراسلے:
    1,404
    اِسے دیکھ لیں۔
     
    آخری تدوین: ‏نومبر 19, 2020
    • پسندیدہ پسندیدہ × 2

اس صفحے کی تشہیر