وہ میرے گھر نہیں آتا میں اُس کے گھر نہیں جاتا - وسیم بریلوی

[کاشفی]

غزل
(وسیم بریلوی)
وہ میرے گھر نہیں آتا میں اُس کے گھر نہیں جاتا
مگر احتیاطوں سے تعلق مر نہیں جاتا

برے اچھے ہوں جیسے بھی ہوں سب رشتے یہیں کے ہیں
کسی کو ساتھ دنیا سے کوئی لے کر نہیں جاتا

گھروں کی تربیت کیا آگئی ٹی وی کے ہاتھوں میں
کوئی بچہ اب اپنے باپ کے اوپر نہیں جاتا

کھلے تھے شہر میں سو دَر مگر ایک حد کے اندر ہی
کہاں جاتا میں اگر لوٹ کے پھر گھر نہیں جاتا

محبت کے یہ آنسوں ہیں انہیں آنکھوں میں رہنے دو
شریفوں کے گھروں کا مسئلہ باہر نہیں جاتا​

 

[سید زبیر]

بہت خوشیاں سمیٹیں ۔ رب کریم آپ کو اپنی نعمتوں اور رحمتوں سے نوازے (آمین)
برے اچھے ہوں جیسے بھی ہوں سب رشتے یہیں کے ہیں
کسی کو ساتھ دنیا سے کوئی لے کر نہیں جاتا

 

[نوشاب]

محبت کے یہ آنسوں ہیں انہیں آنکھوں میں رہنے دو
شریفوں کے گھروں کا مسئلہ باہر نہیں جاتا

 

[قیصرانی]

زبردست شیئرنگ، جیتے رہیئے برادرم

 

[صائمہ شاہ]

طارق شاہ کے توسط سے پہلی بار ان کا کلام پڑھنے کو ملا تھا اچھے شاعر ہیں لگی بندھی شاعری نہیں کرتے

 

[طارق شاہ]

دیرپا ہے کِس قدر ثاقب حسینوں کا شباب
عمر بھر اپنی جوانی کی قسم کھاتے رہے

ثاقب لکھنوی

 

[طارق شاہ]

بَلا ہے عشق لیکن ہر بشر قابل نہیں ہوتا
بہت پہلو ہیں ایسے بھی کہ جن میں دل نہیں ہوتا

ثاقب لکھنوی

 

[طارق شاہ]

تڑپتا کِس کو دیکھوگے، جو زندہ ہوں تو سب کچھ ہو
بلائے عشق کا مارا کبھی بسمل نہیں ہوتا

ثاقب لکھنوی

 

[طارق شاہ]

روشن چراغ تھے نہ سِتاروں میں نُور تھا
فُرقت میں آہِ دِل کا اثر دُور دُور تھا

مجھ کو یقینِ وعدۂ فردا ضرُور تھا
مشکل یہ آپڑی تھی کہ دل ناصبُور تھا

اے آہِ سرد اِس میں تِرا کیا قصُور تھا
ٹھنڈا ہو دِل یہ سوزِ محبّت سے دُور تھا

پیدا ہُوا ہے جو، مِری ہستی سے اِنقلاب
دِل کا کِیا دھرا ہے مجھے کیا شعُور تھا

ثاقب لکھنوی

 

[عظیم]

مگر اِن احتیاطوں سے تعلق مر نہیں جاتا !