1. اردو محفل سالگرہ پانزدہم

    اردو محفل کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

پندرہویں سالگرہ محفل فورم کی پندرہوں سالگرہ کے موقعے پر

نبیل نے 'محفل کی سالگرہ' کی ذیل میں اس موضوع کا آغاز کیا، ‏جون 30, 2020

  1. نبیل

    نبیل محفلین

    مراسلے:
    16,709
    جھنڈا:
    Germany
    موڈ:
    Depressed
    عزیز محفلین،
    آپ سب کو محفل فورم کی پندرہویں سالگرہ بہت مبارک ہو۔
    اس سطور کو لکھنے کے وقت یہاں جون اور جولائی کے درمیان کی رات ہے۔ آج سے پورے پندرہ سال قبل بالکل اسی وقت محفل فورم معرض وجود میں آئی تھی۔ پندرہ سال آج کے زمانے میں نوری سالوں کی مسافت کے مترادف ہیں۔سال 2005 میں سوشل میڈیا کے بارے میں لوگ کم ہی جانتے تھے، اور آج سوشل میڈیا اور ٹیکنالوجی کمپنیاں حکومتوں سے زیادہ طاقتور ہوگئی ہیں۔اس اثناء میں ایک نسل پروان چڑھ چکی ہے۔ جنریشن زیڈ اور ملینیلزاپنے گرد دنیا کو بالکل مختلف انداز سے دیکھتے ہیں اور ان کا ٹیکنالوجی کے استعمال کا انداز بھی گزشتہ جنریشن کے اعتبار سے مختلف ہے۔ نئی نسل پنگھوڑے سے ہی سمارٹ ڈیوائسز کا استعمال جان جاتی ہے۔ سسٹم میں اردو سپورٹ انیبل کرنا اور اردو کی بورڈ انسٹال کرنا جیسی چیزیں ان کے لیے اجنبی ہیں۔ آج کے ویب صارفین بھی رکاوٹوں سے پاک انٹرفیس چاہتے ہیں۔ بہتر ہو اگر موضوعات کے انتخاب کے سلسلے میں بھی ایسا ہی کیا جا سکے۔گزشتہ پندرہ سال کے مباحث کا جائزہ بھی ایک دلچسپ تحقیق ثابت ہو سکتا ہے۔ فی الوقت پرانے تھریڈ پر جواب ارسال کرنے پر کوئی پابندی نہیں ہے، اور اکثر دیکھنے میں آتا ہے کہ کس طرح ایک دہائی قبل انجام کو پہنچنے والے مناظرے پر جواب اس انداز میں پوسٹ کیا جاتا ہے جیسے یہ کل کی بات ہو۔

    فورم کی سالگرہ کے موقعے پر ہم کچھ ٹیکنالوجی کے منظر نامے کا بھی جائزہ لیتے ہیں اور اندازہ لگاتے ہیں کہ آنے والے وقت میں ٹیکنالوجی اردو کمپیوٹنگ پر کس صورت میں اثر انداز ہوگی۔ اس وقت مواصلات کی ٹیکنالوجی ایک بڑی تبدیلی کے دور سے گزر رہی ہے، اور آنے والے چند برس میں اس کے مضمرات سے بہتر آگاہی ہوگی۔ یہ سطور لکھتے وقت ہی خلائی ٹیکنالوجی کمپنی سپیس ایکس نے ایک اور راکٹ خلا میں بھیجا ہے۔سپیس ایکس اپنے سٹارلنک پروگرام کے تحت زمین کے گرد کم اونچائی کے مدار میں کئی ہزار مصنوعی سیارے بھیجنے کا ارادہ رکھتا ۔ سٹارلنک کا مقصد دنیا بھر میں کیبل سے بھی زیادہ تیزرفتار انٹرنیٹ فراہم کرنا ہے۔ انٹرنیٹ اب پانی اور بجلی کی طرح بنیادی انسانی ضرورت تسلیم کیا جاتا ہے۔ بلکہ انٹرنیٹ کی دستیابی کم مراعات یافتہ طبقات کے خوشحالی کی جانب سفر کلیدی حیثیت رکھتی ہے۔ انٹرنیٹ کا آج کے معاشرے پر اثر ویسا ہی ہے جیسا کئی صدی قبل پرنٹنگ پریس نے یورپ پر ڈالا تھا۔ اس کے نتیجے میں پرانے سماجی ، سیاسی اور معاشی سٹرکچر شکست وریخت سے گزر رہے ہیں اور اس کے نتیجے میں نئے نظریات اور گروہ تشکیل پار ہے ہیں۔ اور اس تبدیلی کی رفتار تیزی سے بڑھ بھی رہی ہے۔ اب ہر کمپنی کو اپنے بزنس کرنے کے انداز پر نظر ثانی کی ضرورت پیش آ رہی ہے۔ جو کمپنی ڈیجیٹل ٹرانسفارمیشن سے نہیں گزرے گی، ہو سکتا ہے کہ کچھ ہی سال میں اسے اپنی دکان بڑھانی پڑے۔

    جہاں تک اردو کمپیوٹنگ کے مستقبل کے منصوبوں کا تعلق ہے تو ان میں تاخیر کے باوجود ہمارا عز م ابھی تک ویسا ہی ہے۔ ذاتی اور ملازمت کی ترجیحات ان منصوبوں کی راہ میں حائل ضرور ہیں لیکن ان میں درپردہ کچھ نہ کچھ پیشرفت ہوتی رہی ہے۔ان کے بارے میں انشاءاللہ علیحدہ سے عرض کروں گا۔ ہم ایک نئے ڈسکشن پلیٹ فارم کی بنیاد رکھنا چاہتے ہیں۔ اردو محفل فورم کے موجودہ پلیٹ فارم کی دیکھ بھال بھی ضروری ہے۔ ماضی میں بھی ہم کئی مرتبہ ایسے چیلنجز سے نبردآزما ہو چکے ہیں۔ ہمیشہ یہی مشکل پیش آتی ہے کہ کوئی بھی کانٹینٹ منیجمنٹ سسٹم یا ڈسکشن پلیٹ فارم اردو کے لیے تیارنہیں ہوتا، بلکہ اس کے لیے محنت طلب تحقیق کی ضرورت پیش آتی ہے۔ میجر اپگریڈز کی صورت میں پرانے ڈیٹا کو مائیگریٹ کرنے کے لیے اکثر خود سے ٹول لکھنے پڑتے ہیں۔

    یہاں میں ایک مرتبہ پھر دہرانا چاہوں گا کہ کسی بھی ڈسکشن پلیٹ فارم کی کامیابی کا انحصار اس کے زیراستعمال ٹیکنالوجی کےبجائے اس کی مؤثر نظامت اور کمیونٹی کی بھرپور شراکت ہے۔ اردو ویب اور اردو محفل فورم کے قیام کا مقصد اردو کمپیوٹنگ کی ترویج ہے۔ اس اصول کے تحت فورم پر ٹیکنالوجی اور ادبی سیکشن میں معیاری شراکت میں اضافہ ہونا چاہیے۔ فورم کی سالگرہ ہمیں اس کے لیے ایک اچھا موقع فراہم کرتی ہے۔ میں امید کرتا ہوں کہ تمام محفلین اس موقعے پر اپنا حصہ ڈالیں گے۔
     
    • زبردست زبردست × 19
    • پسندیدہ پسندیدہ × 7
    • دوستانہ دوستانہ × 1
  2. نبیل

    نبیل محفلین

    مراسلے:
    16,709
    جھنڈا:
    Germany
    موڈ:
    Depressed
  3. نیرنگ خیال

    نیرنگ خیال لائبریرین

    مراسلے:
    18,000
    جھنڈا:
    Pakistan
    موڈ:
    Dunce
    نبیل بھائی اتنے ثقیل خطبہ جات فرماتے ہیں آپ۔یہ نوری کون ہے؟ اور یہ ثناء جس کی نسل پروان چڑھ رہی۔۔۔۔۔ اوہ اچھا اثناء ہے۔ معذرت۔۔۔

    اللہ آپ کو ہمت دے۔ ہم جیسے جو یہاں ویلیاں مارتے موج مستی میں مصروف رہتے ہیں، صرف اس وجہ سے آپ جیسے خوبصورت لوگ اپنی محنتوں اور کوششوں سے یہ سب پلیٹ فارم مہیا کیے ہیں۔ اللہ پاک اجر عطا فرمائے۔ آمین
     
    • پسندیدہ پسندیدہ × 3
    • پر مزاح پر مزاح × 3
    • دوستانہ دوستانہ × 1
    • متفق متفق × 1
  4. محمد وارث

    محمد وارث لائبریرین

    مراسلے:
    26,162
    جھنڈا:
    Pakistan
    موڈ:
    Depressed
    شکریہ اس تحریر کے لیے برادرم نبیل ۔ آپ کو، دیگر بانیانِ محفل اور تمام محفلین کو اردو محفل کی سالگرہ مبارک۔ :)
     
    • پسندیدہ پسندیدہ × 7
    • زبردست زبردست × 2
    • دوستانہ دوستانہ × 1
  5. محمد تابش صدیقی

    محمد تابش صدیقی منتظم

    مراسلے:
    25,209
    جھنڈا:
    Pakistan
    موڈ:
    Breezy
    بہت عمدہ، مربوط اور دور اندیشانہ تحریر۔ :)
     
    • پسندیدہ پسندیدہ × 3
    • زبردست زبردست × 2
    • متفق متفق × 2
    • دوستانہ دوستانہ × 1
  6. محمد تابش صدیقی

    محمد تابش صدیقی منتظم

    مراسلے:
    25,209
    جھنڈا:
    Pakistan
    موڈ:
    Breezy
    کہیے تو آپ کو کسی کام پر لگاتے ہیں۔ :)
     
    • پر مزاح پر مزاح × 3
    • غمناک غمناک × 1
  7. شکیب

    شکیب محفلین

    مراسلے:
    1,732
    جھنڈا:
    India
    موڈ:
    Breezy
    ارے سالگرہ بھی آ گئی۔ بہت مبارک۔ :bighug:
    اور نئے پلیٹ فارم (کم از کم کمپیوٹنگ سیکشن) کا جلد ہی کچھ کیجیے، بہت صبر کر لیا بھئی ہم نے تو۔ :D
     
    • پسندیدہ پسندیدہ × 3
    • زبردست زبردست × 3
    • دوستانہ دوستانہ × 1
  8. الف عین

    الف عین لائبریرین

    مراسلے:
    34,651
    جھنڈا:
    India
    موڈ:
    Psychedelic
    • پسندیدہ پسندیدہ × 8
    • دوستانہ دوستانہ × 6
    • زبردست زبردست × 3
    • معلوماتی معلوماتی × 1
  9. رانا

    رانا محفلین

    مراسلے:
    2,788
    جھنڈا:
    Pakistan
    موڈ:
    Cheerful
    اردو محفل کی پندرہویں سالگرہ تمام محفلین کے ساتھ ساتھ بانیانِ محفل کو بطور خاص بہت مبارک ہو۔:)
     
    • پسندیدہ پسندیدہ × 4
    • زبردست زبردست × 2
    • دوستانہ دوستانہ × 2
  10. محمد خلیل الرحمٰن

    محمد خلیل الرحمٰن مدیر

    مراسلے:
    9,344
    جھنڈا:
    Pakistan
    موڈ:
    Festive
    تمام محفلین کو دلی مبارکباد قبول ہو!
     
    • پسندیدہ پسندیدہ × 5
    • دوستانہ دوستانہ × 2
    • زبردست زبردست × 1
  11. فہد اشرف

    فہد اشرف محفلین

    مراسلے:
    6,760
    جھنڈا:
    India
    موڈ:
    Relaxed
    اردو محفل اور محفل کے تمام اراکین کو محفل کی سالگرہ کی بہت بہت مبارکباد۔ :congrats:
     
    • پسندیدہ پسندیدہ × 4
    • دوستانہ دوستانہ × 2
    • زبردست زبردست × 1
  12. نکتہ ور

    نکتہ ور محفلین

    مراسلے:
    686
    جھنڈا:
    Pakistan
    موڈ:
    Cheerful
    :congrats:

    :great:

    :best:
     
    • پسندیدہ پسندیدہ × 3
    • زبردست زبردست × 1
    • دوستانہ دوستانہ × 1
  13. عبدالقیوم چوہدری

    عبدالقیوم چوہدری محفلین

    مراسلے:
    18,089
    جھنڈا:
    Pakistan
    موڈ:
    Relaxed
    خیر مبارک۔ آپ سب احباب کا شکریہ۔
     
    • پسندیدہ پسندیدہ × 4
    • دوستانہ دوستانہ × 2
  14. محمد عدنان اکبری نقیبی

    محمد عدنان اکبری نقیبی محفلین

    مراسلے:
    18,554
    جھنڈا:
    Pakistan
    موڈ:
    Cheerful
    آپ سب احباب کو بہت مبارک ہو۔
    شکریہ نبیل بھائی
     
    آخری تدوین: ‏جولائی 2, 2020
    • پسندیدہ پسندیدہ × 5
    • دوستانہ دوستانہ × 1
  15. عبدالقیوم چوہدری

    عبدالقیوم چوہدری محفلین

    مراسلے:
    18,089
    جھنڈا:
    Pakistan
    موڈ:
    Relaxed
    آپ سے؟
    یعنی آپ نے مجھ جیسوں کو تو مبارکباد نا دی پھر۔۔۔:( نقیبی صاحب یہ اچھی بات نہیں ہے۔ :D
     
    • پر مزاح پر مزاح × 5
  16. محمد عدنان اکبری نقیبی

    محمد عدنان اکبری نقیبی محفلین

    مراسلے:
    18,554
    جھنڈا:
    Pakistan
    موڈ:
    Cheerful
    آپ کو بھی بہت مبارک ہو چوہدری جی۔
     
    • دوستانہ دوستانہ × 3
  17. شکیب

    شکیب محفلین

    مراسلے:
    1,732
    جھنڈا:
    India
    موڈ:
    Breezy
    آپ بھی بس سالگرہ کی سالگرہ ہی چکر لگاتے ہیں۔
    امید ہے اس سال بھی ہمیشہ کی طرح آپ کی طرف سے دلچسپ لڑیاں دیکھنے کو ملیں گی۔ :)
     
    • دوستانہ دوستانہ × 3
    • پسندیدہ پسندیدہ × 1
    • متفق متفق × 1
  18. نبیل

    نبیل محفلین

    مراسلے:
    16,709
    جھنڈا:
    Germany
    موڈ:
    Depressed
    بہت شکریہ اعجاز اختر صاحب، آپ کی شراکت ہمارے لیے ہمیشہ باعث فخر رہی ہے، اور آپ بلاشبہ بانیان محفل میں شامل ہیں۔
     
    • متفق متفق × 5
    • پسندیدہ پسندیدہ × 4
    • دوستانہ دوستانہ × 1
  19. لاريب اخلاص

    لاريب اخلاص محفلین

    مراسلے:
    15,435
    خیر مبارک محترم!
    اُردو محفل!
    پندرہویں سالگرہ مبارک!
     
    • پسندیدہ پسندیدہ × 3
    • زبردست زبردست × 1
  20. ابن سعید

    ابن سعید خادم

    مراسلے:
    60,165
    سبھی محفلین کو محفل کی سالگرہ بہت بہت مبارک ہو! :) :) :)
     
    • پسندیدہ پسندیدہ × 6
    • زبردست زبردست × 2
    • دوستانہ دوستانہ × 2

اس صفحے کی تشہیر