قرنطینہ

زیک نے 'ادبیات و لسانیات' کی ذیل میں اس موضوع کا آغاز کیا، ‏اپریل 13, 2020

  1. زیک

    زیک محفلین

    مراسلے:
    38,495
    جھنڈا:
    UnitedStates
    موڈ:
    Bookworm
    یہ تو ظاہر ہے کہ قرنطینہ انگریزی کے quarantine سے اخذ شدہ ہے لیکن اس کی اردو میں کیا تاریخ ہے؟ یہ پہلی بار اردو میں کب استعمال ہوا؟

    فارسی اور ہندی میں quarantine کے لئے کیا الفاظ مستعمل ہیں؟
     
    • پسندیدہ پسندیدہ × 5
    • متفق متفق × 1
  2. فرقان احمد

    فرقان احمد محفلین

    مراسلے:
    10,183
    قرنطینہ اطالوی زبان کے لفظ quaranta giorni سے نکلا ہے جس کا مطلب ہے چالیس دن۔ریکارڈ کی گئی انسانی تاریخ میں 3 بار پلیگ ( بیکٹیریا ) نے لاکھوں انسانوں کو نگل لیا۔ پہلی بار بازنطینی سلطنت کا صفایا 541- 542 AD میں کیا۔ پھر آیا یورپ کا بلیک ڈیتھ جو 1348 عیسوی سے شروع ہوا تو 4 سال میں 25 ملین افراد یعنی یورپ کی ایک تہائی سے زیادہ آبادی کو نگل گیا۔ اس دوران جو تجارتی جہاز شہر وینس کی بندرگاہ پر داخل ہوتے ان پر موجود تاجر اور عملے کے لیے لازم تھا کہ وہ چالیس دن جہاز میں ہی رکے رہیں۔ مقصد شہری آبادی سے دور رکھنا تھا۔ تاکہ اس دوران جس کو پلیگ کا مرض ہے اس کی علامات ظاہر ہو جائیں اور اس کو صحت مندوں سے الگ کر لیا جائے کہ یہ واحد طریقہ تھا باقی انسانوں کو بچانے کا۔کچھ تہذیبوں تک قرنطینہ کا تصور نہیں پہنچا تھا یا وہ اس پر عمل کرنے پر قادر نہیں تھیں۔ مثال کے طور پر جب یوروپین 1492 میں امریکا پہنچے جسے وہ امریکہ دریافت کرنا کہتے ہیں تو اپنے ساتھ کئی ایک وائرل بیماریاں لے گئے جن میں خسرہ، چیچک، چکن پاکس وغیرہ شامل ہیں۔ یورپ کے باشندوں کے مدافعتی نظام نے تو ان بیماریوں کو جھیل لیا تھا لیکن بے چارے مقامی امریکیوں کی 90 فیصد آبادی ان بیماریوں سے مر گئی۔ محتاط اندازہ ہے کہ ان بیماریوں سے مرنے والے مقامی امریکیوں کی تعداد 55 سے 60 ملین تھی۔ آج بھی ان کی تعداد کم ہے اور پورے امریکا کی آبادی کا صرف 2 فیصد ہیں۔ اس کی ایک وجہ شاید وائرس سے بچنے کے طریقوں سے ناواقفیت بھی ہو۔ 1855میں تیسرا پلیگ چین اور برصغیر میں پھوٹا جس میں پہلی بار برطانوی فوج نے اس خطے میں باقاعدہ قرنطینہ۔ آئی سولیشن سنٹر۔ نقل و حرکت پر پابندی اور جبری حفظان صحت قوانین نافذ کیے جس کا عوام سے سخت رد عمل آیا لیکن وہی اصول بعد میں برصغیر کے ماڈرن نظام صحت کی بنیاد بنے۔

    قرنطینہ انسانی تہذیب جتنا ہی پرانا ہے اس کا تذکرہ صحیفوں میں بھی ہے۔ بنی امیہ کے فرمانرواعبد الملک ابن مروان نے کوڑھ کی وبا کے دوران دمشق میں قرنطینہ بنوایا۔ شہر کو کئی دن کے لیے بند کردیا اور کوڑھیوں کو صحت مندوں سے الگ کرکے دمشق کے قرنطینہ میں منتقل کیا۔
     
    • پسندیدہ پسندیدہ × 1
    • زبردست زبردست × 1
    • معلوماتی معلوماتی × 1
    • دوستانہ دوستانہ × 1
  3. فرقان احمد

    فرقان احمد محفلین

    مراسلے:
    10,183
    اردو زبان میں قرنطینہ کا لفظ تو شاید حال ہی میں استعمال ہونا شروع ہوا ہے۔
     
    • پسندیدہ پسندیدہ × 2
    • معلوماتی معلوماتی × 1
    • دوستانہ دوستانہ × 1
  4. فہد اشرف

    فہد اشرف محفلین

    مراسلے:
    6,797
    جھنڈا:
    India
    موڈ:
    Relaxed
     
    • پسندیدہ پسندیدہ × 2
    • معلوماتی معلوماتی × 2
    • دوستانہ دوستانہ × 1
  5. فرقان احمد

    فرقان احمد محفلین

    مراسلے:
    10,183
    ایک اہم نکتہ یہاں پڑھنے کو ملا ہے۔

    قرنطینہ کا لفظ بچپن میں شاید سید سجادحیدر یلدرم کی کتاب یا مضمون میں پڑھا تھا۔ جسمیں مصنف عراق کی بندرگاہ پر اترتا ہے اور وہاں ڈاکٹر انہیں ١٥ روز کے لیے قید (قرنطائن) کر دیتا ہے کہ پندرہ یوم تک اس کیمپ سے باہر نہیں جاسکتے اس کے بعد طبی معائنہ ہوگا اور شہر میں داخلے کی اجازت ملے گی۔ یہ اس زمانے کی حفاظتی تدابیر تھیں کہ دور دراز ملکوں سے آنے والے مسافروں کو اپنے ملک میں داخلے کی اجازت دینے سے پہلے اس بات کا اطمینان کرلیا جائے کہ مسافر کسی وبائی مرض کا کیریر تو نہیں (سیاحوں کو بیماریاں وہاں سے لیکر آنے اور اپنے خاندان کو اسمیں مبتلا کرنے کی آزادی تھی) اُس وقت یہ بات کچھ سمجھ میں آئی نہیں تھی اسی وجہ سے یہ لفظ ایک پھانس کی طرح سے ذہن میں اٹکا ہی رہ گیا۔ پھر سعودیہ جانا ہوا تو دیکھا کہ انکے صنعتی علاقے صناعیہ سے متصل قرنطینہ کے نام سے ایک پورا محلہ آباد ہے جہاں کی اکثریتی آبادی کالوں پر مشتمل ہےواضح طور پر یہ آبادی انہی لوگوں کے دم سے وجود میں آئی جنہیں کاغزوں میں کبھی جدہ میں داخلے سے روکا گیا ہوگا پھر کمپیوٹر سے سوجھ بوجھ ہوئی تو انٹی وائرس پروگرام میں بھی یہ لفظ موجود پایا۔
     
    • پسندیدہ پسندیدہ × 2
    • معلوماتی معلوماتی × 2
  6. محمد خلیل الرحمٰن

    محمد خلیل الرحمٰن مدیر

    مراسلے:
    9,431
    جھنڈا:
    Pakistan
    موڈ:
    Festive
    ہم تو اردو میں ایک عرصے سے لفظ قرنطینہ سنتے آئے ہیں۔
     
    • متفق متفق × 2
    • پسندیدہ پسندیدہ × 1
    • معلوماتی معلوماتی × 1
  7. سید عاطف علی

    سید عاطف علی محفلین

    مراسلے:
    9,403
    جھنڈا:
    SaudiArabia
    موڈ:
    Cheerful
    بھئی میں نے تو اس کو کرونا وائرس سے پہلے شاید ہی سنا پڑھا ہو۔ اور اگر ہو تو یاد نہیں ہوگا۔
    میں تو بس اینٹی وائرس سوفٹ وئیرز وغیرہ میں یہ لفظ دیکھا تھا کہ وائرس کوارنٹین ہو گیا ۔ :)
     
    • پسندیدہ پسندیدہ × 1
    • معلوماتی معلوماتی × 1
    • متفق متفق × 1
  8. سید عاطف علی

    سید عاطف علی محفلین

    مراسلے:
    9,403
    جھنڈا:
    SaudiArabia
    موڈ:
    Cheerful
    کس سے سنتے آئے ہیں ؟کہاں کہاں وغیرہ ۔
    کچھ تفصیل ذکر ہو تو مزہ آئے ۔
     
    • پر مزاح پر مزاح × 1
  9. محمد خلیل الرحمٰن

    محمد خلیل الرحمٰن مدیر

    مراسلے:
    9,431
    جھنڈا:
    Pakistan
    موڈ:
    Festive
    تفصیل یاد ہوتی تو عرصہ کالفظ استعمال کرنے کے بجائے کچھ تفصیل دیتے۔ بس اتنا پتا ہے کہ اخباروں ہی میں پڑھتے تھے۔
     
    • پسندیدہ پسندیدہ × 1
    • متفق متفق × 1
  10. سید عاطف علی

    سید عاطف علی محفلین

    مراسلے:
    9,403
    جھنڈا:
    SaudiArabia
    موڈ:
    Cheerful
    اس کو ق اور ط سے بھاری کیوں کیا گیا ہے ، کرنٹین کیوں نہیں ؟
    ایک آصفیہ کا پی ڈی ایف نسخہ میرے پاس ہے اس میں تو یہ لفظ نہیں ملا ۔
     
    • پسندیدہ پسندیدہ × 1
    • معلوماتی معلوماتی × 1
  11. محمد تابش صدیقی

    محمد تابش صدیقی منتظم

    مراسلے:
    25,263
    جھنڈا:
    Pakistan
    موڈ:
    Breezy
    • معلوماتی معلوماتی × 4
    • پسندیدہ پسندیدہ × 3
    • زبردست زبردست × 1
  12. سید عاطف علی

    سید عاطف علی محفلین

    مراسلے:
    9,403
    جھنڈا:
    SaudiArabia
    موڈ:
    Cheerful
    یہ بات کس طرح متعین ہوئی؟ یا کس نے متعین کی اور کب کہ کہ یہ مدت 40 دن ہو ؟ یعنی لفظ کوارنٹین تو عدد کے 40 کی وجہ سے آگیا۔
     
    • پسندیدہ پسندیدہ × 1
    • متفق متفق × 1
  13. محمد وارث

    محمد وارث لائبریرین

    مراسلے:
    26,279
    جھنڈا:
    Pakistan
    موڈ:
    Depressed
    جی میں نے بھی پہلے پہل کسی اخبار ہی میں پڑھا تھا شاید 1990 کی دہائی کے وسط میں جب انڈیا میں ایک محدود طاعون کی وبا پھیلی تھی۔ نیچے فیروز اللغات کا عکس ہے جو ظاہر ہے کئی برس پہلے چھپی ہوگی۔ مجھے یقین ہے کہ یہ لفظ علمی اردو لغت میں بھی ہوگا جو کہ اس وقت میرے سامنے نہیں ہے۔

    [​IMG]
     
    • پسندیدہ پسندیدہ × 4
    • معلوماتی معلوماتی × 3
    • زبردست زبردست × 2
  14. محمد وارث

    محمد وارث لائبریرین

    مراسلے:
    26,279
    جھنڈا:
    Pakistan
    موڈ:
    Depressed
    اور یہ "فرہنگ عامرہ" کا عکس۔ یہ لغت عربی، فارسی، ترکی الفاظ کی لغت ہے اور تقسیم سے پہلے ہندوستان میں چھپی تھی، اس میں بھی یہ لفظ موجود ہ ہے اور یہ بات بھی نوٹ کرنے کی ہے کہ اس کے معنی صرف بحری جہازوں کی حد تک درج ہیں۔

    [​IMG]
    [​IMG]
     
    • معلوماتی معلوماتی × 5
    • پسندیدہ پسندیدہ × 4
  15. الف نظامی

    الف نظامی لائبریرین

    مراسلے:
    15,822
    جھنڈا:
    Pakistan
    موڈ:
    Amused
    سانس کی بیماریاں اور علاجِ نبوی ﷺ از ڈاکٹر خالد غزنوی
    سن اشاعت:1995
    صفحہ نمبر369 پر ھیڈنگ ہے
    قرنطینہ- نبی ﷺ کی ایجاد
     
    • پسندیدہ پسندیدہ × 1
    • غمناک غمناک × 1
  16. الف نظامی

    الف نظامی لائبریرین

    مراسلے:
    15,822
    جھنڈا:
    Pakistan
    موڈ:
    Amused
    شاید یہ لفظ عربی الاصل ہو۔
     
    • دوستانہ دوستانہ × 2
  17. ظہیراحمدظہیر

    ظہیراحمدظہیر محفلین

    مراسلے:
    3,107
    جھنڈا:
    Pakistan
    موڈ:
    Busy
    ایک دوسرے دھاگے میں اسی لفظ کے متعلق عاطف بھائی سے گفتگو ہورہی ہے ۔ یہاں اس دھاگے میں اٹھائے گئے کچھ سوالات کا جواب شاید میرے دری ذیل اس مراسلے میں مل جائے ۔
    انگریزی لفظquarantine بذاتِ خود اطالوی لفظ quarantina سے ماخوذ ہے ۔ بہت عرصہ پہلے یہ لفظ کئی کتابوں اور رسالوں کے مضامین میں متعدد بار نظر سے گزرا ۔ اب یہ یاد نہیں کہ کہاں کہاں دیکھا تھا ۔ ایک کتاب " مشہور مسلم سائنسدان" نام کی یاد پڑتی ہے ۔ میجر آفتاب حسن کی تحریریں اور ان کا رسالہ سائنس بھی یاد پڑتا ہے ۔
    لفظ قرنطینہ فیروزاللغات (طبع اول۱۸۹۷ء ) ، فرہنگِ عامرہ (طبع اول ۱۹۳۷ء) ، علمی لغت اور مقتدرہ کی لغتِ کبیر میں بھی موجود ہے ۔ لغت کبیر کے حوالہ جات پر ذرا سی تحقیق کرنے سے معلوم ہوا کہ یہ لفظ مولوی محمد انشاء اللہ خان (ایڈیٹر روزنام وکیل امرتسر) کی کتاب"بست سالہ عہدِ حکومت سلطان عبدالحمید دوئم" کے تیسرے ایڈیشن مطبوعہ ۱۸۹۶ میں موجود ہے ۔ یہ کتاب ویسے تو ایک انگلستانی مصنفہ این ڈی لوسگنان (Annie De Lusignan) کی کتاب ( Twelve Years of Reign of Abdul Hamid II) کا اردو ترجمہ ہے ۔ لیکن اس مختصرکتاب کے آخر میں مولوی صاحب نے کئی ضمیمے بھی منسلک کئے تھے ۔ ایک ضخیم ضمیمہ ان ہفتہ واری خبروں پر مشتمل ہےکہ جو اخبار کو بذریعہ تار موصول ہوتی تھیں ۔ اس ضمیمے میں ہفتہ مختتمہ ۲۹ جون ۱۸۹۶ کے تحت لفظ قرنطینہ صفحہ ۴۶۲ کےحاشیے پر یوں مذکور ہے: جزیرۂ کامران میں جہاں قرنطینہ کیا جاتا ہے پانی کے صاف کرنے کے لیے ایک کل حال میں روانہ کی گئی ہے۔ ( یعنی قرنطینہ "کرنا" ایک قدیم محاورہ ہے)۔
    فارسی میں قرنطینہ اور قرنطین دونوں مستعل ہیں ۔ عربی میں لفظ قرنطینہ نہیں ہوتا ۔ ہندی میں اسے کیا کہتے ہیں یہ معلوم نہیں ۔
     
    • معلوماتی معلوماتی × 4
    • پسندیدہ پسندیدہ × 2
  18. محمد خلیل الرحمٰن

    محمد خلیل الرحمٰن مدیر

    مراسلے:
    9,431
    جھنڈا:
    Pakistan
    موڈ:
    Festive

اس صفحے کی تشہیر