محمد وارث

لائبریرین
ولی دکنی کسی زمانے میں اردو کے پہلے شاعر مانے جاتے تھے، گو جدید تحقیق نے انکا یہ مرتبہ تو انکے پاس نہیں رہنے دیا لیکن ولی دکنی کو اب بھی اردو شاعری کا پہلا باقاعدہ اور اہم غزل گو شاعر ضرور مانا جاتا ہے اور مانا جاتا رہے گا۔

ولی دکنی کی ایک خوبصورت غزل جو مجھے بہت پسند ہے:

دل ہوا ہے مرا خرابِ سُخَن
دیکھ کر حُسن بے حجابِ سُخَن

راہِ مضمونِ تازہ بند نہیں
تا قیامت کُھلا ہے بابِ سُخَن

بزمِ معنی میں سر خوشی ہے اسے
جس کو ہے نشّۂ شرابِ سخن

جلوہ پیرا ہو شاہدِ معنی
جب زباں سوں اٹھے نقابِ سُخَن

گوھر اسکی نظر میں جا نہ کرے
جن نے دیکھا ہے آب و تابِ سخن

ہرزہ گویاں کی بات کیونکے سنے
جو سنا نغمۂ ربابِ سخن

ہے تری بات اے نزاکت فہم
لوح دیباچۂ کتابِ سخن

لفظِ رنگیں ہے مطلعِ رنگیں
نورِ معنی ہے آفتابِ سخن

شعر فہموں کی دیکھ کر گرمی
دل ہوا ہے مرا کبابِ سخن

عُرفی و انوَری و خاقانی
مجھ کوں دیتے ہیں سب حسابِ سُخَن

اے ولی دردِ سر کبھو نہ رہے
جو ملے صندل و گلابِ سخن

(ولی دکنی)
 

محمد وارث

لائبریرین
بہت خوب وارث جی۔
خوبصورت غزل شئیر کرنے کا شکریہ:)

شکریہ جیا راؤ، نوازش!



واہ، کیا بات ہے۔
اے ولی دردِ سر کبھو نہ رہے
جو ملے صندل و گلابِ سخن
شکریہ وارث۔

بہت شکریہ آپ کا بھی اعجاز صاحب، یقین مانیئے بہت خوشی ہوئی آپ کو ادھر 'پسندیدہ کلام' میں دیکھ کر، نوازش!
 

زونی

محفلین

بزمِ معنی میں سر خوشی ہے اسے
جس کو ہے نشّۂ شرابِ سخن

جلوہ پیرا ہو شاہدِ معنی
جب زباں سوں اٹھے نقابِ سُخَن




بہت خوب!

بہت شکریہ وارث بھائی اس اچھی غزل کو شئیر کیا۔
 

کاشفی

محفلین
دل ہوا ہے مرا خرابِ سخن - ولی دکنی

غزل
(ولی دکنی)

دل ہوا ہے میرا خراب سخن
دیکھ کر حسنِ بےحجاب سخن

بزم معنی میں سر خوشی ہے اُسے
جس کو ہے نشہء شراب سخن

راہِ مضمونِ تازہ بند نہیں
تا قیامت کھلا ہے باب سخن

جلوہ پیرا ہو شاہدِ معنی
جب زباں سے اُٹھے نقاب سخن

گوہر اُس کی نظر میں ہے پتھر
جس نے دیکھا ہے آب و تاب سخن

ہرزہ گویوں کی بات کیوں وہ سُنے
جو سُنے نغمہء رباب سخن

ہے تیری بات اے نزاکت فہم
لوحِ دیباچہء کتاب سخن

ہے سخن خلق میں عدیم المثل
جز سخن کیا ہو پھر جواب سخن

لفظ رنگیں ہے مطلع رنگین
نور معنی ہے آفتاب سخن

شعر فہموں کی دیکھ کر گرمی
دل میرا ہو گیا کباب سخن

عرفی و انوری و خاقانی
مجھ کو دیتے ہیں سب حساب سخن

اے ولی درد سر کا تب ہو علاج
جب ملے صندل و گلاب سخن
 
Top