شعر کا جواب شعر میں

[فرخ منظور]

شہرہ بہت ہے علمِ‌ریاضی میں آپ کا
طولِ شبِ فراق ناپ دیجئے ذرا۔۔۔۔۔

کب سے ہوں کیا بتاؤں جہانِ خراب میں
شب ہائے ہجر کو بھی رکھوں گر حساب میں

(غالب)

 

[الف عین]

کر رہا تھا غمِ جہاں کا حساب
آج تم یاد بے حساب آئے۔
فیض

 

[شمشاد]

اور کچھ دیر گزرے شبِ فرقت سے کہو
دل بھی کم دکھتا ہے، وہ یاد بھی کم آتے ہیں
(فیض)

 

[جیا راؤ]

نہیں آتی جب ان کی یاد مہینوں تک نہیں آتی
مگر جب یاد آتے ہیں تو اکثر یاد آتے ہیں

 

[شمشاد]

نامرادی کا یہ عالم ہے کہ اب یاد نہیں
تو بھی شامل تھا کبھی میری تمناؤں میں
(فراز)

 

[جیا راؤ]

آئی ہے آج یاد بھی تیری ہوا کے ساتھ
اوڑھی ہے غم کی شال بڑی مدتوں کے بعد

 

[محمد وارث]

شہرہ بہت ہے علمِ‌ریاضی میں آپ کا
طولِ شبِ فراق ناپ دیجئے ذرا۔۔۔۔۔

بحر کے مطابق، میرے خیال میں، یہ شعر کچھ یوں ہونا چاہیئے:

شہرہ بہت ہے علمِ ‌ریاضی میں آپ کا
طولِ شبِ فراق ذرا ناپ دیجئے

 

[امیداورمحبت]

تم نے کیا نہ یاد کبھی بھول کر ہمیں
ہم نے تمھاری یاد میں سب کچھ بھلا دیا

(بہادر شاہ ظفر)

 

[شمشاد]

یاد ماضی عذاب ہے یارب
چھین لے مجھ سے حافظہ میرا

 

[امیداورمحبت]

اب تو یاد رفتگاں کی بھی ہمت نہیں رہی
یاروں نے بہت دور بسائی ہیں بستیاں

 

[عین لام میم]

دل دھڑکنے کا سبب یاد آیا
وہ تری یاد تھی اب یاد آیا

 

[پیاسا صحرا]

یاد آیا تھا تیرا رخصت ھونا
پھر نہیں یاد کیا یاد آیا

 

[محمداحمد]

وقتِ رخصت وہ چپ رہے عابد
آنکھ میں پھیلتا گیا کاچل

​

 

[مغزل]

بہت روئی ہوئی لگتی ہیں آنکھیں
مری خاطر ذرا کاجل لگا لو
لیاقت علی عاصم

 

[پیاسا صحرا]

تو نگاہوں کی زباں تو خوب سمجھتا ھو گا
تجھ پر اٹھا کرتی ھیں اکثر آنکھیں
میں زباں پر تو بٹھا سکتا ھوں پہرے لیکن
راز کہہ دیں گی یہ ویران سی ششدر آنکھیں

( مولانا کوثر نیازی)

 

[عمر سیف]

جب بھی وہ لاجواب ہوتی ہے
اس کی آنکھیں جواب دیتی ہیں ۔۔۔

 

[جیا راؤ]

اس کی آنکھیں سوال کرتی ہیں
میری ہمت جواب دیتی ہے

 

[خرم شہزاد خرم]

خنجر ہیں تیری آنکھیں تلوار تیری آنکھیں
زندہ نہ رہنے دیں گی اے یار تیری آنکھیں

 

[فاروقی]

نظر سے قتل کر ڈالو نہ دونوں کو تکلیف ہو
نہ تمہیں خنجر اٹھانے کی،نہ مجھے گردن جکانے کی

 

[مغزل]

نظر اس کی زباں اس کی کسے میں معتبر سمجھوں
زباں کچھ اور کہتی ہے ، نظر کچھ اور کہتی ہے