1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

زیرک کی پسندیدہ اردو نظمیں

زیرک نے 'پسندیدہ کلام' کی ذیل میں اس موضوع کا آغاز کیا، ‏جنوری 26, 2019

  1. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    ایک درد تھا
    جو سگریٹ کی طرح
    میں نے چپ چاپ پیا ہے
    صرف کچھ نظمیں ہیں
    جو سگریٹ سے میں نے
    راکھ کی طرح جھاڑی ہیں

    امرتا پریتم​
     
  2. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    اس نے میٹنگ بلائی
    کہا، لوگ دن رات کنٹرول میں ہیں
    ٹیپ منہ پر لگائی
    کہا، سب بیانات کنٹرول میں ہیں
    اس نے گولی چلائی
    کہا، سر جی! حالات کنٹرول میں ہیں
    سب زمیں پر خدا کے نائب تھے
    سب زمیں پر خدا کے نائب ہیں
    وہ جو اپنی رضا سے مارے گئے
    وہ جو اپنی خوشی سے غائب ہیں

    ادریس بابر​
     
  3. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    عقلیت پسندی سے اقلیت پسندی تک

    دیگر میرے خلاف بول رہے ہیں
    اکثر اپنے حق میں خاموش ہیں
    مُرده پرستی کی کلاس ختم
    ہیرو وَرشِپ کا پیریڈ شروع
    پرانے بُتوں کو توڑ مروڑ کر
    جوڑ لیے گئے ہیں نِت نئے بُت
    جبکہ اکثریت کے ہاتھ کچھ نہیں آنے دیا جاتا
    ہر اقلیت کو ہے اپنے حقوق کی پامالی کا رونا
    کم لوگ بھی جھوٹ بولیں تو کیا وه جھوٹ نہیں ہوتا؟
    جعل سازوں کے پاس کیا کوئی اصلی نوٹ نہیں ہوتا؟

    ادریس بابر​
     
  4. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    سچ تو چاندنی ہے
    اسے روکا نہیں جا سکتا
    مگر
    کوئی سچ بولے تو سہی
    لب کھولے تو سہی
    انسان قید ہو سکتا ہے، سچ نہیں​
     
  5. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    سہمے سہمے ہوئے لوگ ملتے ہوں جب
    ہر طرف خوف کے پھول کھلتے ہو جب
    جانِ جاں! کم سے کم ایسے موسم میں ہم
    حرف حق تو کجا، لب نہیں کھولتے
    ہم صحافی ہیں ہم سچ نہیں بولتے
    اظہر عباس​
     
  6. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    آج کی رات میں اپنی تمام تر اداسی لکھ سکتا ہوں
    محبت بہت مختصر ہے اور اسے بھلانا بہت طویل
    شاید یہ آخری دکھ ہے جو اس نے مجھے دیا
    اور یہ آخری نظم، جو میں نے اس کے لیے لکھی

    پابلو نرودا کی نظم کا اردو ترجمہ​
     
  7. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    کہو تم عدالت میں جانے سے پہلے
    کہو تم وزارت میں جانے سے پہلے
    کہو تم سفارت میں جانے سے پہلے
    دکھاؤ ہمیں اپنے اعمال نامے
    قیامت کے دن اور خدا پر نہ چھوڑو
    قیامت سے یہ لوگ ڈرتے نہیں ہیں
    اسی چوک میں خون بہتا رہا ہے
    اسی چوک میں قاتلوں کو پکڑ کر
    سزا دو، سزا دو، سزا دو، سزا دو

    پابلو نرودا کی نظم کا اردو ترجمہ​
     
    • پسندیدہ پسندیدہ × 1
    • زبردست زبردست × 1
  8. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    وقت مسافر

    وقت ریت گھڑی میں گرتا ہے
    وقت دھوپ گھڑی میں چڑھتا ہے
    وقت ہندسوں میں چلتا ہے
    وقت مسافر ہے
    پیچھے سے آوازیں دو
    آگے بھاگتا جاتا ہے

    انیس ناگی​
     
  9. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    تیرے واسطے

    میں لفظ کی سب حدوں سے، سرحدوں سے
    بہت دور ایسی لغت کی تلاشِ مسلسل میں ہوں
    جو کبھی ان کہی داستان کو کہے گی
    نیا اک جہان اس زمیں پر نمودار ہو گا
    نئے لفظ سے میں شاعری لکھوں گا
    تیرے واسطے

    انیس ناگی​
     
  10. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    ایک آسودہ تھکن سے بیزاری کے بعد

    شاید زندگی سے
    میرا رشتہ کچھ کمزور پڑ گیا ہے
    بہت دنوں سے ہم ایک دوسرے سے الجھے نہیں
    دیر دیرتک جاگنے کی عادت نے
    مجھے اتنا بوجھل کر دیا ہے
    کہ تازہ دم ہونے کے لیے سوچتا ہوں
    کیوں نا
    زندگی کو کچھ جنموں کے لیے ملتوی کر دوں

    انجم سلیمی​
     
  11. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    ورنہ، محبت دم گھٹ کر مر سکتی ہے

    محض
    ایک کھونٹے سے بندھے رہنا
    محبت نہیں ہوتی
    ایک مٹھی میں سما جانے والا دل
    اتنا چھوٹا نہیں ہوتا
    کہ نئی محبتوں کا سواگت نہ کر سکے
    یہ بات سیاحوں کے سوا
    کوئی نہیں سمجھ سکتا
    کہ روشندان
    دیوار سے پہلے دل میں بنانا چاہیے

    انجم سلیمی​
     
  12. محمد خلیل الرحمٰن

    محمد خلیل الرحمٰن مدیر

    مراسلے:
    7,284
    جھنڈا:
    Pakistan
    موڈ:
    Festive
    خوبصورت
     
    • پسندیدہ پسندیدہ × 1
  13. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    تم ان لوگوں میں شامل ہو
    جو ساتھ رہیں تو دنیا کی
    ہر چیز اضافی لگتی ہے
    دم بھر کی قربت بھی جن کی
    صدیوں کی تلافی لگتی ہے
    تم ان لوگوں میں شامل ہو​
     
  14. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    سنو
    تتلی سی لڑکی ہو
    تمہیں ہرگز نہیں یہ زیب دیتا کہ
    تم اپنے ریشمی پر لے کے صحرا میں بھٹک جاؤ
    کسی اندھے بیاباں میں
    کسی گمنام وادی میں
    کسی گہرے کنویں کی دھول ہو جاؤ
    تمہیں اللہ نے رنگوں کی نعمت سے سجایا ہے
    تمھیں تو یوں بنایا ہے
    کہ
    تم اپنے پروں سے پھول کی آنکھوں میں اگتے وسوسے توڑو
    جدھر بھی نرم کلیاں ہوں
    وہاں امید کی تم دلکشی گھولو
    سنو تتلی سی لڑکی ہو
    تو خوشبو کی زباں بولو
    سلمیٰ سید​
     
  15. یاسر شاہ

    یاسر شاہ محفلین

    مراسلے:
    802
    جھنڈا:
    Pakistan
    موڈ:
    Cheerful
    بہت خوب !
    یہ منظوم اردو ترجمہ ہے -کس شاعر نے کیا ہے ؟
     
    • پسندیدہ پسندیدہ × 1
  16. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    ان شاءاللہ جلد معلوم کر کے آپ کو بتاتا ہوں۔
     
  17. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    محبت کو نہ جانے دو

    محبت کو نہ جانے دو
    اگر تم چاروں جانب غور سے دیکھو
    تو تم کو یہ خبر ہوگی
    زمانہ ایک مٹھی خاک سے بڑھ کر نہیں جاناں
    اگر آنکھوں میں ڈالو گے​
    تو بینائی گنواؤ گے
     
  18. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    ولچر کلچر

    یہ جو ہمارے تاجر ہیں
    کیا نہیں سمجھتے کہ
    خریدار بھی تو آخرکار
    ان ہی جیسے انساں ہے
    لیکن ان کے ذہنوں پر
    بس منافع چھایا ہے
    جب سے رمضان آیا ہے
    ظالم منافع خوروں نے
    سب ہی کو لِٹایا ہے
    اور چھری چلائی ہے
    کیونکہ ان کی نظروں میں
    سب سے اہم کمائی ہے

    زیرک راٹھور​
     
  19. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    ہم صحافی ہیں ہم سچ نہیں بولتے

    جانِ جاں سچ پہ کیوں اتنا اصرار ہے
    سچ کی عظمت سے کب ہم کو انکار ہے
    ہم صحافی ہیں آخر اسی قوم کے
    جس کا ہر فرد بکنے کو تیار ہے
    تیز تلوار سے وقت کی دھار ہے
    اس لیے جانِ جاں اپنی تحریر سے
    خوفِ تعزیر سے
    سچے موتی کبھی ہم نہیں رولتے
    ہم صحافی ہیں ہم سچ نہیں بولتے
    سہمے سہمے ہوئے لوگ ملتے ہوں جب
    ہر طرف خوف کے پھول کھلتے ہوں جب
    جانِ جاں کم سے کم ایسے موسم میں ہم
    حرفِ حق تو کجا، لب نہیں کھولتے
    ہم صحافی ہیں ہم سچ نہیں بولتے
    فصل آتی ہے جب حفظِ پندار کی
    سچ کے اظہار کی
    ہم حقائق سے نظریں چرائے ہوئے
    مصلحت کے جنازے اٹھائے ہوئے
    سر جھکائے ہوئے
    سوچتے بھی نہیں، بولتے بھی نہیں

    اظہر عباس​
     
  20. زیرک

    زیرک محفلین

    مراسلے:
    2,898
    جھنڈا:
    Pakistan
    موڈ:
    Buzzed
    دائروں کے باہر بھی
    ایک بستی، بستی ہے
    ان گنت جزیرے ہیں
    حسرتوں کے پیچھے بھی
    کس نے کب یہ جانا ہے؟
    کون کیسے جیتا ہے؟
    صبر کیسے بیتا ہے؟
    کس نے مرنے والوں کے
    کچھ عذاب جھیلے ہیں
    زخم کیسے رِستے ہیں؟
    کیسے سہہ کر ہنستے ہیں؟
    کس نے کب یہ جانا ہے؟
    دائروں کے باہر بھی
    ایک بستی، بستی ہے​
     

اس صفحے کی تشہیر