دریا

[راجہ صاحب]

چہرہ تھا یا صدا تھی کسی بھولی یاد کی
آنکھیں تھی اس کی یارو کہ دریائے نور تھا

 

[نوید صادق]

خجل ہوں ابر دریا بار کتنے
نچوڑوں ٹک اگر رومال اپنا

شاعر: لالہ نول رائے وفا

 

[راجہ صاحب]

جب کشتی ڈالی تھی کس نے سوچا تھا
دریا میں طُغیانی بھی ہوسکتی ہے

 

[الف عین]

اپنی جرأت سے کنارے پہ ابھر آیا ہوں
چھوڑ کر آئے تھے طوفاں تہِ دریا مجھ کو
صادق۔ والد مرحوم

 

[راجہ صاحب]

اک اور دریا کا سامنا تھا منیر مجھ کو
میں ایک دریا کے پار اترا تو میں نے دیکھا

منیر نیازی

 

[عیشل]

روٹھا ہوا تھا ہنس پڑا مجھ کو دیکھ کر
مجھ کو تو اس قدر بھی دلاسا بہت لگا
صحرا میں جی رہا تھا جو دریا دلی کے ساتھ
دیکھا جو غور سے تو وہ پیاسا بہت لگا​

 

[راجہ صاحب]

شرحِ ہنگامۂ مستی ہے، زہے موسمِ گل
رہبرِ قطرہ بہ دریا ہے، خوشا موجِ شراب

 

[شمشاد]

بڑے لوگوں سے ملنے میں ، ہمیشہ فاصلہ رکھنا
جہاں‌ دریا سمندر سے ملا ، دریا نہیں رہتا

 

[راجہ صاحب]

یہ محبت بھی ایک نیکی ہے
اس کو دریا میں ڈال آتے ہیں۔۔۔۔۔

 

[شمشاد]

طوفان سے کیا ڈرنا ، طوفاں ہی تو اپنا ہے
ساحل سے کہیں بہتر دریا یہ مرے گہرے
(نزھت عباسی)

 

[راجہ صاحب]

اک دریا کے قبیلے میں ہیں شامل موجیں
کیا میری ذات تیری ذات نہیں ہو سکتی

 

[شمشاد]

اب کبھی بہتے نہیں آنکھوں سے میرے اشک غم
قطرہ قطرہ کر کے اس نے دل کو دریا کر دیا
(نزھت عباسی)

 

[راجہ صاحب]

بڑے لوگوں سے ملنے میں ہمیشہ فاصلہ رکھنا
جہاں دریا سمندر سے ملا دریا نہیں رہتا

 

[شمشاد]

نہیں چڑھتا ہے اب یادوں کا دریا
مگر اک بے کلی سی رہ گئی ہے
(نزھت عباسی)

 

[راجہ صاحب]

زرخیز زمینیں کبھی بنجر نہیں ہوتیں
دریا ہی بدل لیتے ہیں رستہ، اسے کہنا

 

[شمشاد]

گرتے ہیں سمندر میں بڑے شوق سے دریا
لیکن کسی دریا میں سمندر نہیں گرتا
(قتیل شفائی)

 

[نوید صادق]

کیوں نہ ہو جائیں زمانے میں ہزاروں دریا
ہم نے رو رو کے ہے دامن کو نچوڑا کیا کیا

شاعر: میر وزیر علی صبا

 

[راجہ صاحب]

سوچ پتھرا گئی اسی دکھ میں
سطحِ دریا پہ کب ابھرتا ہوں

 

[ہما]

مُحبت ایسا دریا ہے کہ
بارش روٹھ بھی جائے
تو پانی کم نہیں ہو تا

 

[شمشاد]

تنہائی سے گھبرا کے اب آنکھ کناروں سے
دریاؤں کا بہتے رہنا اچھا لگتا ہے
(نزھت عباسی)