جو دل میں شعر آئے وہ لکھ دیجیے -- نیا سلسلہ

[مغزل]

صبر کی منزلوں میں ہوں نالۂ نارسا نہیں!!
اُس کی دعا ہو مسترد جس کا کوئی خدا نہیں

 

[غ۔ن۔غ]

عجیب میں ہوں کہ خوشیاں سجائے پھرتا ہوں
عجیب دل ہے کہ اکثر اداس رہتا ہے

 

[رابطہ]

سیمیں تنوں کا ملنا چاہے ہے کچھ تمول
شاہد پرستیوں کو ہم پاس زر کہاں

 

[غ۔ن۔غ]

زندگی بھر اداس رہنا ہے
سوچتا ہوں تو مسکراتا ہوں

 

[مہ جبین]

اے تمنائے مدینہ! کیا کروں
"کچھ ادھر کا بھی اشارہ چاہئے"
حزیں صدیقی

 

[مہ جبین]

بلندیء مہ و انجم کو چومنے والو ۔۔۔۔۔۔۔!
ہمارے " عرش رسا " کی وہ گردِ پا بھی نہیں
حزیں صدیقی

 

[مقدس]

پانی میں روز بہاتا ہے اک شخص دئیے اُمیدوں کے
اور اگلے دن تک پھر ان کے ہمراہ بھنور میں رہتا ہے

فہیم بھیا سے پوچھ کر لکھا ہے

 

[شمشاد]

او ہو تو مقدس یہاں بھی جلوہ افروز ہے۔

خوش آمدید۔

 

[شمشاد]

شب بیتی چاند بھی ڈوب چلا، زنجیر پڑی دروازے پہ
کیوں دیر گئے گھر آئے ہو، سجنی سے کرو گے بہانہ کیا
(انشاء جی)

 

[مغزل]

خزاں کبھی تو کہو ایک اس طرح کی غزل
کہ جیسے راہ میں بچّے خوشی سے کھلیتے ہیں
محبوب خزاں

 

[مغزل]

یہ غزل بھی ہے مسائل کا شکار
رہ گئی پھر لب و رخسار کی بات
ریحان رامش (کراچوی)

 

[مغزل]

کیا اجازت ہے ایک بات کہوں ؟؟
وہ ، مگر ، خیر ، کوئی بات نہیں !!!!!
جون ایلیا

 

[رابطہ]

آوارگان عشق کا پوچھا جو میں نشاں
مشت غبار لے کے صبا نے اڑا دیا

 

[مغزل]

کس قدر معصوم کتنی شوخ لیکن بے وفا
ہم نے پوچھا کون ؟ تو گھبرا کے بولے زندگی !!

نامعلوم

 

[مغزل]

محسن غریب لوگ بھی تنکوں کا ڈھیر ہیں
ملبے میں دب گئے کبھی پانی میں بہہ گئے !

محسن نقوی

 

[مغزل]

صبر کی منزلوں میں ہوں نالۂ نارسا نہیں!!
اُس کی دعا ہو مسترد جس کا کوئی خدا نہیں
عظیم راہی

 

[مغزل]

زندگی بھر اداس رہنا ہے
سوچتا ہوں تو مسکراتا ہوں

چل ہٹ اوے پگلی ۔۔۔

زندگی بھر اداس رہنے میں
سوچتا کیا ہے مسکرانا کیا !!!



(اکتساب)

 

[محمدظہیر]

پھر وضعِ احتیاط سے رکنے لگا ہے دم
برسوں ہوئے ہیں چاک گریباں کئے ہوئے

 

[رابطہ]

یاران تیز گام نے محمل کو جا لیا
ہم محو نالہء جرس کارواں رہے

 

[غ۔ن۔غ]

نہ دکھلائے خدا ،اے دید‏‏ہء تر دل کی ویرانی
جب ایسا وقت آئے پہلے تو بے نور ہو جانا