جو دل میں شعر آئے وہ لکھ دیجیے -- نیا سلسلہ

[رابطہ]

تونے دیکھا نہیں آئینے سے آگے کچھ بھی
خود فریبی میں کہیں تو نہ گنوا لے مجھ کو

 

[مغزل]

تیرے بغیر وقت کا جیسے شعور ہی نہیں
رات گزر گئی تو کیا دن گزرگیا تو کیا ۔۔
نامعلوم

 

[پپو]

نہیں کھیل، اے داغ! یارو سے کہہ دو
کہ آتی ہے اُردو زباں آتے آتے

 

[غ۔ن۔غ]

وہ بہت رکھتا ہے چاہت کی نمازوں کا حساب
وہ تو اک سجدہ نہ بخشے جو قضا ہو جائے
(وصی شاہ)

 

[زبیر مرزا]

کہنے کو ایک ذرہ ناچیز ہیں مگر​

تعمیر کائنات کے کام آرہے ہیں ہم​

 

[فرحان دانش]

محبت کی زنجیر سے ڈر لگتا ہے
کچھ اپنی تقدیر سے ڈر لگتا ہے
جو مجھے آپ سے جدا کرتی ہے
ہاتھ کی اس لکیر سے ڈر لگتا ہے

 

[رابطہ]

بے رخی اس سے بڑی اور بھلا کیا ہوگی
ایک مدت سے ہمیں اس نے ستایا بھی نہیں

 

[رابطہ]

بے کل بےکل رہتے ہو پر محفل کے آداب کے ساتھ
آنکھ بچاکر دیکھ بھی لیتے ہو بھولے بھی بن جاتے ہو
(وہی اپنے انشاء جی)

 

[غ۔ن۔غ]

یہ عمرِ گریزاں کہیں ٹھہرے تو یہ جانوں
ہر سانس میں مجھ کو یہی لگتا ہے کہ تم ہو
اے جانِ فراز اتنی بھی توفیق کسے تھی
ہم کو غمِ ہستی بھی گوارا ہے کہ تم ہو

(احمد فراز)

 

[غ۔ن۔غ]

تلاشِ زیست میں اک روز مر کے دیکھیں گے
ہم اشک بن کے تری چشم تر کے دیکھیں گے
بنامِ قلزمِ حزن وملال ہم بھی بشیر
ڈبو کے دل کو تماشے بھنور کے دیکھیں گے

فاتح الدین بشیر

 

[پپو]

تم آسماں کی بلندی سے جلد لوٹ آنا
مجھے زمیں کے مسائل کی بات کرنی ہے​

 

[زبیر مرزا]

یہ حکمت ملکوتی، یہ علم لاہوتی
حرم کے درد کا درماں نہیں تو کچھ بھی نہیں
یہ ذکر نیم شبی ، یہ مراقبے ، یہ سرور
تری خودی کے نگہباں نہیں تو کچھ بھی نہیں

 

[پپو]

سُنا ہے سنگ دل کی آنکھ سے آنسو نہیں بہتے​

اگر یہ سچ ہے تو پتھر سے کیوں چشمے اُبلتے ہیں​

 

[پپو]

سُنا ہے سنگ دل کی آنکھ سے آنسو نہیں بہتے​

اگر یہ سچ ہے تو پتھر سے کیوں چشمے اُبلتے ہیں​

 

[پپو]

سُنا ہے سنگ دل کی آنکھ سے آنسو نہیں بہتے​

اگر یہ سچ ہے تو پتھر سے کیوں چشمے اُبلتے ہیں​

 

[مغزل]

تلاشِ زیست میں اک روز مر کے دیکھیں گے
ہم اشک بن کے تری چشم تر کے دیکھیں گے
بنامِ قلزمِ حزن وملال ہم بھی بشیر
ڈبو کے دل کو تماشے بھنور کے دیکھیں گے

فاتح الدین بشیر

کیا خوب ہے واہ غزل ۔۔
یہ اپنے فاتح بھائی کی غزل ہےمیں نے نام مدون کرکے درست کردیا ہے۔
( ٹائپو کی وجہ سےبشیر الدین فاتح ہوگیا تھا)
مکمل غزل یہاں ہے ۔۔

 

[رابطہ]

کبھو تک کے در کو کھڑے رہے کبھو آہ بھر کے چلے گئے
ترے درپہ جو ہم آئے بھی تو ٹھہر ٹھہر کے چلے گئے
(مصحفی)

 

[غ۔ن۔غ]

کھول یوں مٹھی کہ اک جگنو نہ نکلے ہاتھ سے
آنکھ کو ایسے جھپک لمحہ کوئی اوجھل نہ ہو

 

[غ۔ن۔غ]

ہم اتنا چاہتے تھے ایک دوسرے کو ظفر
میں اس کی اور وہ میری مثال ہو کے رہا

 

[پپو]

ظلم سہتے ہیں کچھ نہیں کہتے
اہلِ دل بے زبان ہوتے ہیں
آپ کو بے وفا کہا کِس نے
آپ کیوں بد گمان ہوتے ہیں​