نیرنگ خیال
لائبریرین
میں اس غزل کی تشریح کا سوچ رہا ہوں جس کا شعر آپ نے اپنی مراسلے میں بطور حوالہ پیش کیا ہے۔۔۔ معنی گم شم سامع وامع۔۔
تن زہر میں بجھے ہوئے ، دل آگ میں جلے ہوئے
- صاحب لڑی ظہیراحمدظہیر
- تاریخ ابتداء
محمد ریحان قریشی
محفلین
منفرد وزن ہے جناب، مجھے پسند آیا.عروض کے طالبِ علم کے طور پر ایسے تجربات کافی دلچسب معلوم ہوتے ہیں۔ فارسی میں یاد پڑتا ہے کہ کہیں کوئی اس سے ملتا جلتا وزن دیکھا ہے لیکن ویب پر تلاش کرنے پر کچھ خاص ملا نہیں۔
غزل آپ کی ہمیشہ کی طرح بہترین ہے، خصوصاََ یہ شعر تو نہایت عمدہ ہے:
تاریکیوں میں جبر کی ایسا فشارِ وقت تھا
ہم کوہِ نور بن گئے ظلمات میں پلے ہوئے
صابرہ امین
لائبریرین
خوبصورت الفاظ اور خیالات سے مزین ایک عمدہ غزل ۔ ایک مبتدی کی ڈھیروں داد قبول کیجیے ۔
ظہیراحمدظہیر
لائبریرین
ظہیراحمدظہیر
لائبریرین
بہت شکریہ، اعجاز بھائی !
اللّٰہ کریم آپ کا سایا سلامت رکھے ۔ ڈلے کا لفظ تو قافیے کی وجہ سے لانا ہی پڑے گا ۔ یہاں اس کا متبادل استعمال کرنا تو ممکن نہیں ۔ ایک لفظ کی وجہ سے شعر تو ترک نہیں کیا جاسکتا۔ ویسے ڈلنا کا لفظ مجہول تو نہیں ہے ۔ گفتگو میں عام مستعمل ہے۔
میرے عروضی علم کے بارے میں آپ کے حسنِ ظن کا شکریہ ۔ من آنم کہ من دانم۔ عروض میں نے شاعری کے ابتدائی دنوں میں بہت پہلے عبداللّٰہ اثری کی کتاب "رہنمائے شاعری" سے سیکھی تھی ۔ اب تو سب بھول بھال گیا ۔ بس چند ایک سامنے کی باتیں یاد رہتی ہیں ۔ حسبِ ضرورت مآخذ کی کتب سے استفادہ کرتا رہتا ہوں ۔ اردو محفل پر آنے کے بعد یہاں سے بہت کچھ سیکھا ہے ۔ جناب محمد وارث ، مزمل شیخ بسمل اور دیگر اہلِ علم حضرات کی تحریروں سے اکتساب کیا ہے ۔ آپ کے خوشہ چینوں میں سے ہوں ۔حسبِ توفیق فیضیاب ہوتا رہتا ہوں ۔ اللّٰہ سبحانہ و تعالیٰ آپ تمام صاحبانِ علم کو سلامت رکھے ، روشنی میں مزید اضافہ فرمائے ۔ آمین۔
ظہیراحمدظہیر
لائبریرین
نوازش، بہت شکریہ ! بہت ممنون ہوں بھائی !
بحث کی آپ بالکل فکر نہ کریں ، علی وقار! بحث تو میرے بھی سر پر سے گزر گئی۔
ویسے آپ بین السطور پڑھنے کی کوشش کریں تو بات سمجھ میں آجائے گی۔
ظہیراحمدظہیر
لائبریرین
آلکسی کار مسلسل ہے کہ ہم اپنے لیے
ایک لمحہ بھی پس انداز نہیں کر سکتے
یہ دھڑام کی آواز کس طرف سے آئی ۔ یہ کس مرحوم نے کروٹ لی ہے ؟
ظہیراحمدظہیر
لائبریرین
بہت شکریہ ، نوازش، صابرہ امین! اللّٰہ آپ کو خوش رکھے! ممنون ہوں ۔
مبتدی کا ٹائٹل تو بہت پہلے آپ سے واپس لے لیا گیا تھا ۔ اگر آپ کسرِ نفسی اور انکساری میں پی ایچ ڈی کررہی ہیں تو اور بات ہے ۔ کیجئے ، کیجئے ۔ میدان خالی پڑا ہے ۔
ظہیراحمدظہیر
لائبریرین
ٹھیک ہے ۔ جب تشریح وشریح ہوجائے تو پڑھ وڑھ لیں گے اور آپ کو نواز شواز دیں گے ۔ اسے نواز شہباز مت پڑھ لیجیے گا
ظہیراحمدظہیر
لائبریرین
بہت شکریہ ، بہت نوازش ، ریحان بھائی!
توجہ اور پذیرائی کے لئے ممنون ہوں ۔ اس وزن کے بارے میں ایک مضمون لکھنے کی کوشش کر رہا ہوں۔ اساتذہ کے کلام کی روشنی میں رجزمطوی مخبون اور رجز سالم مخبون کا تقابلی جائزہ مطلوب ہے اور اس مضمون میں تسہیلِ عروض کی خاطر ایک تجویز بھی پیش کرنے کا ارادہ رکھتا ہوں ۔ مضمون پوسٹ کیا تو دیگر اہلِ علم اور آپ کو ٹیگ کرکے زحمت دوں گا ۔
صابرہ امین
لائبریرین
حوصلہ بڑھانے کا بہت شکریہ ۔ اسی لڑی میں جو شاعری سے متعلق جو گفتگو پڑھی، اس کے بعد اپنی کم مائیگی کا احساس شدید تر ہو گیا ہے۔ کتنا کچھ سیکھنا باقی ہے ابھی!بہت شکریہ ، نوازش، صابرہ امین! اللّٰہ آپ کو خوش رکھے! ممنون ہوں ۔
مبتدی کا ٹائٹل تو بہت پہلے آپ سے واپس لے لیا گیا تھا ۔ اگر آپ کسرِ نفسی اور انکساری میں پی ایچ ڈی کررہی ہیں تو اور بات ہے ۔ کیجئے ، کیجئے ۔ میدان خالی پڑا ہے ۔
بحیثیت ایک معالج، ارشاد فرمائیے گا کہ کسی کو اچانک سے سکتہ ہو جائے تو کیا کرنا چاہئیے!
علی وقار
محفلین
نیٹ گردی کے دوران فارسی کے یہ اشعار نظر آئے۔ یہ تو آپ ہی تصدیق فرمائیں گے کہ کیا بحر یہی ہے؟
از خویشتن سفر کنم تا ره بَرَم به کوی تو
عِطر تو را بگیرم و عاطِر شوم ز بوی تو
در خلوتِ شبانه ات وقتِ وصال ، عاقبت
پروانه سان بسوزم از شَعشعِ شمعِ روی تو
///
اور یہ بھی
هر روز خستهتر شوم در کارزار جستجو
با گم شده کجا و کِی آخر شویم روبرو
با تشنگان عشق خود ای خوب من از او بگو
یک شب که در کنار هم هستیم مست گفتگو
دست از طلب نمیکشم در شهر عشق کو به کو
تا تن کُنم به آب دل از خاک راه شستشو
در بزم آن نگار جان هرگز نگشته رو از او
با هر کلام دلنشین نزدیک گشته او به او
در محضرش سکوت کن کمتر نمای پرس و جو
تنها ببین به چشم دل از غیر او مگو مگو
///
ظہیراحمدظہیر
لائبریرین
بطور معالج تو دوائیں وغیرہ دی جاتی ہیں ۔ ویسے ماضی میں ایسے موقع پر دوست احباب سر پر چپل وغیرہ مارنے سے کام لیتے تھے ۔
آج کل پتہ نہیں کراچی میں کیا چل رہا ہے ۔
ظہیراحمدظہیر
لائبریرین
سید عاطف علی
لائبریرین
مدت سے گولیوں نے رواج پالیا ہے ۔دواؤں کی نہیں دوسری آتشیں ۔
نیرنگ خیال
لائبریرین
اپنے محمداحمد بھائی ہی ہوں گے۔۔۔ کسی کروٹ انہیں چین نہیں۔آلکسی کار مسلسل ہے کہ ہم اپنے لیے
ایک لمحہ بھی پس انداز نہیں کر سکتے
یہ دھڑام کی آواز کس طرف سے آئی ۔ یہ کس مرحوم نے کروٹ لی ہے ؟
نیرنگ خیال
لائبریرین
اجازت کا شکریہ
ظہیراحمدظہیر
لائبریرین
پتہ نہیں اس شہر کو کس کی نظر کھا گئی ۔ اپنے لڑکپن کے کراچی کو یاد کریں اور پھر موجودہ کراچی کو دیکھیں تو ایک ہوک سی اٹھتی ہے سینے میں ۔
عاطف بھائی ، گولیوں پر ایک بہت پرانا لطیفہ یاد آگیا ۔ ایک صاحب نے درجِ ذیل اردو جملے کا انگریزی میں لفظ بہ لفظ ترجمہ کچھ یوں کیا تھا:
کل صدر میں گولیاں چلیں ۔
.Yesterday the tablets walked into the president
محمد احسن سمیع راحلؔ
محفلین
آیا تو تھا داد دینے ... مگر اب لگتا ہے کہ خاموشی سے کھسک لینے میں ہی عافیت ہے
عروضی بحث دیکھ کر تو انجینئرنگ کی ایڈوانس کیلکیولس یاد آگئی ... وہ یوں کہ پلے اس میں بھی کچھ نہیں پڑتا تھا
بہت خوب ظہیر بھائی .... ایک لمحے کو یاسر بھائی کا اعتراض تسلیم کر بھی لیا جائے تو زبان کی ندرت ہی پیسے وصول کرنے کے لیے کافی ہے ... آج کل اتنی ستھری زبان اور ایسی چست ترتیب و نشست کہاں دیکھنے کو ملتی ہے!
عروضی بحث دیکھ کر تو انجینئرنگ کی ایڈوانس کیلکیولس یاد آگئی ... وہ یوں کہ پلے اس میں بھی کچھ نہیں پڑتا تھا
ظہیراحمدظہیر
لائبریرین
نوازش، کرم ، بہت شکریہ ، راحل بھائی! اللّٰہ کریم آپ کو خوش رکھے ! شاد و آباد رہیں ۔ آپ نے حوصلہ بڑھایا ۔آیا تو تھا داد دینے ... مگر اب لگتا ہے کہ خاموشی سے کھسک لینے میں ہی عافیت ہے
بہت خوب ظہیر بھائی .... ایک لمحے کو یاسر بھائی کا اعتراض تسلیم کر بھی لیا جائے تو زبان کی ندرت ہی پیسے وصول کرنے کے لیے کافی ہے ... آج کل اتنی ستھری زبان اور ایسی چست ترتیب و نشست کہاں دیکھنے کو ملتی ہے!
عروضی بحث دیکھ کر تو انجینئرنگ کی ایڈوانس کیلکیولس یاد آگئی ... وہ یوں کہ پلے اس میں بھی کچھ نہیں پڑتا تھا
راحل بھائی ، شاعر ہونے کا مجھے دعویٰ نہیں۔ شعر کو کبھی ایک مشغلے سے زیادہ حیثیت نہیں دی ۔ داد و تحسین یا شہرت کبھی مطمحِ نظر نہیں رہا۔ جو کچھ بھی ٹوٹا پھوٹا جیسا تیسا لکھ لیتا ہوں یہیں اردو محفل پر سب کے سامنے رکھ دیتا ہوں۔ اور کہیں نہیں جاتا۔ آپ مہربان دوست میرےلفظوں کی عزت افزائی کرتے ہیں ، قبولیت بخشتے ہیں تو کچھ اور لکھنے کا حوصلہ ملتا ہے ۔ ورنہ بقول غالب:
کچھ شاعری ذریعۂ عزت نہیں مجھے