نوازش ، بہت بہت شکریہ ! بہت ممنون ہوں ، تابش بھائی! اللّٰہ کریم آپ کو سلامت رکھے!
ظہیر بھائی۔ زبردست ۔،شکریہ
ظہیر بھائی حاشا و کلا یہ اعتراض ہر گز نہیں تھا ۔ بس ایک احساس سا تھا جو دونوں جگہ ہی اب بھی ہے ۔ کیا کروں اب اس بلغمی مزاج کانوازش، کرم نوازی ! بہت بہت شکریہ عاطف بھائی! آپ کا حرفِ تحسین قدر افزا ہے ۔ اللّٰہ آپ کو خوش رکھے!
بڑے صاحب غالبؔ کہہ گئے ہیں :
سختی کشانِ عشق کی پوچھے ہے کیا خبر
وہ لوگ رفتہ رفتہ سراپا الم ہوئے
غالبؔ کے اس شعر میں لفظ عشق کا انطباق عشق مجازی پر ہورہاہے ۔ میں نے اسی لفظ کو ذرا وسیع معنوں میں استعمال کرتے ہوئے تصویر کا دوسرا رخ دکھانے کی کوشش کی ہے ۔ اس لئے سختی کشاں کی ترکیب سے پہلو نہ بچا سکا ۔
سختی کشانِ راہِ عشق ، ذروں سے بن گئے نجوم
اوجِ فلک پر آ گئے پاتال سے چلے ہوئے
عاطف بھائی ، اس غزل کے اشعار دو تین نشستوں میں ہوئے جن کے درمیان خاصا وقفہ تھا اس لئے بعض جگہوں پر غزل کے لہجے میں کچھ اتار چڑھاؤ محسوس ہوسکتا ہے ۔
نہ جانے اس کو کیا راس ہے
بالکل درست کہا آپ نے ۔ظہیر بھائی۔ زبردست ۔،شکریہ
لگتا ہے کہ مثمن رجز سالم کے خبن نے میری عقل کو چاروں شانوں سے طے کردیا ۔
ویسے میرے خیال میں ان بحروں میں لفظی نسشت و برخاست کافی ڈھیل رکھتی ہے ۔ بعض اوقاتکئی مصرعے دونوں بحروں پر منطبق ہو جاتے ہیں ۔یہاں بھی ایسا ہو رہا ہے، سو بعید نہیں ۔آپ کی کیا رائے ہے۔
عاطف بھائی ، آپ کا یہ احساس ہی تو اصل فیڈ بیک ہے ۔ بیشک ہر سخن فہم کا شعری ذوق ذرا ذرا مختلف ہوتا ہے ۔ اسی لئے ہر شخص کو ایک ہی قسم کی شاعری پسند نہیں آتی ۔ میں خود مناسب لفظ یا ترکیب کی تلاش میں ہفتوں بلکہ بعض اوقات مہینوں تک شعر کو حتمی شکل نہیں دیتا ۔ظہیر بھائی حاشا و کلا یہ اعتراض ہر گز نہیں تھا ۔ بس ایک احساس سا تھا جو دونوں جگہ ہی اب بھی ہے ۔ کیا کروں اب اس بلغمی مزاج کا
وقفے اور لہجے کی نا ہمواری والی بات سے اتفاق نہیں ۔
بہت خوب ظہیر بھائی کیا اچھی غزل کہی ہے ایک ایک شعر لاجواب۔
بہرحال ، کوشش کرتا ہوں کہ اس خلط مبحث کو صاف کرکے آپ کو کچھ سمجھا سکوں۔شعر اور شعریت کا چولی دامن کا ساتھ ہے۔ شعریت کا عنصر ہی کلامِ موزوں کو شعر کا درجہ دیتا ہے۔ لیکن شعریت کی جامع اور مانع تعریف پر ابھی تک کوئی اتفاقِ رائے نہیں ہوسکا ہے۔ شعر یا شعریت کیا چیز ہے اس کے بارے میں نہ صرف اردو کا بلکہ دیگر عالمی زبانوں کا تنقیدی ادب مختلف آرا سے بھرا ہوا ہے۔ میں تجویز کروں گا کہ آپ شمس الرحمٰن فاروقی کا مضمون " شعر ، غیر شعر اور نثر" ایک دفعہ ضرور پڑھ لیجیے۔ میں نے ایک دو سال پہلے یہیں محفل پر پوسٹ کیا تھا۔ تلاش کرنے پر مل جائے گا ۔ ورنہ مجھے حکم دیجیے گا میں ربط ڈھونڈنے کی کوشش کروں گا۔
یاسر ، یہ نتیجہ آپ نے کہاں سے نکالا کہ یہ اشعار قاری کے تخیل ، احساسات اور جذبات کو نہیں چھیڑتے۔ آپ یہ بات صرف اپنے متعلق تو کہہ سکتے ہیں لیکن اس کی تعمیم کرتے ہوئے اسے ہر قاری پر کس طرح منطبق کرسکتے ہیں؟یعنی عقلِ کُل کی طرح ذوقِ کُل بھی کوئی چیز ہوتی ہے کیا؟
اگر محولہ بالا قول واقعی ساقی فاروقی کا ہے تو معذرت کے ساتھ کہنا پڑتا ہے کہ پھر ان کو تو عروض کی مبادیات کا بھی علم نہیں تھا۔ "میم کے زحاف کا اضافہ" پڑھ کر پہلے تو بے ساختہ ہنسی آئی پھر افسوس ہوا۔یاسر بھائی ، اس قسم کا کوئی زحاف یا اصطلاح عروض میں سرے سے وجود ہی نہیں رکھتا ۔ فاعلن ایک بنیادی رکن ہے یعنی افاعیلِ ہشتگانہ کا حصہ ہے۔ فاعلن پر جو ممکنہ زحافات لگ سکتے ہیں وہ چھ ہیں ۔ یعنی خبن ، قطع ، خلع، حذذ ، اذالہ اور ترفیل۔ ان زحافات کے استعمال کے بعد جو مزاحف اوزان حاصل ہوں گے وہ بالترتیب فعِلن ، فعلن ، فعِل ، فع ، فاعلان اور فاعلاتن ہوں گے ۔ فاعلن کسی بھی صورت مفاعلن میں تبدیل نہیں ہوسکتا۔ اگر آپ عروض سے واقف ہیں تو آپ کو علم ہوگا کہ بنیادی افاعیلِ ہشتگانہ پر لگنے والے زحافات میں کوئی بھی ایسا زحاف نہیں ہے جو رکن کے شروع میں ایک حرف کا اضافہ کردے۔ اس غزل کا وزن جیسا کہ میں لکھا رجز سالم مخبون ہے۔ اگر آپ کو عروض سے دلچسپی ہو تو اس کی تفصیل میرے ایک مراسلے میں اوپر دیکھ لیجیے۔
شاہ صاحب، عروضی تجربہ کرنے کا مطلب یہ نہیں ہوتا کہ شاعر ایک دن کسی بحر کو لے کر یہ طے کرے کہ اب میں اس کے وزن میں ردو بدل کرکے ایک نیا وزن ایجاد کروں گا اور اس میں شعر کہوں گا۔ عروضی تجربے کا مطلب یہ ہوتا ہے کہ شاعر اپنی فطری موزونیت کے باعث کچھ اشعار کہتا ہے یا یوں کہیے کہ کچھ اشعار اس سے موزوں ہوجاتے ہیں۔ ان اشعار میں حسبِ معمول روانی ہوتی ہے، غنائیت ہوتی ہے لیکن اسے علم ہوجاتا ہے کہ ان اشعار کا وزن کسی معلوم و معروف بحر پر منطبق نہیں ہورہا بلکہ یہ ایک نیا وزن ہے۔ اب وہ یہاں اپنے عروضی علم کا سہارا لیکر اس شعر کو کسی قریب ترین بحر اور اس کے زحافات پر منطبق کرتا ہے ۔ اور یوں ایک نیا وزن "ایجاد" ہوجاتا ہے۔ اب دو صورتیں ہیں ۔ یا تو وہ نیا وزن کسی قریب ترین بحر پر کسی جائز زحاف کی مدد سے تخریج ہوجائے گا یا نہیں ہوگا۔ لیکن اچھی بات یہ ہے کہ موجودہ عروضی نظام اس درجہ وسیع اور لچکدار ہے کہ عموماً کوئی بھی نیا وزن اس کے دائرۂ کار سے باہر نہیں پڑتا ۔ آپ کسی بھی نئے وزن کو عموماً عروضی اصولوں کی مدد سے بیان کرسکتے ہیں ۔ اس سلسلے میں مزید تفصیلات کے لئے میری ایک غزل پر چند سال پہلے ہونے والی یہ عروضی گفتگو دیکھ لیجیے:
بہت نوازش، شکریہ!! بہت ممنون ہوں قدر افزائی پر ، فہد!
اس بحر کا نام رجز مثمن سالم مخبون ہی ہے۔ افسوس اس وقت بحر الفصاحت سامنے نہیں ورنہ شاید وہاں سے اس کا حوالہ مل جاتا۔ مولوی صاحب نے عالم طور پر سب بحروں کا ذکر کیا ہے اور جو بحور اردو میں مستعمل نہیں، انکی مثالیں خود ہی شعر کہہ کر دی ہوئی ہیں۔ اس سے ایک واقعہ بھی یاد آ گیا، کئی برس پہلے ایک کرم فرما نے غزلوں کا ایک دیوان نما مجموعہ رائے کے لیے مجھے بھیجا، میرا تو سر ہی چکرا گیا۔ بعد از سعی بسیار کھلا کہ موصوف نے بحر الفصاحت سامنے رکھ کر صرف ان بحروں میں غزلیں کہی تھیں جن کے متعلق لکھا تھا کہ یہ صرف عربی فارسی میں استعمال ہوتی ہیں۔
www.vajehyab.com
آپ کی غیر حاضری اس قدر طویل تھی کہ بارہا میں نے آپ سے رابطے کا ذریعہ ڈھونڈنے کا سوچا۔۔۔۔ اور اگر چار چھے مہینے اور گزر جاتے تو عین ممکن تھا کہ میں کسی سے آپ کی طرف آنے کی راہ معلوم کرتا پایا جاتا۔۔۔ شکریہ آپ نے مجھے اس زحمت سے بچا لیا۔۔۔۔
ایک سے ایک شعر ہے ظہیر بھائی۔۔۔ ماشاءاللہ۔۔۔۔ اللہ آپ ایسے احباب کو سلامت رکھے جو آج کے دور میں بھی ہمیں شاعری سے متنفر نہیں ہونے دیتے۔۔۔۔
دو سال پرانی غزل کو تازہ کہہ کر پیش کرنے پر میراحوصلہ بڑھا۔۔۔ شکر ہے کہ دنیا ابھی آلکسیوں سے خالی نہیں ہوئی ہے۔۔۔
یہی بات آپ میرے بارے میں بھی کہہ سکتے ہیں۔۔۔ اگرچہ
اس والے حصے پر آپ کے لاکھوں تحفظات ہوں گے۔
میں بھی ایسا ہی کوئی جواب لکھنے آیا تھا۔۔۔ لیکن پھر یاد آیا کہ مجھے اس مضمون کی الف ب سے واسطہ نہیں۔۔۔ اور آپ کا مراسلہ پڑھ کر پتا چلا کہ کیوں واسطہ نہیں۔۔۔ اللہ اللہ۔۔۔یاسر ، ایک تو آپ کے مراسلے کا مقصد سمجھ میں نہیں آیا۔ دوم یہ کہ اس میں آپ نے دو تین مختلف نکات کو خلط ملط کردیا ہے۔ معذرت کے ساتھ عرض ہے کہ ان نکات میں سے کسی کا بھی کوئی سر پیر مجھے نظر نہیں آیا۔
شعر اور شعریت کا چولی دامن کا ساتھ ہے۔ شعریت کا عنصر ہی کلامِ موزوں کو شعر کا درجہ دیتا ہے۔ لیکن شعریت کی جامع اور مانع تعریف پر ابھی تک کوئی اتفاقِ رائے نہیں ہوسکا ہے۔ شعر یا شعریت کیا چیز ہے اس کے بارے میں نہ صرف اردو کا بلکہ دیگر عالمی زبانوں کا تنقیدی ادب مختلف آرا سے بھرا ہوا ہے۔ میں تجویز کروں گا کہ آپ شمس الرحمٰن فاروقی کا مضمون " شعر ، غیر شعر اور نثر" ایک دفعہ ضرور پڑھ لیجیے۔ میں نے ایک دو سال پہلے یہیں محفل پر پوسٹ کیا تھا۔ تلاش کرنے پر مل جائے گا ۔ ورنہ مجھے حکم دیجیے گا میں ربط ڈھونڈنے کی کوشش کروں گا۔
مرزا کلیم الدین احمد کے نزدیک شعر کی جو تعریف ہے وہ انہیں مبارک۔ البتہ یہ بتائیے کہ اُن کی اس تعریف پر اس غزل کا کون سا شعر پورا نہیں اترتا ؟! ہر شعر میں ایک تخیل یا احساس کا عنصر موجود ہےاور ظاہر ہے کہ میرے ذاتی مشاہدے اور تجربہ پر مبنی ہے ۔آپ کو کس شعر میں قافیہ پیمائی یا نری تک بندی نظر آتی ہے ؟ کون سا شعر شعر نہیں ہے؟
اب شعر کس پائے یا درجے کا ہے یہ ایک الگ بحث ہے۔ اور یہ بحث کسی بھی شاعر کے کسی بھی شعر پر کی جاسکتی ہے اور اسے جانچنے کے معیارات الگ ہوتے ہیں۔
یاسر ، یہ نتیجہ آپ نے کہاں سے نکالا کہ یہ اشعار قاری کے تخیل ، احساسات اور جذبات کو نہیں چھیڑتے۔ آپ یہ بات صرف اپنے متعلق تو کہہ سکتے ہیں لیکن اس کی تعمیم کرتے ہوئے اسے ہر قاری پر کس طرح منطبق کرسکتے ہیں؟یعنی عقلِ کُل کی طرح ذوقِ کُل بھی کوئی چیز ہوتی ہے کیا؟
یہ بات تو طے ہے کہ ہر قاری کا شعری ذوق اورفہم مختلف ہوتا ہے۔ ایک شعر جس پر ایک قاری دیر تک سر دھن سکتا ہے اُسی شعر پر ایک دوسرا قاری رکے بغیر آگے چل دیتا ہے۔ جس شعر پر غالب اپنا پورا دیوان مومن کو دینے پر تیار ہوجاتے ہیں اُسی شعر کو میں اور آپ بالکل عام سا گردان سکتے ہیں۔ بات یہ ہے کہ شعری فہم اور ذوق نہ صرف ہر شخص میں مختلف ہوتا ہے بلکہ ایک ہی شخص میں مختلف موقعوں پر مختلف درجے کا ہوسکتا ہے۔ ایک ہی شعر کسی خاص کیفیت اور موقع پر آپ کو کسی اور طرح سے متاثر کرتا ہے اور کسی دوسرے وقت میں اس کا اثر مختلف ہوسکتا ہے۔
الفاظ دریچے ہیں جو کھلتے ہیں دلوں میں
معنی میرے سامع کے خیالات میں گم ہیں
یہ بات صرف شعر پر ہی نہیں بلکہ دیگر فنونِ لطیفہ ( موسیقی، آرٹ وغیرہ) پر بھی لاگو ہوتی ہے ۔ یعنی کسی فن پارےسے حظ اٹھانااُس لاشعوری تعامل ( انٹرایکشن ) پر منحصر ہے جو اس فن پارے اورقاری/ناظر کے درمیان واقع ہوتا ہے۔ اس پیچیدہ انٹرایکشن میں کئی عناصر کارفرما ہوتے ہیں ۔ شعر کے حوالے سے بات کی جائے تو اس انٹرایکشن میں سامع کا شعری مطالعہ ، اس کی زبان دانی ، اس کی شعری تربیت یا عدم تربیت، اس کی زندگی کے تجربات ، اس کی موجودہ داخلی کیفیت وغیرہ اثر انداز ہوتی ہیں۔ یہ بھی ہوتا ہے کہ کچھ اشعار جو آپ کو آج پسند نہیں آئے یا سمجھ میں نہیں آئے وہ آگے چل کر زندگی کے کسی مقام پر یکایک سمجھ میں آجائیں اور لطف دینے لگیں۔ آپ کو سمجھانے کی غرض سے مثالاً عرض کرتا ہوں کہ محمد وارث ، سید عاطف ، تابش صدیقی،احمد بھائی اور فہد اور دیگر حضرات کو اس غزل کے مختلف اشعار پسند آئے ہیں۔ اور یہ ایک دوسرے کی پسند سے مختلف ہیں۔ اس کا مطلب خدانخواستہ یہ نہیں نکالا جاسکتا کہ یہ حضرات شعری ذوق سے محروم ہیں۔ صرف یہ کہا جاسکتا ہے کہ ان حضرات کو مختلف اشعار اپنی اپنی طبیعت اور ذوق کے مطابق پسند آئے ۔ حاصلِ کلام یہ کہ ہر شعر سامع کے تخیل ، احساس یا جذبات کو ایک ہی طرح سے نہیں متاثر کرتا ۔ اس کے بھی درجات ہوتے ہیں ۔
اگر آپ کی محولہ بالا رائے کو ایک مطلق معیار مان لیا جائے تو اردو کی نوے فیصد شاعری (بشمول اساتذہ) شعر کے درجے پر نہیں پہنچے گی۔ حقیقت یہ ہے کہ اردو کے اکثر اچھے اشعار تخیل یا جذبات سے زیادہ فکر اور سوچ کے در وا کرتے ہیں۔ اقبال کی تو اکثر شاعری فکر انگیز ہے۔ چنانچہ شعر کی تعریف کو وسعت دینا پڑے گی۔ خیر، جیسا کہ میں نے پہلے عرض کیا اس موضوعِ واحد پر تو سینکڑوں مضامین اور کتب لکھے جاچکے ہیں۔اس بات پر میں یہیں رکتا ہوں۔
اگر محولہ بالا قول واقعی ساقی فاروقی کا ہے تو معذرت کے ساتھ کہنا پڑتا ہے کہ پھر ان کو تو عروض کی مبادیات کا بھی علم نہیں تھا۔ "میم کے زحاف کا اضافہ" پڑھ کر پہلے تو بے ساختہ ہنسی آئی پھر افسوس ہوا۔یاسر بھائی ، اس قسم کا کوئی زحاف یا اصطلاح عروض میں سرے سے وجود ہی نہیں رکھتا ۔ فاعلن ایک بنیادی رکن ہے یعنی افاعیلِ ہشتگانہ کا حصہ ہے۔ فاعلن پر جو ممکنہ زحافات لگ سکتے ہیں وہ چھ ہیں ۔ یعنی خبن ، قطع ، خلع، حذذ ، اذالہ اور ترفیل۔ ان زحافات کے استعمال کے بعد جو مزاحف اوزان حاصل ہوں گے وہ بالترتیب فعِلن ، فعلن ، فعِل ، فع ، فاعلان اور فاعلاتن ہوں گے ۔ فاعلن کسی بھی صورت مفاعلن میں تبدیل نہیں ہوسکتا۔ اگر آپ عروض سے واقف ہیں تو آپ کو علم ہوگا کہ بنیادی افاعیلِ ہشتگانہ پر لگنے والے زحافات میں کوئی بھی ایسا زحاف نہیں ہے جو رکن کے شروع میں ایک حرف کا اضافہ کردے۔ اس غزل کا وزن جیسا کہ میں لکھا رجز سالم مخبون ہے۔ اگر آپ کو عروض سے دلچسپی ہو تو اس کی تفصیل میرے ایک مراسلے میں اوپر دیکھ لیجیے۔
شاہ صاحب، عروضی تجربہ کرنے کا مطلب یہ نہیں ہوتا کہ شاعر ایک دن کسی بحر کو لے کر یہ طے کرے کہ اب میں اس کے وزن میں ردو بدل کرکے ایک نیا وزن ایجاد کروں گا اور اس میں شعر کہوں گا۔ عروضی تجربے کا مطلب یہ ہوتا ہے کہ شاعر اپنی فطری موزونیت کے باعث کچھ اشعار کہتا ہے یا یوں کہیے کہ کچھ اشعار اس سے موزوں ہوجاتے ہیں۔ ان اشعار میں حسبِ معمول روانی ہوتی ہے، غنائیت ہوتی ہے لیکن اسے علم ہوجاتا ہے کہ ان اشعار کا وزن کسی معلوم و معروف بحر پر منطبق نہیں ہورہا بلکہ یہ ایک نیا وزن ہے۔ اب وہ یہاں اپنے عروضی علم کا سہارا لیکر اس شعر کو کسی قریب ترین بحر اور اس کے زحافات پر منطبق کرتا ہے ۔ اور یوں ایک نیا وزن "ایجاد" ہوجاتا ہے۔ اب دو صورتیں ہیں ۔ یا تو وہ نیا وزن کسی قریب ترین بحر پر کسی جائز زحاف کی مدد سے تخریج ہوجائے گا یا نہیں ہوگا۔ لیکن اچھی بات یہ ہے کہ موجودہ عروضی نظام اس درجہ وسیع اور لچکدار ہے کہ عموماً کوئی بھی نیا وزن اس کے دائرۂ کار سے باہر نہیں پڑتا ۔ آپ کسی بھی نئے وزن کو عموماً عروضی اصولوں کی مدد سے بیان کرسکتے ہیں ۔ اس سلسلے میں مزید تفصیلات کے لئے میری ایک غزل پر چند سال پہلے ہونے والی یہ عروضی گفتگو دیکھ لیجیے:
https://www.urduweb.org/mehfil/threads/دو-دل-جلے-باہم-جلے-تو-روشنی-ہوئی.94505/
اس سارے معاملے میں یاد رکھنے کی جو بات ہے وہ یہ ہے کہ اس نئے وزن میں شعر گوئی کا تخلیقی عمل اُس تخلیقی عمل سے قطعی مختلف نہیں ہوتا جو کسی مستعمل بحر میں شعر گوئی کرتے ہوئے واقع ہوتا ہے۔ شعری عمل کی نوعیت شاعر کے لئے تو بالکل ایک جیسی ہی ہوتی ہے۔ کسی نئے یا غیر معروف وزن میں اظہارِ خیال کرنے سے شعر کی شعریت پر کوئی اثر نہیں پڑتا۔ وزن بذاتِ خود شعریت پیدا نہیں کرتا۔ کلامِ موزوں کو شعریت دینا تو شاعر کا کام ہے۔ حقیقت یہ ہے کہ شاعر کے لئے عموماً بحر سے زیادہ قافیہ ردیف کی پابندی آڑے آتی ہے۔ اگر قدرتِ بیان ہو اور قافیہ ردیف مناسب چنے جائیں تو شاعر کسی بھی وزن میں اپنا مافی الضمیر بخوبی بیان کرسکتا ہے۔
شاہ صاحب ، یہ مراسلہ خاصا طویل ہوگیا ۔ لیکن آپ نے جو مفروضہ نکات اٹھائے تھے وہ تفصیلی جواب کے متقاضی تھے۔ امید ہے کہ کچھ بنیادی تصورات اور اصولِ تنقید آپ کے ذہن میں واضح ہوگئے ہوں گے ۔ اگر کوئی بات رہ گئی ہو تو ارشاد کیجیے گا میں حاضرِ خدمت ہوجاؤں گا ۔
احمد بھائی آپ نے تو شاید ہی میرا کوئی کلام ناپسند کیا ہو ۔
جیسا کہ پہلے کہہ چکا ہوں
اور وہ یوں کہ ایسی سازگار فضا جس میں کھل کر تبصرے کیے جا سکیں سیکھنے سکھانے کے لیے معاون و مددگار ہے ۔اوروں کو چہ خوب چہ خوب کہہ کر ان سے چہ خوب خوب سننے سے لکھاری کے اندر کا آرٹسٹ بھی مر جاتا ہے اور داد دہندگان کو بھی حاصل وصول کچھ نہیں ہوتا نتیجہ یہی ہوتا ہے کہ بے فیض غزلیں وجود میں آتی ہیں جن میں بناوٹ، تصنع اور تکلف کے سوا کچھ نہیں ہوتا۔
جب آپ یہ لکھ چکے تو آگے اس پہ بحث ہی فضول تھی۔
اس کے لیے آپ کو پوچھنا چاہیے تھا کہ ذاتی اور تخیلاتی تجربے سے مرزا کلیم الدین کی کیا مراد ہے ؟لیکن آپ کی طرز ادا ہمیشہ سمجھانے والی ہوتی ہے نہ کہ سمجھنے کی۔
آپ مضمون کی بات کر رہے ہیں ۔میں نے تو یہ کتاب ایک سے زیادہ بار پڑھ رکھی ہے اور اس کتاب پہ لکھی گئی تنقیدیں بھی پڑھی ہیں۔مگر مجھے لگتا ہے آپ نے نہیں پڑھی یہ کتاب ،آپ کو مطالعے کی ضرورت ہے ضرور پڑھیں۔ورنہ میری بات ذوق , سخن فہمی اور تنقید کے متعلق ضرور سمجھ میں آتی ۔اس کتاب میں یہ تین معیار شعر پرکھنے کے پیش کیے گئے ہیں اور واضح کیا گیا ہے کہ ضروری نہیں کہ جو شعر ذوق کو اچھا لگے وہ سخن فہمی کے لحاظ سے اچھا ہو اور نہ ہی جو شعر ذوق اور سخن فہمی کے معیار پہ پورا اترے تنقید کے معیار پہ بھی پورا اترتا ہو۔تبھی کہا تھا کہ آپ کی غزل ذوق کو بھاتی ہے۔
یہ بات درست نہیں لگتی، ان دو صفحات میں آپ کو دو مثالیں اس کے خلاف ملیں گی۔ جو اس کے بے محل ہونے کا ثبوت ہے۔
آئنسٹائن کا مقولہ بھی برحق لیکن یہاں سراسر بے محل ہے کیوں کہ یہاں مشکل اردو (یا مشکل گوئی) کا شائبہ تک نہیں ۔شروع سے آخر تک صاف سادہ اور شستہ زبان ہے۔
ادب یہی ہے کہ دو لوگوں کی بحث میں خوامخواہ مخل نہ ہونا چاہیے ۔ابھی بات چل رہی ہے اور ممکن ہے کسی نتیجے تک پہنچ جائے۔