کاشفی
محفلین
غزل
(ضیاء الاسلام)
اُف وہ رنگیں شباب آنکھوں میں
اک بہکتا سا خواب آنکھوں میں
میکشوں میں یہ دھوم ہے کہ پیو
وہ گلابی شراب آنکھوں میں
زاہدوں کو بھی شوق اُٹھا کہ پئیں
جب سے دیکھی شراب آنکھوں میں
دل میں ہنگامہ کرگیا برپا
وہ مچلتا شباب آنکھوں میں
تار سب دل کے جھنجھنا اُٹھے
اُف وہ رنگیں رباب آنکھوں میں
جب سے میخانہ چھٹ گیا افسوس
خوں ہے دل میں نہ آب آنکھوں میں
اس پہ سو شوخیاں نثار ضیا
وہ جو ہے اک حجاب آنکھوں میں
(ضیاء الاسلام)
اُف وہ رنگیں شباب آنکھوں میں
اک بہکتا سا خواب آنکھوں میں
میکشوں میں یہ دھوم ہے کہ پیو
وہ گلابی شراب آنکھوں میں
زاہدوں کو بھی شوق اُٹھا کہ پئیں
جب سے دیکھی شراب آنکھوں میں
دل میں ہنگامہ کرگیا برپا
وہ مچلتا شباب آنکھوں میں
تار سب دل کے جھنجھنا اُٹھے
اُف وہ رنگیں رباب آنکھوں میں
جب سے میخانہ چھٹ گیا افسوس
خوں ہے دل میں نہ آب آنکھوں میں
اس پہ سو شوخیاں نثار ضیا
وہ جو ہے اک حجاب آنکھوں میں