اوجِ تخیّل ۔ اشعار شامل کیجے۔

[یاز]

میں اور تم سے ترکِ محبت کی آرزو
دیوانہ کر دیا ہے غمِ روزگار نے
(ساحر لدھیانوی)​

 

[محمد وارث]

گو میں رہا رہینِ ستم ہائے روزگار
لیکن ترے خیال سے غاٍفل نہیں رہا
غالب

 

[یاز]

پیری سے خم نہیں ہے کمر میں میری قمر
میں جھک کے ڈھونڈتا ہوں جوانی کدھر گئی
قمر جلالوی

 

[محمد تابش صدیقی]

شعور عصر ڈھونڈتا رہا ہے مجھ كو اور ميں
مگن ہوں عہد رفتگاں كى عظمتوں کے درمياں

پیرزادہ قاسم

 

[فرخ منظور]

ہو گئے ہیں جمع اجزائے نگاہِ آفتاب
ذرّے اُس کے گھر کی دیواروں کے روزن میں نہیں
(غالبؔ)​

 

[محمد تابش صدیقی]

اس نے نیاز و ناز کے سارے ورق الٹ دیے
دستِ خلیل بھی دیا صنعتِ آذری بھی دی

ماہر القادری

 

[فرخ منظور]

وقت اپنا زرخرید تھا، ہنگام ِ مے کشی​

لمحے کو طُول دے کے ابد ہم نے کر دیا
(سراج الدین ظفرؔ)​

 

[سید عاطف علی]

دوندے ہے نقش پا کی طرح خلق یاں مجھے
اے عمر رفتہ ! ! ! چھوڑ گئی تو کہاں مجھے
۔درد۔

 

[اکمل زیدی]

کس کس کو لاؤں مدح شہ ذوالفقار میں
لفظوں کی ایک فوج کھڑی ہے قطار میں

 

[نیرنگ خیال]

میں پرہشان تها کہ بیدل اصل کو کیسے غلط بانده سکتے ہیں. گنجور کے مطابق شعر ایسے ہے

حرص قانع نیست بیدل ورنہ از ساز معاش
آنچہ ما درکار داریم اکثری درکار نیست

حرص قانع نہیں ہے بیدل ورنہ ساز معاش میں سے جس کو ہم درکار رکهتے ہیں اس میں سے اکثر ہمیں درکار نہیں ہے.

ایک اور نسخے میں ہے کہ

حرص قانع نیست بیدل ورنہ از بهر معاش
آنچہ ما درکار داریم اکثرش درکار نیست

حرص قانع نہیں ہے بیدل ورنہ معاش کے لیے
جو کچه ہم درکار رکهتے ہیں اس میں سے اکثر ہمیں درکار نہیں ہے.

درستی کے لیے شکرگزار ہوں۔ شاد رہیں۔

 

[یاز]

بات رکھ لی مری قاتل نے گنہگاروں میں
اس گنہ پر مجھے مارا کہ گنہگار نہ تھا
امیر مینائی

 

[محمد وارث]

واجب القتل اُس نے ٹھہرایا
آیتوں سے، روایتوں سے مجھے
استاد ذوق

 

[محمد وارث]

لیے جاتی ہے کہیں ایک توقع غالب
جادۂ رہ کششِ کافِ کرم ہے ہم کو

 

[یاز]

کون سنتا ہے یہاں اے بت مری ترے حضور
ختم یہ جھگڑا خدا کے روبرو ہو جائے گا
(امیر مینائی)

 

[محمد وارث]

منیر اِس ملک پر آسیب کا سایہ ہے یا کیا ہے​

کہ حرکت تیز تر ہے اور سفر آہستہ آہستہ
منیر نیازی​

 

[ظہیراحمدظہیر]

ہاتھ کھینچے ہوئے ہے ، رنگ ہے مانی کا فق
قلم انگشتِ ششم ہے ، کفِ افسوس ورق
(نامعلوم)

 

[محمد وارث]

مری طرح سے مہ و مہر بھی ہیں آوارہ
کسی حبیب کی یہ بھی ہیں جستجو کرتے
آتش

 

[محمداحمد]

شوق برہنہ پا چلتا تھا اور رستے پتھریلے تھے
گھستے گھستے گھس گئے آخر کنکر جو نوکیلے تھے

تم ناحق ناراض ہوئے ہو ورنہ مے خانے کا پتہ
ہم نے ہر اُس شخص سے پوچھا، جس کے نین نشیلے تھے


غلام محمد قاصر

 

[محمداحمد]

دل میں بس کر رہ گئی مشتاق یادِ رفتگاں
پھول مہنگے ہو گئے قبریں پرانی ہو گئیں

احمد مشتاقؔ

 

[محمداحمد]

سن یہ رونا نہیں گرانی کا
یہ تو بے قیمتی کا رونا ہے

اجملؔ سراج