اوجِ تخیّل ۔ اشعار شامل کیجے۔

[محمد ریحان قریشی]

غالب کے شعر کا در حقیقت مطلب صرف اتنا تھا کہ
گردشِ رنگِ طرب سے ڈر ہے
غمِ محرومیِ جاوید نہیں

جس پر انھوں نے اتنا شور مچایا۔ ہمارے عوام ہر چیز کو دل پر لے لیتی ہیں۔

 

[ادب دوست]

محمد احمد بھائی، بہت ہی اچھی لڑی آغاز کی ہے ، بہت دعائیں۔
بہت سے اشعار واقعی اس لڑی سے تعلق رکھتے تھے مگر کچھ اشعار ایسے ضرور ہوئے کہ جن کو پڑھ کو یہ احساس ہوا کہ شاید یہ لڑی سے اس درجہ کا تعلق نہیں رکھتے جس درجہ کا تعلق درکار ہے۔ بہرحال اچھی لڑی ہے ۔
ویسے تو برادرم سید عاطف علی نے بھرپور بات کی ہے اسی کی ذیل میں، ناچیز بھی دوستوں سے یہ عرض کرنا چاہتا ہے کہ شاعری کے زمروں کو فقط شاعری تک محدود رکھنے سے محفل کی رونق دو چند ہوگی، البتہ اگر کسی شاعر کی شخصیت یا شاعری پر گفتگو کرنا چاہیں تو ایک علیحدہ لڑی بنا لی جائے۔

 

[یاز]

سیرت نہ ہو تو عارض و رخسار سب غلط
خوشبو اڑی تو پھول فقط رنگ رہ گیا
(ظہیر کاشمیری)​

 

[ادب دوست]

اس کی امت میں ہوں میں میرے رہیں کیوں کام بند
واسطے جس شہہ کے غالب گنبدِ بے در کھلا۔۔

 

[سید عاطف علی]

آنسو نکل رہے ہیں تصور میں بن کے پھول
شاداب ہو رہا ہے گلستان آرزو
اختر شیرانی۔​

 

[ادب دوست]

عشق اول در دلِ معشوق پیدا می شود
تا نہ سوزد شمع کے پروانہ شیدا می شود

عشق اول معشوق کے دل میں پیدا ہوتا ہے
جب تلک شمع نہ جلے پروانہ کیونکر جلے

 

[عباد اللہ]

چشم ہو تو آئینہ خانہ ہے دہر
منہ نظر آتا ہے دیواروں کے پیچ
میر تقی میر

 

[عباد اللہ]

رنج سے خوگر ہوا انساں تو مٹ جاتا ہے رنج
مشکلیں مجھ پر پڑیں اتنی کہ آساں ہو گئیں
غالب

 

[عباد اللہ]

قطرہ اپنا بھی حقیقت میں ہے دریا لیکن
ہم کو تقلیدِ تنک ظرفئ منصور نہیں
غالب

 

[ادب دوست]

کہتا ہے مجھ سے کہ اس ارض و سما کو پار کر
چھوڑے گا ظالم مرا مرغِ تخیل مار کر ۔۔

پُر تخیل شعر یاد کرتے کرتے فی البدیہہ یہ شعر ہوا ہے ۔۔۔

 

[طالب سحر]

تو ہم آنجا رسی بلے بی پای
دیدہ یک دم ببند و باز کشای
امیر خسرو

تو بھی بے شک بغیر قدموں کے وہاں پہنچ سکتا ہے، بس ایک لمحے کے لیے آنکھ بند کر لو اور پھر کھول کر دیکھ
(ترجمہ: پروفیسر لطیف اللہ)

 

[سید عاطف علی]

آج بھی آہنی جنوں کاحق!
پتھروں سے ادا نہیں ہو تا
ضیا عزیزی جے پوری

 

[محمد تابش صدیقی]

ہے تجھ سے ملتے رہنے کا بہانہ
ادائے فرض و سنت کیا نفل کیا

 

[سید عاطف علی]

جو خاص ہیں وہ شریک گروہ عام نہیں
شمار دانہ ء تسبیح میں امام نہیں
۔امام بخش ناسخ۔

 

[محمد تابش صدیقی]

سوزِ الفت کا اثر تھا دیدنی مطلوب میں
شمع بھی گھلتی گئی مرتے جو پروانے گئے

 

[یاز]

ٹک میر جگرِ سوختہ کی جلد خبر لے
کیا یار بھروسہ ہے چراغِ سحری کا
(میر تقی میر)​

 

[طالب سحر]

شاعری سمجھو ۔ اور پھر شاعری کو شاعری سمجھو اور مزید یہ کہ شاعر کی شاعری کو بھی سمجھو ۔
حقیقی شاعری تو وہ ہے جو بخیل کو فیاض کر دیتی ہے ۔بزدل کو شیر دل کر دیتی ہے ۔ تنگ نظر کو وسعت نظر بخشتی ہے۔قاسی القلب کو رقیق القلب کر تی ہے۔ظالم کو ہمدردی پر آمادہ کر دیتی ہے۔انتقام کو عفو سے بدلتی ہے ۔ لیکن ایسا محض اس وقت ہو سکتا ہے جب ہم شعر کی روح تک اتریں ۔
ورنہ شعر کیا شاعری کیا شاعر کیا اور ہم کیا ۔
شعر کو اپنی فکر سے کی تنگی سے جانچنا زیبا نہیں ۔ المعنی فی البطن الشاعر پر محمول کرو ۔

سید عاطف علی کی نذر:

مرا از بس کہ زیبا بود بندش
نہ دردل بلکہ درجاں رفت بنشست
امیر خسرو

میری ذات کے لیے تو بندش شعر اس قدر زیبا تھی کہ نہ صرف دل میں جا گزیں ہوئی بلکہ روح میں پیوست ہو گئی
(ترجمہ: پروفیسر لطیف اللہ)

 

[ظہیراحمدظہیر]

وہ اشک بن کے مری چشمِ تر میں رہتا ہے
عجیب شخص ہے پانی کے گھر میں رہتا ہے

 

[سید عاطف علی]

سید عاطف علی کی نذر:
مرا از بس کہ زیبا بود بندش
نہ دردل بلکہ درجاں رفت بنشست
امیر خسرو
میری ذات کے لیے تو بندش شعر اس قدر زیبا تھی کہ نہ صرف دل میں جا گزیں ہوئی بلکہ روح میں پیوست ہو گئی
(ترجمہ: پروفیسر لطیف اللہ)

ممنون ہوں طالب سحر صاحب آپ نے تو نیناں ملائی کے اپنا سا کر لیا۔

شاخ پر ہیں ہرے بھرے پتے
پھول لیکن ہرا نہیں ہوتا۔
ضیا عزیزی جے پوری۔

 

[محمد وارث]

کچھ اس انداز سے چھیڑا تھا میں نے نغمۂ رنگیں
کہ فرطِ ذوق سے جھومی ہے شاخِ آشیاں برسوں
اصغر گونڈوی