اوجِ تخیّل ۔ اشعار شامل کیجے۔

[محمد ریحان قریشی]

وفور اشک نے کاشانے کا کیا یہ رنگ
کہ ہوگئے مرے دیوار و در در و دیوار

نہیں ہے سایہ کہ سن کر نوید مقدم یار
گئے ہیں چند قدم پیشتر در و دیوار

ہجوم گریہ کا سامان کب کیا میں نے
کہ گر پڑے نہ مرے پاوں پر در و دیوار

نہ پوچه بے خودیء عیش مقدم سیلاب
کہ ناچتے ہیں پڑے سر بسر در و دیوار

مرزا غالب

 

[محمد وارث]

غالب کے تخیل کا، معذرت کے ساته کوئی مقابلہ نہیں کر سکتا.

داغ تخیل کی جگہ زبان اور معاملہ بندی کا زیادہ شاعر ہے۔ عربی فارسی کے بھاری بھر کم الفاظ کی بجائے صاف ستھرے سیدھے سادھے اردو کے الفاظ ہیں جن میں ایسے آبدار شعر ڈھلتے ہیں کہ سیدھے دل میں گھر کر لیتے ہیں۔

 

[محمداحمد]

اب تو محسن کے تصور میں اتر اے رب جلیل
اس اداسی میں تو پتھر بھی خدا لگتا ہے
(محسن نقوی)

اچھا شعر ہے۔

"اے" اضافی لگ رہا ہے۔

 

[یاز]

غالب کے تخیل کا، معذرت کے ساته کوئی مقابلہ نہیں کر سکتا.

اس ضمن میں تو ہم بھی آپ کے ساتھ کامل متفق ہیں۔

 

[یاز]

جہاں ملتی ہے بے مانگے بھی سب کو دین کی دولت
میں اس بستی میں اپنا دین و ایماں چھوڑ آیا ہوں
(کیفی اعظمی)​

 

[سعیدالرحمن سعید]

اگر گستاخی نہ خیال کریں تو میں عرض کروں گا کہ یہ پوسٹ ایک الگ دھاگے میں ہو تو زیادہ بہتر رہے گا۔ یعنی:

• اگر آپ چاہتے ہیں کہ لوگ اس معاملے پر توجہ دیں تو اس بات کو الگ دھاگے میں زیادہ توجہ ملے گی۔
• اس دھاگے سے غیر متعلقہ ہونے کی وجہ سے بات کہیں کی کہیں چلی جانے کا قوی امکان ہے۔
• لوگوں کو اس بات کا موقع ملے گا کہ اس مضمون کے حوالے سے اپنی رائے دے سکیں یا آپ کی رائے سے اتفاق یا اختلاف کر سکیں۔
• اگر آپ اس بات کا ابلاغ چاہتے ہیں تو ابلاغ کی کوشش بے جا تنقید کی زد میں آنے سے بچ جائے گی اور آپ کا کام آسان ہو جائے گا۔

اگر آپ مناسب سمجھیں تو اس پوسٹ کو رپورٹ کرکے الگ دھاگے میں منتقل کروالیجے۔

باقی جیسی آپ کی مرضی۔

احمد بھائی۔ آپ نے بجا فرمایا ہے میرا بھی یہی خیال ہے کہ اس لڑی کو صرف اشعار تک ہی محدود رہنا چاہئے۔ کسی شعر کے خالق کے سخن کی تعریف یا تنقید کیلیے الگ دھاگہ ہونا چاہیے۔

 

[عباد اللہ]

​

نہیں ہے سایہ کہ سن کر نوید مقدم یار
گئے ہیں چند قدم پیشتر در و دیوار

وااااااااہ وااااااااہ

 

[محمداحمد]

وہ جب کہتے ہیں، فردا ہے خوش آئند
عجب حسرت سے مُڑ کر دیکھتا ہوں

انور شعور

 

[محمداحمد]

گزر رہے ہیں مرے رات دن لڑائی میں
میں سوچتا ہوں کہ مجھ کو شکست ہی ہو جائے

شہزاد احمد

 

[محمد ریحان قریشی]

احمد بھائی۔ آپ نے بجا فرمایا ہے میرا بھی یہی خیال ہے کہ اس لڑی کو صرف اشعار تک ہی محدود رہنا چاہئے۔ کسی شعر کے خالق کے سخن کی تعریف یا تنقید کیلیے الگ دھاگہ ہونا چاہیے۔

میرا بحث کا موڈ نہیں ہے.مجهے شاعری سے غرض ہے. غالب اردو اور شاعری کے سب سے بڑے شعرا میں سے ہیں اور اس کی وجہ ان کا گہرہ تخیل ہے. اس ضمن میں ان کا کوئی مد مقابل میری نظر سے نہیں گزرا. اگر کوئی مومن ان سے گہرہ تخیل رکهتا تو میں اس کی بهی تعریف کر دیتا. جہاں تک کفر و اسلام کا تعلق ہے تو اس کی فکر آپ خود کریں. میں نے چهوڑ دی ہے.

 

[سید عاطف علی]

چلیے پھر شاعری کی طرف اور اوج تخیل کی طرف۔
جب کہ تجھ بن نہیں کوئی موجود
پھر یہ ہنگامہ اے خدا کیا ہے۔
غالب۔

 

[محمد تابش صدیقی]

یہ سر شبیر کی سنت میں کٹ جاتا تو اچھا تھا
کسی شیریں کی خاطر پھوڑنا اچھا نہیں لگتا

ضیغم مغیرہ

 

[محمد تابش صدیقی]

آکے پتھر تو مرے صحن میں دو چار گرے
جتنے اس پیڑ کے پھل تھے پس دیوار گرے

شکیب جلالی

 

[محمد تابش صدیقی]

اتر گیا ترے دل میں توشعر کہلایا
میں اپنی گونج تھا اور گنبدوں میں رہتا تھا

شکیب جلالی

 

[عباد اللہ]

ہے غیبِ غیب جس کو سمجھتے ہیں ہم شہود
ہیں خواب میں ہنوز جو جاگے ہیں خواب میں
غالب

 

[طالب سحر]

ہے کہاں تمنا کا دوسرا قدم یارب
ہم نے دشت امکاں کو ایک نقش پا پایا
-- غالب

 

[طالب سحر]

اصلِ شہود و شاہد و مشہود ایک ہے
حیراں ہوں پھر مشاہدہ ہے کس حساب میں
-- غالب

 

[طالب سحر]

ہر ورق ہر صفحے میں ایک شعرِ شور انگیز ہے
عرصۂ محشر ہے عرصہ میرے بھی دیوان کا
-- میر

 

[محمد وارث]

خوش بوَد فارغ ز بندِ کفر و ایماں زیستن
حیف کافر مُردن و آوخ مسلماں زیستن

مرزا غالب دہلوی

کفر اور ایمان کی قیدوں اور بندشوں سے آزاد زندگی بہت اچھی اور خوش خوش گزرتی ہے لہذا افسوس کفر کی موت مرنے پر اور وائے مسلمان کی سی زندگی بسر کرنے پر۔

 

[سید عاطف علی]

ارے صاحبو! دوستو! بھلے مانسو!بلکہ شاعرو ! ۔ یہ کہاں نکل لیے ہو کس گلی کا رستہ لے لیا پہلے ہی اس قسم کی گلیوں میں بہت انبوہ ہے اور اس کے باوجود سب لاطائل بھی ۔
شاعری سمجھو ۔ اور پھر شاعری کو شاعری سمجھو اور مزید یہ کہ شاعر کی شاعری کو بھی سمجھو ۔
حقیقی شاعری تو وہ ہے جو بخیل کو فیاض کر دیتی ہے ۔بزدل کو شیر دل کر دیتی ہے ۔ تنگ نظر کو وسعت نظر بخشتی ہے۔قاسی القلب کو رقیق القلب کر تی ہے۔ظالم کو ہمدردی پر آمادہ کر دیتی ہے۔انتقام کو عفو سے بدلتی ہے ۔ لیکن ایسا محض اس وقت ہو سکتا ہے جب ہم شعر کی روح تک اتریں ۔
ورنہ شعر کیا شاعری کیا شاعر کیا اور ہم کیا ۔
شعر کو اپنی فکر سے کی تنگی سے جانچنا زیبا نہیں ۔ المعنی فی البطن الشاعر پر محمول کرو ۔ اور بخشدو گر خطا کرے کوئی ۔جیسی نصیحت پکڑو۔ورنہ
زجاج گر کی دکاں شاعری و ملائی
ستم ہےخوار پھرے دشت و در میں دیوانہ