اوجِ تخیّل ۔ اشعار شامل کیجے۔

[محمد تابش صدیقی]

واہ۔ شاعر کا نام ؟

ادا ؔجعفری

 

[صائمہ شاہ]

تشبیہہ دے کے قامت جاناں کو سرو سے
اونچا ہر ایک سرو کا قد ہم نے کر دیا

سراج الدین ظفر

 

[عباس اعوان]

بھرم کھل جائے ظالم تیرے قامت کی درازی کا
اگر اس طرۂ پرپیچ و خم کا پیچ و خم نکلے

مرزا نوشہ

 

[صائمہ شاہ]

مجھے تو ہر فارسی شعر اوجِ تخیل کا شاہکار ہی لگتا ہے

متفق
فارسی کا تخیل نہ صرف خوبصورت ہے بلکہ پرکشش بھی ہے ایسا سماں باندھتے ہیں فارسی اشعار کہ الفاظ ہی نہیں ملتے تعریف کو اور شائد الفاظ حق ادا بھی نہ کر پائیں ۔
بہت شکریہ آپ کا اور حسان خان کا ایسے خوبصورت تخیل سے متعارف کروانے پر ۔
محمد وارث حسان خان

 

[حسن ترمذی]

اب تو محسن کے تصور میں اتر اے رب جلیل
اس اداسی میں تو پتھر بھی خدا لگتا ہے
(محسن نقوی)

 

[محمد وارث]

سایۂ چشم میں حیراں رُخِ روشن کا جمال
سُرخیِ لب میں پریشاں تری آواز کا رنگ
فیض

 

[سید عاطف علی]

اس کی بیٹی نے اٹھا رکھی هےدنیا سر پر
خیریت گزری که انگور کے بیٹا نه هوا
آگاه دهلوی

میں نے یہ شعر لڑکپن سے اس طرح سے سن رکھا تھا ۔
دختر رز نے اٹھا رکھی ہے سر پر دنیا
یہ تو اچھا ہوا نگور کے بیٹا نہ ہوا۔

محترم قاضی واجد الدائم
کیا کوئی حوالہ فراہم کر سکیں گے ؟ کہ یہ شعر آگاہ دھلوی کا ہے۔
بر سبیل تذکرہء خیر یاد آیا کہ جناب رضا دھلوی آگاہ مرزا غالب کے تلامذہ میں سے تھے۔ ان کے ایک شاگر یوسف علی عزیز جے پوری ،میرے والدسید خورشید علی ضیا عزیزی کے استاد تھے ۔
خدا رحمت کند آں عزشقان پاک طینت را

 

[فرخ منظور]

بھرم کھل جائے ظالم تیرے قامت کی درازی کا
اگر اس طرۂ پرپیچ و خم کا پیچ و خم نکلے

مرزا نوشہ

میرے خیال میں اس لڑی میں مرزا غالب کے اشعار درج نہیں کرنا چاہیے کیونکہ اس طرح تو پورا دیوانِ غالب ہی اس لڑی میں درج کرنا پڑے گا۔

 

[محمد تابش صدیقی]

میرے خیال میں اس لڑی میں مرزا غالب کے اشعار درج نہیں کرنا چاہیے کیونکہ اس طرح تو پورا دیوانِ غالب ہی اس لڑی میں درج کرنا پڑے گا۔

یہی بات میں نے لڑی کے پہلے دن اقبال کے بارے میں سوچی تھی۔

 

[محمد تابش صدیقی]

نظر نہ آیا کبھی شب کو اُن کا جلوۂ رُخ
یہ آفتاب کبھی ماہتاب ہو نہ سکا

اختر شیرانی

 

[حسان خان]

اگر کلام نه از آسمان فرود آید
چرا به هر سخنی خامه در سجود آید
(صائب تبریزی)
اگر کلام آسمان سے نازل نہیں ہوتا تو پھر ہر سخن کو لکھتے وقت قلم سجدے کی حالت میں کیوں آتا ہے؟

 

[فرخ منظور]

کل رات میکشوں نے توازن جو کھو دیا
خطِ سُبو پہ کون و مکاں ڈولتے رہے

(سراج الدین ظفرؔ)​

 

[حسان خان]

گذشت عمر و نکردی کلامِ خود را نرم
ترا چه حاصل ازین آسیای دندان است؟
(صائب تبریزی)
تمہیں اس دانتوں کی چکّی سے کیا فائدہ ہے کہ عمر گذر گئی لیکن تم نے اپنے کلام کو نرم و ملائم نہیں کیا؟

 

[محمد وارث]

دل اسبابِ طرَب گم کردہ، در بندِ غمِ ناں شُد
زراعت گاہِ دہقاں می شَوَد چوں باغ ویراں شُد
مرزا غالب دہلوی

دل نے خوشی و شادمانی و نشاط و سُرور کے سامان گم کر دیئے اور روٹی کے غم میں مبتلا ہو گیا، جیسے کہ جب کوئی باغ ویران ہو جاتا ہے تو وہ کسانوں کا کھیت بن جاتا ہے۔

 

[محمد تابش صدیقی]

مری تعمیر میں مُضمر ہے اک صورت خرابی کی
ہیولیٰ برقِ خرمن کا، ہے خونِ گرم دہقاں کا

مرزا غالبؔ

 

[قاضی واجد الدائم]

میں نے یہ شعر لڑکپن سے اس طرح سے سن رکھا تھا ۔
دختر رز نے اٹھا رکھی ہے سر پر دنیا
یہ تو اچھا ہوا نگور کے بیٹا نہ ہوا۔

محترم قاضی واجد الدائم
کیا کوئی حوالہ فراہم کر سکیں گے ؟ کہ یہ شعر آگاہ دھلوی کا ہے۔
بر سبیل تذکرہء خیر یاد آیا کہ جناب رضا دھلوی آگاہ مرزا غالب کے تلامذہ میں سے تھے۔ ان کے ایک شاگر یوسف علی عزیز جے پوری ،میرے والدسید خورشید علی ضیا عزیزی کے استاد تھے ۔
خدا رحمت کند آں عزشقان پاک طینت را

https://rekhta.org/couplets/us-kii-...-duniyaa-sar-par-agah-dehlvi-couplets?lang=Ur

اس کی بیٹی نے اٹھا رکھی ہےدنیا سر پر
خیریت گزری کہ انگور کے بیٹا نہ ہوا

 

[سید عاطف علی]

یہ دنیا اک سرا ہے آخر اس کو چھوڑ جانا ہے
اگر دو چار دن آکر یہاں ٹھہرے تو کیا ٹھہرے
سید رضا دہلوی آگاہ۔

 

[یاز]

میرے خیال میں اس لڑی میں مرزا غالب کے اشعار درج نہیں کرنا چاہیے کیونکہ اس طرح تو پورا دیوانِ غالب ہی اس لڑی میں درج کرنا پڑے گا۔

یہی بات میں نے لڑی کے پہلے دن اقبال کے بارے میں سوچی تھی۔

اور یہی بات ہم نے شاعرِ بے بدل مرزا داغ دہلوی صاحب کے بارے میں سوچی تھی۔

 

[یاز]

دی شبِ وصل مؤذن نے اذاں پچھلی رات
ہائے کم بخت کو کس وقت خدا یاد آیا
(داغ دہلوی)​

 

[محمد ریحان قریشی]

اور یہی بات ہم نے شاعرِ بے بدل مرزا داغ دہلوی صاحب کے بارے میں سوچی تھی۔

غالب کے تخیل کا، معذرت کے ساته کوئی مقابلہ نہیں کر سکتا.