اوجِ تخیّل ۔ اشعار شامل کیجے۔

[محمداحمد]

ہمارے پاؤں اُلٹے تھے فقط چلنے سے کیا ہوتا
بہت آگے گئے لیکن بہت پیچھے نکل آئے

عباس تابشؔ

 

[محمد وارث]

حیران ہیں، لب بستہ ہیں، دل گیر ہیں غنچے
خوشبو کی زبانی ترا پیغام ہی آئے
ادا جعفری

 

[عباس اعوان]

متاع لوح و قلم چھن گئی تو کیا غم ہے
کہ خونِ دل میں ڈبو لی ہیں انگلیاں میں نے

فیض

 

[عباس اعوان]

زباں پہ مہر لگی ہے تو کیا کہ رکھ دی ہے
ہر ایک حلقہء زنجیر میں زباں میں نے

فیض

 

[محمداحمد]

سُرمہ ٴ مفت نظر ہوں مری قیمت یہ ہے
کہ رہے چشمِ خریدار پہ احساں میرا

غالب

 

[محمد تابش صدیقی]

سُرمہ ٴ مفت نظر ہوں مری قیمت یہ ہے
ہ رہے چشمِ خریدار پہ احساں میرا

غالب

ٹائپو ہے یہاں غالباً

 

[محمداحمد]

ٹائپو ہے یہاں غالباً

درست کر دیا ہے۔

نشاندہی کا شکریہ۔

 

[محمد تابش صدیقی]

دم لو کہ ذرا قافلۂ وقت بھی آ لے
یاں گردشِ پیمانہ بڑی تیز رہی ہے

نعیم صدیقی

 

[محمداحمد]

آفاق کی منزل سے گیا کون سلامت
اسباب لُٹا راہ میں یاں ہر سفری کا

میر

 

[محمداحمد]

میں بھی کچھ خوش نہیں وفا کرکے
تم نے اچھا کیا نباہ نہ کی

مومن خان مومنؔ

 

[محمداحمد]

بھلا کوئی وعدہ خلافی کی حد ہے حساب اپنے دل میں لگا کر تو دیکھو
قیامت کا دن آ گیا رفتہ رفتہ، ملاقات کا دن بدلتے بدلتے

قمر جلالوی

 

[محمداحمد]

اُس دن سے دل اُداس ہے جب سے خبر ہوئی
ملتے ہیں وہ خلوص سے ہر آدمی کے ساتھ

 

[محمداحمد]

فرحت کیانی کے دیرینہ دستخط کا شعر:

شکوہ ٴ ظلمتِ شب سے تو کہیں بہتر تھا
اپنے حصے کی کوئی شمع جلاتے جاتے

فراز

 

[فرقان احمد]

یہ ہاتھ اوجِ تخیل تک بلند اور کم نصیب ایسے
کہ جائے لمس بھی گنجینۂ زر میں نہیں رکھتے
(محشر بدایونی)​

 

[محمداحمد]

تم سے ملے بھی ہم تو جدائی کے موڑ پر
کشتی ہوئی نصیب تو دریا نہیں ملا

امجد اسلام امجد

سرگوشی: سرگوشی کا بھی بھلا کوئی عنوان ہوتا ہے کیا؟

بقول شخصے جب دانت تھے تو چنے نہیں تھے، اب چنے ہیں تو دانت نہیں ہیں۔

 

[محمداحمد]

کیا میری طرح خانماں برباد ہو تم بھی
کیا بات ہے تم گھر کا پتہ کیوں نہیں دیتے

مقبول نقش

 

[محمد تابش صدیقی]

دل ہے عجیب چیز نزاکت کے باوجود
رقصاں ہے خنجروں کی قطاروں کے درمیاں

نعیم صدیقی

 

[یاز]

ہم وہ سیاہ بخت ہیں طارق کہ شہر میں
کھولیں دوکان کفن کی سب مرنا چھوڑ دیں
(طارق عزیز)

 

[یاز]

نہ پوچھ عالمِ برگشتہ طالعی آتش
برستی آگ، جو باراں کی آرزو کرتے
(حیدر علی آتش)

 

[سید عاطف علی]

دوست دشمن می شودصائب بوقت بیکسی
خون زخم آہواں ، رہبر شود صیاد را
۔۔صائب تبریزی
کڑا وقت پڑجائے تو دوست بھی دشمن بن جاتے ہیں ۔
زخمی ہرن کا خون بھی شکاری کی رہنمائی کرنے لگتا ہے۔