آپ کے پسندیدہ اشعار!

[گُلِ یاسمیں]

آنکھوں کو انتظار کے لمحات سونپ کر
نیندیں بھی کوئی لے گیا اپنے سفر کے ساتھ

 

[شمشاد]

ذرا ان کی شوخی تو دیکھنا لیے زلف خم شدہ ہاتھ میں
میرے پاس آئے دبے دبے مجھے سانپ کہہ کے ڈرا دیا
نواب سلطان جہاں بیگم

 

[شمشاد]

آنکھوں کو انتظار کے لمحات سونپ کر
نیندیں بھی کوئین لے گیا اپنے سفر کے ساتھ

دوسرے مصرعے میں ٹائپو لگ رہی ہے۔

 

[گُلِ یاسمیں]

دوسرے مصرعے میں ٹائپو لگ رہی ہے۔

درست کر دیا۔

 

[سیما علی]

مجذوب تو بھی غیر خدا سے لگائے دل
عشق بتاں ہے بندہ حق ناسزائے دل

 

[شمشاد]

اتنا بھی ناامید دل کم نظر نہ ہو
ممکن نہیں کہ شام الم کی سحر نہ ہو
نریش کمار شاد

 

[گُلِ یاسمیں]

وطن سے الفت ہے جرم اپنا یہ جرم تا زندگی کریں گے
ہے کس کی گردن پہ خونِ ناحق یہ فیصلہ لوگ ہی کریں گے

حبیب جالب

 

[گُلِ یاسمیں]

تقویٰ کا اس کے موسم گل نے کیا یہ رنگ
زاہد کو خانقاہ سے میخانہ لے گیا

سودا

 

[شمشاد]

لب ساغر سے سن لو زاہدو تقریر مے میخانہ
شکست توبہ ہی ہے یا نئی تعمیر مے خانہ
دتا تریہ کیفی

 

[سیما علی]

جو کوئی سن سکے امجد تو دنیا
بجز اک باز گشتِ غم نہیں ہے

(امجد اسلام امجد)

 

[سیما علی]

پیڑ کو دیمک لگ جائے یا آدم زاد کو غم
دونوں ہی کو امجد ہم نے بچتے دیکھا کم

 

[سیما علی]

ہنس پڑتا ہے بہت زیادہ غم میں بھی انسان
بہت خوشی سے بھی تو آنکھیں ہوجاتی ہیں نم

 

[سیما علی]

اپنے چہرے سے جو ظاہر ہے چھپائیں کیسے

تیری مرضی کے مطابق نظر آئیں کیسے

وسیم بریلوی

 

[گُلِ یاسمیں]

تیرے انکار نے کمال کیا
جان میں جان آگئی میری
خوب باتیں بنا رہا تھا مگر
بات اب تک نہیں بنی میری

 

[سیما علی]

اسیر کر کے ہمیں حکم دے گیا صیاد
قفس ہو تنگ تو ان کے نہ بال و پر رکھنا
۔
مہتاب علی بیگ منشیؔ

 

[سیما علی]

اُنگلیاں اٹھے لگیں دستِ حنائی پہ ترے
رنگ لائے گا ابھی خونِ شہیداں کیا کیا
۔
جعفر علی خاں اثرؔ

 

[سیما علی]

اے دل تمام نفع ہے سودائے عشق میں
اک جان کا زیاں ہے سو ایسا زیاں نہیں
۔
آزردہؔ

 

[سیما علی]

پاسِ دین کفر میں رہا ملحوظ
بت کو پوجا خدا خدا کر کے
۔سید محمد رند لکھنوی۔

 

[سیما علی]

جانا ہے سوئے وادیِ غربت بہ حالِ زار
اہلِ وطن معاف ہو میرا کہا سنا
۔
نواب علیخاں سحرؔ

 

[سیما علی]

چمن سے دور رہا اس قدر قفس میرا
کہ پہنچی اُڑ کے نہ مجھ تک گلِ چمن کی بُو
۔
ظفر۔