آپ کے پسندیدہ اشعار!

[طارق شاہ]

کروں گا کیا جو محبّت میں ہوگیا ناکام
مجھے تو اور کوئی کام بھی نہیں آتا

غلام محمد قاصر

 

[صائمہ شاہ]

میں تو جلتے ہوئے صحراوں کا اک پتھر تھا
تم تو دریا تھے مری پیاس بجھاتے جاتے

راحت اندوری

 

[صائمہ شاہ]

جنوں کیسا کہاں کا عشق صاحب
میں اپنے آپ ہی میں مبتلا ہوں

رسا چغتائی

 

[صائمہ شاہ]

مرا نہ ہونے سے کیا فرق اس کو پڑنا ہے
پتہ چلے جو کسی کم نظر کا ہو جائے

وسیم بریلوی

 

[کاشفی]

جو رحمتِ عالم کو نبوت نہیں ملتی
محشر میں کسی کو بھی شفاعت نہیں ملتی

اللہ کے محبوب سبب بن گئے ورنہ
انسان کو معراج کی عظمت نہیں ملتی

اک سرورِ عالم کے سوا عالمِ کُن میں
بے داغ مکمل کوئی سیرت نہیں ملتی

دشمن کے ستانے پر بھی دیتے ہیں دعائیں
دنیا میں محمد سی شرافت نہیں ملتی

تشبیہء محمد کوئی لائے گا کہاں سے
یعنی کسی صورت سے یہ صورت نہیں ملتی

سرکار کی سجدے میں گزر جاتی تھیں راتیں
اُمت کو مگر سجدے کی فرصت نہیں ملتی

کر شکرِ خدا اُمتِ احمد میں جگہ دی
ورنہ تجھے منظر یہ سعادت نہیں ملتی
(منظر بھوپالی)

 

[محمد عادل عزیز]

پتھر لیے ہر موڑ پہ کچھ لوگ کھڑے ہیں
اس شہر میں کتنے ہیں مرے چاہنے والے

اصغر گورکھپوری

 

[طارق شاہ]

حصارِ ہوش میں خوابوں کے در رکھّے گئے ہیں
کوئی رستہ نہیں ہے، اور سفر رکھّے گئے ہیں

سرمد صہبائی

 

[طارق شاہ]

یہ کیسا کھیل ہے، دُشوار جینے کے جتن ہیں
مگر مرنے کے گُر آسان تر رکھے گئے ہیں

سرمد صہبائی

 

[طارق شاہ]

کِس میں ہمّت ہے، کہ جھانکے پسِ اوراق و سطُور
پڑھنے والا بھی مِرا، مجھ کو پڑھے گا کتنا

فضا ابنِ فیضی

 

[سید فصیح احمد]

تم اُن کے وعدے کا ذکر اُن سے کیوں کرو غالبؔ
یہ کیا؟ کہ تم کہو، اور وہ کہیں کہ "یاد نہیں”

 

[سید فصیح احمد]

اُس نے آہستہ سے جب پُکارا مجھے
جھُک کے تکنے لگا ہر ستارا مجھے

عکسِ امروز میں نقشِ دیروز میں
اک اشارا تجھے اک اشارا مجھے

ہیں ازل تا ابد ٹوٹتے آئینے
آگہی نے کہاں لا کے مارا مجھے

امجد اسلام امجد

 

[سید فصیح احمد]

قمر ذرا بھی نہیں تم کو خوفِ رُسوائی
چلے ہو چاندنی شب میں اُنہیں بُلانے کو ۔

استاد قمر جلالوی

 

[ملائکہ]

آج بے سبب اداس ہے جی
عشق ہوتا تو کوئی بات بھی تھی

ناصر کاظمی

 

[سید عاطف علی]

تجھ پاس ہے جو چیز ، وہ گل پاس نہیں ہے
وہ رنگ نہیں اس میں وہ بو باس نہیں ہے
دکن کے ولی کو میرا خراج تحسین۔

 

[کاشفی]

کاش اب تو اُس خدا سے کوئی ملوادے مجھے
جس کے پیروکار اُس کے ماننے والے بھی ہوں
(انیس فاروقی )

 

[طارق شاہ]

وہ جس کے سامنے میری زباں نہیں کُھلتی
اُسی کے ساتھ تو ہوتی ہے گفتگو مجھ میں

انور شعور

 

[طارق شاہ]

میں زندگی ہوں مجھے اس قدر نہ چاہ شعور
مسافرانہ اقامت گزیں ہے تُو مجھ میں

انور شعور

 

[سید فصیح احمد]

ہمارے ذہن میں اس فکر کا ہے نام وصال
کہ گر نہ ہو تو کہاں جائیں؟ ہو تو کیوں کر ہو
غالب

 

[صائمہ شاہ]

بھلا ہوا کہ کوئی اور مل گیا تم سا
وگرنہ ہم بھی کسی دن تمہیں بھلا دیتے

خلیل الرحمٰن اعظمی

 

[صائمہ شاہ]

مٹتی نہیں کہیں سے بھی قربت کی دوریاں
گر کھو گیا ہو تُو ، تو تجھے ڈھونڈ لائیں ہم

شہزاد احمد