آپ کے پسندیدہ اشعار!

[طارق شاہ]

زخمِ دل پُربہار دیکھا ہے
کیا عجب لالہ زار دیکھا ہے

جن کے دامن میں‌ کچھ نہیں ہوتا !
اُن کے سینوں میں پیار دیکھا ہے

خاک اُڑتی ہے تیری گلیوں میں‌
زندگی کا وقار دیکھا ہے

تشنگی ہے صدف کے ہونٹوں پر
گُل کا سینہ فِگار دیکھا ہے

ساقیا! اہتمامِ بادہ کر
وقت کو سوگوار دیکھا ہے

جذبۂ غم کی ، خیر ہو ساغر !
حسرتوں پر نِکھار دیکھا ہے

ساغر صدیقی

 

[طارق شاہ]

مِلے گی شیخ کو جنّت، ہمیں دوزخ عطا ہوگا !
بس اِتنی بات تھی، جسکے لئے محشر بپا ہوگا

جگرمُراد آبادی

 

[طارق شاہ]

ہو جاویں گے پامال، گُزر جاویں گے جی سے
پر، سر تِرے قدموں سے اُٹھانے کے نہیں ہم

غلام ہمدانی مصحفی

 

[طارق شاہ]

جب دُعائیں بھی کچھ اثر نہ کریں
کیا کریں، صبر ہم اگر نہ کریں

اُن کو احساسِ دردِ دل کیسا
مر بھی جاؤں تو آنکھ تر نہ کریں

جوش ملسیانی

 

[طارق شاہ]

خاک ہی میں، مِلائے رکھتے ہو
ہو کوئی تم سے آشنا کیا خاک

میر تقی میر

 

[سید فصیح احمد]

ہر بزم میں‌ موضوعِ سخن دل زدگاں کا
اب کون ہے شیریں ہے کہ لیلٰی ہے کہ تم ہو

فراز

 

[طارق شاہ]

اپنی اپنی وسعتِ فکر و یقیں کی بات ہے
جس نے جوعالم بنا ڈالا، وہ اُس کا ہو گیا

جگرمُراد آبادی

 

[طارق شاہ]

صدقے تِرے ہونٹوں کے، رنگینی و رعنائی !
اِک موج تبسم میں ، کُل رازِ گُلِستاں ہے

جگرمُراد آبادی

 

[طارق شاہ]

اے حُسنِ روز افزوں، عمرت دراز باد !
دونوں جہاں سے مجھ کو بیگانہ کردیا ہے

جگرمُراد آبادی

 

[طارق شاہ]

مجھ ہی سے پوچھتے ہیں، یہ شوخیاں تو دیکھو !
میرے جگر کو کِس نے دیوانہ کردیا ہے ؟

جگرمُراد آبادی

 

[طارق شاہ]

بن گیا وہ، سہہ لِیے جس نے تِرے ظلم و ستم !
مِٹ گیا وہ، جس پہ تیری مہربانی ہو گئی

شکیل بدایونی

 

[طارق شاہ]

بیت گیا ہنگامِ قیامت ، زورِ قیامت آ ج بھی ہے
ترکِ تعلّق کام نہ آیا، اُن سے محبّت آج بھی ہے

شکیل بدایونی

 

[طارق شاہ]

سخت سہی ہستی کے مراحل، عشق میں راحت آج بھی ہے
اے غمِ جاناں! ہو نہ گریزاں ، تیری ضرورت آج بھی ہے

شکیل بدایونی

 

[طارق شاہ]

کیا تھی خبرکہ کھائیں گے جنت کو چھوڑ کر
اِس دہرِ پُر فریب میں، کیا کیا نہ دھوکے ہم

شفیق خلش

 

[طارق شاہ]

کہتے ہُوئے ساقی سے، حیا آتی ہے ورنہ
ہے یوں کہ مجھے ُدردِ تہِ جام بہت ہے

ہوگا کوئی ایسا بھی، کہ غالب کو نہ جانے !
شاعر تو وہ اچھا ہے پہ بدنام بہت ہے

مرزا اسداللہ خاں غالب

 

[طارق شاہ]

ہم جورِ چشمِ یار سے دَم مارتے نہیں
یعنی روا ہے کب، دلِ بیمار توڑیے

امام بخش ناسخ

 

[طارق شاہ]

دَم توڑنا ہے فرقتِ جاناں میں اپنا کام
کچھ کوہکن نہیں ہیں جو کہسار توڑیے

امام بخش ناسخ

 

[طارق شاہ]

ناسخ کی غزل سُن کے کہا کرتے ہیں شاباش !
آتی ہے مجھے حافظِ شیراز کی آواز

امام بخش ناسخ

 

[طارق شاہ]

جب کوئی غم نہیں‌ ہوتا، ناصر !
بے کلی دل کی، سوا ہوتی ہے

ناصر کاظمی

 

[طارق شاہ]

ہم نے دیکھے ہیں وہ سناٹے بھی
جب ہر اک سانس صدا ہوتی ہے

ناصر کاظمی