آپ کے پسندیدہ اشعار!

[طارق شاہ]

اب مُلاقات میں وہ گرمئی جذبات کہاں
اب تو رکھنے وہ محبّت کا بھرم آتے ہیں

ساغرصددیقی

 

[طارق شاہ]

میں بھی جنّت سے نکالا ہُوا اک بُت ہی تو ہُوں
ذوقِ تخلیق تجھے کیسے ستم آتے ہیں

ساغرصددیقی

 

[طارق شاہ]

سکوتِ شام مِٹاؤ بہت اندھیرا ہے
سخن کی شمْع جلاؤ بہت اندھیرا ہے

دیارِ غم میں دلِ بے قرار چُھوٹ گیا
سنبھل کے ڈھونڈنے جاؤ بہت اندھیرا ہے

فراق گورکھپوری

 

[طارق شاہ]

گزشتہ عہْد کی یادوں کو پھر، کرو تازہ
بُجھے چراغ جلاؤ بہت اندھیرا ہے

فراق گورکھپوری

 

[طارق شاہ]

وہ رہنے دے یا رب درِ توبہ، کہ ابھی تو
حسرت ہی کہاں تیرے گنہگار کی نکلی

احمد فراز

 

[طارق شاہ]

تجھ ایسے مسیحا کے تغافل کا گِلہ کیا
ہم جیسوں کی پُرسش کو قضا تک نہیں آئی

دعوائے وفا پر بھی طلب دادِ وفا کی
اے کشتۂ غم تجھ کو حیا تک نہیں آئی

احمد فراز

 

[فرقان احمد]

کیا کُن میں منڈان سارا جہاں
ہوا جلوہ گر تج سُوں سارا جہاں
فلک کوں ملک سوں سنواریا تمام
زمیں کوں دیا انس سوں زیب عام

غوثی ارکاٹی

 

[فرقان احمد]

نہاں میں جو اتھا (تھا) سو رب ۔۔۔۔۔۔۔ عیاں میں ہے ابد ہو اب
عیاں پنہاں کوں سمجا (سمجھا) جب، تو بس ہے جی پھرانا (دہرانا) کیا
عیاں کے تئیں بیاں کیا ہے، بیاں کے تئیں نہاں کیا ہے
نہاں کے تئیں زباں کیا ہے ۔۔۔۔۔ زباں ہے تو ہلانا کیا
عشق اول، عشق آخر، عشق ظاہر، عشق باطن
عشق یا ہو، یا من ہو ہے۔۔۔ لاشک آزمانا کیا
جو دوئی کا چھوڑ دے پیشہ محیطی لے رہے گوشہ
چکھے او محویت توشہ ۔۔۔۔۔۔ طلب باقی لجانا کیا

شغلی بیجا پوری

 

[طارق شاہ]

اب ہوچکی ہے جرم سے زائد سزائے دل
جانے دو، بس معاف بھی کردو خطائے دل

ہر ہر ادا بُتوں کی ہے قاتل برائے دل
آخر کوئی، بچائے تو کیونکر بچائے دل

خواجہ عزیزالحسن مجذوب

 

[طارق شاہ]

ہوئی ہے جوشِ گل سے جوشِ وحشت اِس قدر پیدا
کہ ہر موجِ ہوا پہنے ہوئے زنجیر پھرتی ہے

بہادر شاہ ظفر

 

[طارق شاہ]

مت پُوچھ کہ ہم ضبط کی کِس راہ سے گُزرے
یہ دیکھ کہ تُجھ پر کوئی اِلزام نہ آیا

مصطفیٰ زیدی

 

[طارق شاہ]

وہ محل کی چھت پہ جو چاند ہے، خُدا جانے کاہے کو مانْد ہے
یہ طِلسْم ہے کسی حُسن کا، یا مِری نظر ہے تھکی ہوئی

بیکل اتساہی

 

[طارق شاہ]

کس صنم کی بندگی میں بُت پرستی چھوڑ دی​

ہو گئی مومِن کی سی کیوں دین داری آپ کی​

​

مومن خاں مومن ​

 

[طارق شاہ]

نہ ہُوا، پر نہ ہُوا میر کا انداز نصیب !
ذوق یاروں نے بہت زور غزل میں مارا

شیخ محمد ابراھیم ذوق

 

[طارق شاہ]

ہم کب کے چل بسے تھے پر اے مژدۂ وصال​

کچھ آج ہوتے ہوتے سرانجام رہ گیا​

خواجہ میر درد​

 

[طارق شاہ]

رعنائیِ خیال کو ٹھہرا دیا گناہ!​

زاہد بھی کس قدر ہے مذاقِ سُخن سے دُور​

​

حسرت موہانی​

 

[طارق شاہ]

کیسا ہَوائے حِرص میں برباد ہے بشر​

سمجھا ہے زندگی کو یہ مُشتِ غُبار کیا​

۔۔۔۔۔۔۔۔​

انساں کے بُغض وجہل سے دُنیا تباہ ہے​

طُوفاں اُٹھا رہا ہے یہ مُشت غُبار کیا​

​

چکبست​

 

[طارق شاہ]

اب کے تو شام غم کی سیاہی کچھ اور ہے
منظور ہے تجھے مرے پروردگار کیا

دُنیا سے لے چلا ہے جو تُو حسرَتوں کا بوجھ
کافی نہیں ہے سر پہ گُناہوں کا بار کیا


چکبست

 

[طارق شاہ]

پاسِ دل، پاسِ وفا، جذبۂ ایماں ہونا
آدمیّت ہے یہی اور یہی انساں ہونا

زندگی کیا ہے، عناصر میں ظہورِ ترتیب
موت کیا ہے، اِنھی اجزا کا پریشاں ہونا

چکبست

 

[طارق شاہ]

روئیں نہ ابھی اہلِ نظر حال پہ میرے
ہونا ہے ابھی مجھ کو خراب اور زیادہ

آوارہ ومجنُوں ہی پہ موقوف نہیں کچھ
مِلنے ہیں ابھی مجھ کو خطاب اور زیادہ

اسرارالحق مجاز