آپ کے پسندیدہ اشعار!

[حسرت جاوید]

کچھ نقش تری یاد کے باقی ہیں ابھی تک
دل بے سر و ساماں سہی ویراں تو نہیں ہے

عظیم مرتضی

 

[سیما علی]

طوِیل ہجر کا یہ جبر ہے، کہ سوچتا ہُوں !
جو دِل میں بستا ہے، اب ہاتھ بھی لگاؤں اُسے
اُسے بُلا کے مِلا عُمر بھر کا سنّاٹا
مگر یہ شوق، کہ اِک بار پھر بلاؤں اُسے

.
احمد ندیم قاسمی

 

[سیما علی]

طواف منزل جاناں ہميں بھي کرنا ہے
فراز تم بھي اگر تھوڑي دور ساتھ چلو

.
۔ احمد فراز

 

[سیما علی]

طبع ہے مشتاقِ لذت ہائے حسرت کیا کروں! ۔
آرزو سے ، ہے شکستِ آرزو مطلب مجھے
غالب

 

[گُلِ یاسمیں]

اور دنیا سے بھلائی کا صلہ کیا ملتا
آئنہ میں نے دکھایا تھا کہ پتھر بر سے

شکیب جلالی

 

[گُلِ یاسمیں]

یا رب، زمانہ مجھ کو مٹاتا ہے کس لیے؟
لوحِ جہاں پہ حرفِ مکرّر نہیں ہُوں میں

مرزا غالب

 

[گُلِ یاسمیں]

رنگ ہمارا جیسا اب ہے کاہے کو آگے ایسا تھا
پاؤں میں مہندی اپنے لگا کر آفت لائے سر پر تم

میر تقی میر

 

[حسرت جاوید]

یہ مجھے چین کیوں نہیں پڑتا
ایک ہی شخص تھا جہان میں کیا

جون ایلیا

 

[گُلِ یاسمیں]

ہر اِک تصوِیر کو کھڑکی سے باہر کیسے پھینکو گے
نگاہوں سے جو چپکے ہیں وہ منظر کیسے پھینکو گے
جھٹک کر پھینک دو گے چند اَن چاہے خیالوں کو
مگر کاندھوں پہ یہ رکھا ہوا سَر کیسے پھینکو گے

عرفان صدیقی

 

[گُلِ یاسمیں]

خیالوں کو بیاں کے دائروں میں لاؤ گے کیوں کر
کمندیں بھاگتی پرچھائیوں پر کیسے پھینکو گے

عرفان صدیقی

 

[گُلِ یاسمیں]

سفر میں دھوپ تو ہوگی جو چل سکو تو چلو
سبھی ہیں بھیڑ میں تم بھی نکل سکو تو چلو

کسی کے واسطے راہیں کہاں بدلتی ہیں
تم اپنے آپ کو خود ہی بدل سکو تو چلو

 

[گُلِ یاسمیں]

سمجھا لیا فریب سے مجھ کو تو آپ نے
دل سے تو پوچھ لیجیے کیوں بے قرار ہے

 

[گُلِ یاسمیں]

اک چبھن ہے کہ جو بے چین کیے رہتی ہے
ایسا لگتا ہے کہ کچھ ٹوٹ گیا ہے مجھ میں

عرفان ستار

 

[حسرت جاوید]

انجان اگر ہو تو گزر کیوں نہیں جاتے
پہچان رہے ہو تو ٹھہر کیوں نہیں جاتے

عیش برنی

 

[یاسر شاہ]

پہنے ہوئے پھرتے ہیں جو انگریز کی اترن
بولیں بھی تو کس منھ سے کہ انگریز ہے دشمن

شاہ

 

[یاسر شاہ]

لپکا ہے واعظ کو دنیا میری سنے اور سر بھی دھنے
بات جو اپنی آپ نہ مانے اس کی باتیں کون سنے

 

[لاريب اخلاص]

خوب رو خوب کام کرتے ہیں
یک نگہ میں غلام کرتے ہیں
ولی محمد ولی

 

[لاريب اخلاص]

یہ شاعر ہیں الہی! یا مصور پیشہ ہیں کوئی
نئے نقشے، نرالی صورتیں ایجاد کرتے ہیں
خواجہ حیدر علی آتش

 

[لاريب اخلاص]

تصویر جب نئی ہے نیا کینوس بھی ہے
پھر طشتری میں رنگ پرانے نہ گھولیے
پروین شاکر

 

[گُلِ یاسمیں]

سدا رختِ سفر کی ہے گراں باری پہاڑوں پر
گلے میں طوق غم کے پاؤں میں چکر محبت کے
ابھی کچھ دیر دیکھوں گا ابھی کچھ دیر سوچوں گا
مسائل ہیں کئی مجھ کو ، کئی ہیں ڈر محبت کے