آپ کے پسندیدہ اشعار!

[لاريب اخلاص]

میں نے کل شب چاہتوں کی سب کتابیں پھاڑ دیں
صرف اک کاغذ پہ لکھا لفظ ماں رہنے دیا
منور رانا

 

[لاريب اخلاص]

چلتی پھرتی ہوئی آنکھوں سے اذاں دیکھی ہے
میں نے جنت تو نہیں دیکھی ہے ماں دیکھی ہے
منور رانا

 

[عطاء اللہ جیلانی]

ابھی زندہ ہے ماں میری مجھے کچھ بھی نہیں ہوگا
میں گھر سے جب نکلتا ہوں دعا بھی ساتھ چلتی ہے


منور رانا

 

[سیما علی]

عمرِ عزیز بھول بھلیاں میں کٹ گئی
جو بھی ملا وہ ایک پہیلی سنا گیا

مشتاق عاجز

 

[سیما علی]

اپنی رسوائی ترے نام کا چرچا دیکھوں
اک ذرا شعر کہوں اور میں کیا کیا دیکھوں

پروین شاکر

 

[سیما علی]

اے دوست ہم نے ترک محبت کے باوجود
محسوس کی ہے تیری ضرورت کبھی کبھی

ناصر کاظمی

 

[سیما علی]

کب تک، یقینِ عِشق ہَمَیں خود نہ آئے گا
کب تک، مکاں کا حال کہیں گے مکِیں سے ہم
صباؔ اکبر آبادی

 

[سیما علی]

آئینہ خود بھی سنورتا تھا ہماری خاطر
ہم ترے واسطے تیار ہوا کرتے تھے
سلیم کوثر

 

[لاريب اخلاص]

عجیب طرفہ تماشا ہے میرے عہد کے لوگ
سوال کرنے سے پہلے جواب مانگتے ہیں
عباس رضوی

 

[لاريب اخلاص]

خدا کی اس کے گلے میں عجیب قدرت ہے
وہ بولتا ہے تو اک روشنی سی ہوتی ہے
بشیر بدر

 

[لاريب اخلاص]

موت خاموشی ہے چپ رہنے سے چپ لگ جائے گی
زندگی آواز ہے باتیں کرو باتیں کرو
احمد مشتاق

 

[لاريب اخلاص]

رات اک اجڑے مکاں پر جا کے جب آواز دی
گونج اٹھے بام و در میری صدا کے سامنے
منیر نیازی

 

[سیما علی]

‏‎
جس کی خواہش ہے کہ صحرا میں سمندر دیکھے
اک نظر آ کے وہ میری آنکھ کے اندر دیکھے

 

[سید عاطف علی]

ہائے ری حسرتِ دیدار ، مری ہائے کو بھی
ہائے دو چشمی سے لکھتے ہیں کتابت والے

 

[شمشاد]

ایک ستم اور لاکھ ادائیں اف ری جوانی ہائے زمانے
ترچھی نگاہیں تنگ قبائیں اف ری جوانی ہائے زمانے
(شاد عظیم آبادی)

 

[سیما علی]

محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
مرزا غالب

 

[سیما علی]

کبھی کسی کو مکمل جہاں نہیں ملتا
کہیں زمین کہیں آسماں نہیں ملتا

ندا فاضلی

 

[سیما علی]

پتا پتا بوٹا بوٹا حال ہمارا جانے ہے۔۔۔۔۔۔۔۔۔۔۔۔
جانے نہ جانے گل ہی نہ جانے باغ تو سارا جانے ہے

میر تقی میر

 

[سیما علی]

کوئی ہاتھ بھی نہ ملائے گا جو گلے ملو گے تپاک سے
یہ نئے مزاج کا شہر ہے ذرا فاصلے سے ملا کرو

بشیر بدر

 

[شمشاد]

دیکھیں قریب سے بھی تو اچھا دکھائی دے
اک آدمی تو شہر میں ایسا دکھائی دے
(ظفر گورکھپوری)