آپ کے پسندیدہ اشعار!

[سیما علی]

فرشتے سے بڑھ کر ہے انسان بننا
مگر اِس میں لگتی ہے محنت زیادہ

الطاف حسین حالی

 

[شمشاد]

ہم کو اس کی کیا خبر گلشن کا گلشن جل گیا
ہم تو اپنا صرف اپنا آشیاں دیکھا کیے
حسن نجمی سکندرپوری

 

[عبدالحسیب محسن]

سرکتی جائے ہے نقاب آہستہ آہستہ
نکلتا آرہا ہے آفتاب آہستہ آہستہ

وہ بے دردی سے سر کاٹیں امیر، اور میں کہوں ان سے
حضور آہستہ آہستہ، جناب آہستہ آہستہ

امیر مینائی

 

[سیما علی]

اس طرح پہروں تجھے سوچتا رہتا ہوں میں
میری ہر سانس ترے نام لکھی ہو جیسے

جاوید اختر

 

[سیما علی]

انشاء جی کیا عذر ہے تم کو ، نقدِ دل و جاں نذر کروں
روپ نگر کے ناکے پر یہ لگتا ہے محصول میاں

ابن انشاء

 

[سیما علی]

کتنے سادہ مزاج ہو تم عدم
اس گلی میں بہت نہ جایا کرو

عبدالحمید عدم

 

[سیما علی]

نصیر ! اشک تو پلکوں پہ سب نے دیکھ لیے
گزر رہی ہے جو دل پر ، وہ کوئی کیا جانے

نصیر الدین نصیر

 

[سیما علی]

کیا پری خوں ہے جو راتوں کو جگاوے ہے میر
شام سے دل، جگر و جان جلاتا ہے میاں
میر تقی میر

 

[شمشاد]

سرکتی جائے ہے نقاب آہستہ آہستہ
نکلتا آرہا ہے آفتاب آہستہ آہستہ

وہ بے دردی سے سر کاٹیں امیر، اور میں کہوں ان سے
حضور آہستہ آہستہ، جناب آہستہ آہستہ

امیر مینائی

عبد الحسیب محسن صاحب اردو محفل میں خوش آمدید۔

اپنا تعارف تو دیں۔

 

[شمشاد]

ہوا ہے جو سدا اس کو نصیبوں کا لکھا سمجھا
عدیمؔ اپنے کیے پر مجھ کو پچھتانا نہیں آتا
(عدیم ہاشمی)

 

[لاريب اخلاص]

کہیں شبنم کہیں خوشبو کہیں تازہ کلی رکھنا
پرانی ڈائری میں قید کر کے زندگی رکھنا

انتظار غازی پوری

 

[لاريب اخلاص]

ہاتھ میں ہے اک پرانی ڈائری
کھولنے بیٹھا ہوں گرہیں یاد کی

حفیظ جوہر

 

[شمشاد]

انداز اپنا دیکھتے ہیں آئنے میں وہ
اور یہ بھی دیکھتے ہیں کوئی دیکھتا نہ ہو
نظام رامپوری

 

[سیما علی]

آپ کے سر کی قسم داغ کو پروا بھی نہیں
آپ کے ملنے کا ہوگا جسے ارمان ہوگا

نواب مرزا داغ دہلوی

 

[سیما علی]

لائی حیات آئے ، قضا لے چلی چلے
اپنی خوشی نہ آئے نہ اپنی خوشی چلے۔

ابراھیم ذوق

 

[سیما علی]

جاتے ہوائے شوق میں ہیں اس چمن سے ذوق
اپنی بلا سے بادِ صبا اب کبھی چلے


استاد ابراھیم ذوق

 

[سیما علی]

مزا غم کے کھانے کا جس کو پڑا
وہ اشکوں سے ہاتھ اپنا دھویا کیا

آتش

 

[سیما علی]

تم کو آشفتہ مزاجوں کی خبر سے کیا کام
تم سنوارا کرو بیٹھے ہوئے گیسو اپنے


نواب مرزا داغ دہلوی

 

[سیما علی]

ہوش و حواس ، تاب و تواں داغ جاچکے
اب ہم بھی جانے والے ہیں سامان تو گیا


نواب مرزا داغ دہلوی

 

[سیما علی]

بھنویں تنتی ہیں خنجر ہاتھ میںہے تن کے بیٹھے ہیں
کسی سے آج بگڑی ہے جو وہ یوں بن ٹھن کے بیٹھے ہیں


نواب مرزا داغ دہلوی