آپ کے پسندیدہ اشعار!

[زیرک]

گَرد چہرے پہ مسافت کی بھی ہو سکتی ہے
اب میں ہر کھیل میں ہارا تو نہیں ہو سکتا
زین شکیل

 

[زیرک]

بدن کی دُھول مٹی صاف کر لو
ہوا لکھتی تو ہے پڑھتی نہیں ہے
تسنیم انصاری

 

[زیرک]

جلتے ہیں کس عذاب میں وارث بہشت کے
تھوڑا سا آسمان کا کونہ اٹھا کے دیکھ
سید مبارک شاہ

 

[زیرک]

پرانا زہر نئے نام سے ملا ہے مجھے
وہ آستین نہیں، کینچلی بدل رہا تھا
انجم سلیمی

 

[زیرک]

اسی کی کوکھ سے مجرم نکل کر آتے ہیں
شمار کیجئے غربت کو بھی گناہوں میں

 

[زیرک]

رقیبوں کے لیے اچھا ٹھکانا ہو گیا پیدا
خدا آباد رکھے میں تو کہتا ہوں جہنم کو
بیخود دہلوی

 

[محمد عدنان اکبری نقیبی]

یہ محبت بھی ولایت کی طرح رکھتی ہے
حالت حال میں یہ حالت حیرانی میں

عباس تابش

 

[زیرک]

یہ اور بات کہ، منزل پہ ہم پہنچ نہ سکے
مگر یہ کم ہے کہ راہوں کو چھان بیٹھے ہیں
ساغر صدیقی

 

[رباب واسطی]

حوصلے کو بڑھا لیا۔۔ آخر
درد پر اختیار تھا ہی نہیں

 

[زیرک]

ہنسی خوشی سے بچھڑ جا اگر بچھڑنا ہے
یہ ہر مقام پہ کیا سوچتا ہے آخر تُو
احمد فراز

 

[زیرک]

تشنگی میں لب بھگو لینا بھی کافی ہے فراز
جام میں صہبا ہے یا زہراب مت دیکھا کرو

 

[زیرک]

کوئی ایسی رات نصیب کر میری رات کو
جو سُلائے تیرے ہی ذکر میں تیرا خواب دے
فرحت عباس شاہ

 

[زیرک]

کتنے ہیں خوش نصیب تجھے مانتے ہیں رب
کتنے ہیں بد نصیب، تری مانتے نہیں
اتباف ابرک

 

[زیرک]

خود کو ہے اگر بدلا وقت کے مطابق تو
وقت کو بدلنے کے حوصلے بھی رکھتا ہوں
اتباف ابرک

 

[رباب واسطی]

قابلِ دید ہیں یہ آنکھیں، کہ ان آنکھوں سے
خود ہی پامال ہوئے، خود ہی تماشہ دیکھا

 

[رباب واسطی]

عزیز اِتنا ہی رکھو کہ جی سنبھل جائے
اب اِسقدر بھی نہ چاہو کہ دَم نِکل جائے

 

[رباب واسطی]

ہم نے جو پھول چنُے کام نہ آئے اپنے
تیری دہلیز پہ دھر جاتے تو اچھا ہوتا

 

[محمد عدنان اکبری نقیبی]

جھک کر سلام کرنے میں کیا حرج ہے مگر
سر اتنا مت جھکاؤ کہ دستار گر پڑے

اقبال عظیم

 

[رباب واسطی]

تیرے ماضی کے ساتھ دفن کہیں
میرا اک واقعہ نہیں ،،، میں ہوں

 

[رباب واسطی]

جو داستاں نہ بنے دردِ بیکراں ہے وہی
جو آنکھ ہی میں رہے وہ نمی سمندر ہے