آپ کے پسندیدہ اشعار!

[حمیرا عدنان]

محبت میں اک ایسا وقت بھی آتا ہے انساں پر
ستاروں کی چمک سے چوٹ لگتی ہے رگ جاں پر

سیماب اکبر آبادی

 

[حذیفہ انصاری]

میں پربتوں سے لڑتا رہا اور چند لوگ
گیلی زمین کهود کے فرہاد ہو گئے

راحت اندوری

 

[فہد اشرف]

واعظ زبون مت کہہ میخانے کو کہ اس جا
پیراہن نکو یاں رہن شراب دیکھا
میر تقی میر

 

[جاسمن]

مرے ہر عمل کو سراہ کر یہ اذیتیں نہ دیا کرو
مری جان تم بھی عجیب ہو تمہیں روٹھنا بھی تو چاہئے
(آغا سروش)

شاعر حضرات بھی کیا کیا سوچتے ہیں!!

 

[محمد وارث]

گزر رہی ہے حسیں وادیوں سے ریل، صبا
ستم ہے یہ کوئی کھڑکی کھلی نہیں ملتی
سبط علی صبا

 

[محمد عدنان اکبری نقیبی]

خواب کی طرح بکھر جانے کو جی چاہتا ہے
ایسی تنہائی کہ مر جانے کو جی چاہتا ہے

افتخار عارف

 

[محمد عدنان اکبری نقیبی]

یہ چاند یہ ہوا یہ فضا سب ہیں ماند ماند
جب تُو نہیں تو ان میں کوئی دلکشی نہیں

بہزادؔ لکھنوی

 

[فرقان احمد]

بڑا عجیب یہ آوارگی کا رشتہ ہے!
غبارِ راہ سہی، ہم سفر ہے، کیا کیجیے

(غلام ربانی تاباں)

 

[فرقان احمد]

گلوں کو بھیجتے کس طرح نامہء تعظیم !
بجُز ہوائے خزاں کوئی نامہ بر بھی نہ تھا

محشر بدایونی

 

[محمد وارث]

سوال گونجتے رہتے ہیں حرفِ نو کی طرح
جو چپ ہے وہ تو مجھے لاجواب کس نے کیا
اختر ہوشیارپوری

 

[فرقان احمد]

میں جو چپ تھا ، ہمہ تن گوش تھی بستی ساری
اب مرے منہ میں زباں ہے کوئی سنتا ہی نہیں

دیکھنے والے تو اس شہر میں یوں بھی کم تھے
اب سماعت بھی گراں ہے کوئی سنتا ہی نہیں!


عباس رضوی

 

[محمد عدنان اکبری نقیبی]

کون ہوتا ہے کڑی بات کا سہنے والا
گالیاں تم کو سکھادیں یہ دعا دو مجھ کو

داغؔ دہلوی

 

[محمد وارث]

اس کے پابوس کی توقّع پر
اپنے تئیں خاک میں ملائیے گا
میر

 

[محمد عدنان اکبری نقیبی]

صرف خوشبو کی کمی تھی غور کے قابل قتیلؔ
ورنہ گلشن میں کوئی بھی پھول مرجھایا نہ تھا

قتیل شفائی

 

[سین خے]

شہرت کی بلندی بھی پل بھر کا تماشا ہے
جس ڈال پہ بیٹھے ہو وہ ٹوٹ بھی سکتی ہے

بشیر بدر

 

[سین خے]

وہ جس گھمنڈ سے بچھڑا گلہ تو اس کا ہے
کہ ساری بات محبت میں رکھ رکھاؤ کی تھی

احمد فراز

 

[سین خے]

جو نہ اک بار بھی چلتے ہوئے مڑ کے دیکھیں
ایسی مغرور تمناؤں کا پیچھا نہ کرو

زبیر رضوی

 

[یاز]

بیلچے لاؤ کھولو زمیں کی تہیں
میں کہاں دفن ہوں، کچھ پتا تو چلے
کیفی اعظمی

 

[محمد وارث]

کچھ اس کے تصوّر میں وہ راحت ہے کہ برسوں
بیٹھے یونہی اس وادیٔ گُل پوش میں رہیے
شان الحق حقی

 

[اے خان]

میں نے ہر چند کہ اس کوچے میں جانا چھوڑا
پر تصور میں مرے اس نے نہ آنا چھوڑا
غمگین دہلوی