انشا اللہ خان انشا جھوٹا نکلا قرار تیرا - انشا اللہ خاں انشا

[کاشفی]

غزل​

(سید انشا اللہ خان انشا رحمتہ اللہ)​

​

جھوٹا نکلا قرار تیرا ​

اب کس کو ہے اعتبار تیرا​

​

دل میں سو لاکھ چٹکیاں لیں​

دیکھا بس ہم نے پیار تیرا​

​

دم ناک میں آرہا ہے اپنے ​

تھا رات یہ انتظار تیرا​

​

کر جبر جہاں تلک تو چاہے​

میرا کیا اختیار تیرا​

​

لپٹوں ہوں گلے سے آپ اپنے​

سمجھوں ہوں کہ ہے کنار تیرا​

​

انشا سے نہ روٹھ مت خفا ہو​

ہے بندہ جاں نثار تیرا​

 

[محمد وارث]

بہت شکریہ جناب خوبصورت غزل شیئر کرنے کیلیے۔

 

[کاشفی]

بہت شکریہ جناب محمد وارث صاحب اور فرخ منظور صاحب۔ خوش رہیں۔

 

[کاشفی]

مکمل غزل

غزل
(سید انشا اللہ خاں انشا رحمتہ اللہ علیہ)
جھوٹا نکلا قرار تیرا
اب کس کو ہے اعتبار تیرا

دل میں سَو لاکھ چٹکیاں لیں
دیکھا بس ہم نے پیار تیرا

دم ناک میں آرہا تھا اپنی
تھا رات یہ انتظار تیرا

واللہ کہ کام آرہے گا
مجھ سا یک رنگ یار تیرا

کر جبر جہاں تلک تو چاہے
میرا کیا، اختیار تیرا

لپٹوں ہوں گلے سے آپ اپنے
سمجھوں ہوں کہ ہے کنار تیرا

انشا سے نہ روٹھ، مت خفا ہو
ہے بندہء جاں نثار تیرا​

 

[کاشفی]

دو سال ایک مہینہ اور چار دن کے بعد آپ کا شکریہ طارق شاہ صاحب! خوش رہیئے۔۔۔

 

[عائشہ رانی]

جھوٹا

بہت خوب