آپ کے پسندیدہ اشعار!

[شمشاد]

دُشمنِ راحت، جوانی میں طبیعت ہو گئی
جس حَسِین سے مِل گئیں آنکھیں، محبت ہوگئی

اکبر الہ آبادی

ڈاکٹر رانا مظہر عبّاس اردو محفل میں خوش آمدید۔

اپنا تعارف تو دیں تاکہ اردو محفل کے دوسرے اراکین آپ سے متعارف ہو سکیں۔

 

[شمشاد]

آغاز محبت سے انجام محبت تک
گزرا ہے جو کچھ ہم پر تم نے بھی سنا ہوگا
دل شاہجہاں پوری

 

[شمشاد]

حرف و بیاں، نظارے، ستارے، دل و نظر
ہر شے میں انتشار ہے، منظوم کچھ نہیں
ضیاء الحسن

 

[شمشاد]

برسات کا بادل تو دیوانہ ہے کیا جانے
کس راہ سے بچنا ہے کس چھت کو بھگونا ہے
ندا فاضلی

 

[MindRoasterMirs]

قدرت سے اپنی ذات کا دیتا ہےحق ثبوت
اس بے نشاں کی چہرہ نمائی یہی تو ہے
جس بات کو کہے کہ کروں گا یہ میں ضرور
ٹلتی نہیں وہ بات خدائی یہی تو ہے

​

 

[سیما علی]

یاں آب و دانہ موسم گل میں حرام ہے
زنار واگسستہ ہے موج صبا مجھے!!!!!!!!!

مرزا اسد اللّہ خاں غالب

 

[سیما علی]

زہرہ گر ایسا ہی شام ہجر میں ہوتا ہے آب
پرتو مہتاب سیل خانماں ہو جائے گا

 

[سیما علی]

وقت پیری شباب کی باتیں
ایسی ہیں جیسے خواب کی باتیں

ابراہیم ذوق

 

[خان نویدالحق انعام الحق]

بے فائدہ ہے زیست میں احباب کا ہجوم
ہو پیکر خلوص تو کافی ہے ایک شخص

ضمیر صدف میں کرن کا مقام
انوکھے انوکھے ٹھکانے ترے!

عشق کی راہ میں یوں حد سے گزر نہ جانا
ہوں گھڑے کچے تو دریا میں اتر مت جانا
سر اٹھائے ہوئے چلنا نہ کبھی دنیا میں
کبھی مقتل میں جھکائے ہوئے سر مت جانا

عشق کی راہ میں یوں حد سے گزر مت جانا
ہوں گھڑے کچے تو دریا میں اتر مت جانا
سر اٹھائے ہوئے چلنا نہ کبھی دنیا میں
کبھی مقتل میں جھکائے ہوئے سر مت جانا

 

[خان نویدالحق انعام الحق]

بے فائدہ ہے زیست میں احباب کا ہجوم
ہو پیکر خلوص تو کافی ہے ایک شخص

لازم نہیں حیات میں احب۔۔۔۔اب کا ہجوم
‏ہو پیکرِ خلوص تو کافی ہے ایک شخص

 

[سیما علی]

غالب ہمیں نہ چھیڑ کہ پھر جوش اشک سے
بیٹھے ہیں ہم تہیۂ طوفاں کئے ہوئے!!!!!!!!

 

[سیما علی]

دل دھڑکنے کا سبب یاد آیا
وہ تری یاد تھی اب یاد آیا

ناصر کاظمی

 

[مومن فرحین]

اک مسلسل خیال کی صورت
وہ مرے ساتھ ساتھ رہتا ہے

 

[سید عاطف علی]

اب آنسو سنبھلتے نہیں ہیں سنبھالے
تمہاری امانت، تمہارے حوالے
خمار

 

[سیما علی]

اب آنسو سنبھلتے نہیں ہیں سنبھالے
تمہاری امانت، تمہارے حوالے
خمار

جو اس کے چہرے پہ رنگ حیا ٹھہر جائے
تو سانس، وقت، سمندر، ہوا ٹھہر جائے

بھیا یہ شعر کس شاعر کا ہے

 

[سیما علی]

باقی نہ رہے ساکھ، ادا دشتِ جنوں کی
دل میں اگر اندیشۂِ انجام ہی آئے

ادا جعفری

 

[سید عاطف علی]

بھیا یہ شعر کس شاعر کا ہے

فرحت عباس شاہ کا حوالہ نظر آیا ۔

 

[سیما علی]

فرحت عباس شاہ کا حوالہ نظر آیا ۔

بہت ساری دعائیں جیتے رہیے

 

[لاريب اخلاص]

ہر یاد ہر خیال ہے لفظوں کا سلسلہ
یہ محفل نوا ہے یہاں بولتے رہو
باقی صدیقی

 

[لاريب اخلاص]

بہت عمدہ انتخاب۔۔سیما اپیا اور لاریب اخلاص ۔۔۔۔ ڈھیروں داد ۔۔۔

سراپا تشکر