آپ کے پسندیدہ اشعار!

[showbee]

دنیا کے اِس شور نے امجد کیا کیا ہم سے چھین لیا
خود سے بات کئے بھی اب تو کئی زمانے ہو جاتے ہیں

 

[کاشفی]

واں تُو ہے زرد پوش یہاں میں ہوں زرد رنگ​

واں تیرے گھر بسنت ہے یاں میرے گھر بسنت​

(مومن)​

 

[کاشفی]

اُنگلیاں اٹھنے لگیں دستِ حنائی پہ ترے
رنگ لائے گا ابھی خونِ شہیداں کیا کیا
(جعفر علی خاں اثرؔ)​

 

[کاشفی]

خاروں سے پوچھیئے نہ کسی گل سے پوچھئے​

صدمہ چمن کے لٹنے کا بلبل سے پوچھئے​

(انیس)​

 

[مخلص انسان]

بے فائدہ ہے زیست میں احباب کا ہجوم
ہو پیکر خلوص تو کافی ہے ایک شخص

 

[کاشفی]

مائلؔ کوئی گناہ نہ رہ جائے دیکھنا
کام آ پڑا ہے رحمتِ پروردگار سے
(مائلؔ دہلوی)​

 

[مخلص انسان]

عشق کی راہ میں یوں حد سے گزر نہ جانا
ہوں گھڑے کچے تو دریا میں اتر مت جانا
سر اٹھائے ہوئے چلنا نہ کبھی دنیا میں
کبھی مقتل میں جھکائے ہوئے سر مت جانا

 

[مخلص انسان]

جو تجھ سے عہدِ وفا استوار رکھتے ہیں
علاجِ گردشِ لیل و نہار رکھتے ہیں

 

[showbee]

ہم اہلِ دل ہیں محبت کی نسبتوں کےامین
ہمارے پاس زمینوں کا گوشوارہ نہیں

 

[عروہ خان]

ہم سے بھاگا نہ کرو
دور غزالوں کی طرح

اسکا شاعر کون ہے

جان نثار اختر

 

[مخلص انسان]

یار آج میں نے بھی ایک کمال کرنا ہے
جسم سے نکلنا ہے ، جی بحال کرنا ہے

 

[عندلیب]

آنکھوں میں اشک اور نگاہوں میں انتظار
میرے خلوص و پیار کی جاگیر تھی یہی

 

[کاشفی]

ذرا اے کنجِ مرقد یاد رکھنا اس حمیت کو
کہ گھر ویران کر کے ہم تجھے آباد کرتے ہیں
(چکبست)

 

[کیفی]

آسماں خاک ہوئے ہیں ان میں
کیا زمینوں پر اکڑنا میری جاں
(سلیم کوثر)

 

[کیفی]

تو نے دیکھا نہیں اک شخص کے جانے سے سلیم
اس بھرے شہر کی جو شکل ہوئی ہے مجھ میں
(سلیم کوثر)

 

[کیفی]

جلتے ہوئے شہروں میں اضافہ ہی تو ہو گا
جب رسم کوئی آگ بجھانے کی نہیں ہے
(سلیم کوثر)

 

[عندلیب]

کون جائے گا وہاں تک اے دوست
میں ترے ساتھ جہاں تھا پہلے!

 

[عادل اسحاق]

اک اجڑی ہوئی حسرت ہے کہ پاگل ہو کر
بین ہر شہر میں کرتی ہوئی دیکھی گئی

 

[عادل اسحاق]

میرے ہونٹوں کو تو جنبش بھی نہ ہو گی لیکن
شدت غم سے گبھرا کے جو پکارے آنسو

 

[فرقان احمد]

ضمیر صدف میں کرن کا مقام
انوکھے انوکھے ٹھکانے ترے!