آپ کے پسندیدہ اشعار!

[طارق شاہ]

اُن سے کہیے اب اور کیا قاصد !
مر رہے ہیں جو ہیں جُدا کہیے

شفیق خلش

 

[ساقی۔]

بچا لیا تیری خوشبو کے فرق نے، ورنہ
میں تیرے "وہم" میں تجھ سے لپٹنے والی تھی

 

[طارق شاہ]

کبھی تو اقبال مند ہوگی مِری محبّت
نہیں ہے اِمکاں کوئی، مگرمانتا نہیں ہُوں

پیرزادہ قاسم

 

[طارق شاہ]

نہ پُوچھ حال مِرا، چوبِ خُشکِ صحرا ہُوں
لگا کے آگ مجھے، کارواں روانہ ہُوا

آتش

 

[طارق شاہ]

یہ مجھ دِیوانے کی زنجِیر سے آواز آتی ہے !
وہ کِیچڑ میں پھنسا ہے جو ہے آب و گِل کے زِنداں میں

آتش

 

[طارق شاہ]

محبّت میں نہیں ہے فرق جینے اور مرنے کا !
اُسی کو دیکھ کر جِیتے ہیں جس کافر پہ دَم نِکلے

مِرزا اسداللہ خاں غالب

 

[طارق شاہ]

کب سے ہُوں کیا بتاؤں جہانِ خراب میں
شبہائے ہجر کو بھی رکھوں گر حساب میں

مِرزا اسداللہ خاں غالب

 

[مخلص انسان]

نبھانے آئے تھے جو رسم دوستی ہم سے
ان ہی کہ تیر ستم کا یہ دل نشانہ ہے !!!
حبیب جالب

 

[طارق شاہ]

میں شبِ وعدہ تصوّر میں اُنھیں لے آیا
در پہ بیٹھے ہی رہے غیر نِگہباں ہو کر

قمر جلالوی

 

[طارق شاہ]

تجھے کیا ناصحا احباب خود سمجھائے جاتے ہیں
اِدھر تو کھائے جاتا ہے اُدھر وہ کھائے جاتے ہیں

قمر جلالوی

 

[طارق شاہ]

کوئی دَم اشک تھمتے ہی نہیں، ایسا بھی کیا رونا
قمر دو چار دن کی بات ہے، وہ آئے جاتے ہیں

قمر جلالوی

 

[طارق شاہ]

سب تھے محفِل میں اُن کی محوِجمال
ایک کو ایک کی خبر نہ ہُوئی

قمر جلالوی

 

[مخلص انسان]

میری عمر سے نہ سمٹ سکے میرے دل میں اتنے سوال تھے
تیرے پاس جتنے جواب تھے تیری ایک نگاہ میں آگئے ۔۔۔

 

[مخلص انسان]

آنسو بہا بہا کے بھی ہوتے نہیں ہیں کم
کتنی امیر ہوتی ہے آنکھیں غریب کی

 

[مخلص انسان]

وفا میں اب یہ ہنر اختیار کرنا ہے
وہ سچ کہے نہ کہے اعتبار کرنا ہے
محسن نقوی

 

[مخلص انسان]

دو گھڑی میسر ہو اُس کا ہمسفر ہونا
پھر ہمیں گوارا ہے ، اپنا دربدر ہونا

 

[مخلص انسان]

خود اپنی دید سے اندھی ہیں آنکھیں
خود اپنی گونج سے بہرا ہوا ہوں

 

[مخلص انسان]

مجھ کو تو ہوش نہیں تم کو خبر ہو شائد
لوگ کہتے ہیں کہ تم نے مجھے برباد کیا

 

[مخلص انسان]

بچھڑ گیا ہے تو اس کا ساتھ کیا مانگوں
ذرا سی عمر ہے غم سے نجات کیا مانگوں
وہ ساتھ ہوتا تو ہوتی ضرورت بھی بہت
اکیلی ذات کے لئے کائنات کیا مانگوں

 

[شیزان]

میں جو چپ تھا ، ہمہ تن گوش تھی بستی ساری
اب مرے منھ میں زباں ہے کوئی سنتا ہی نہیں

دیکھنے والے تو اس شہر میں یوں بھی کم تھے
اب سماعت بھی گراں ہے کوئی سنتا ہی نہیں


عباس رضوی​