آپ کے پسندیدہ اشعار!

[مخلص انسان]

تو جو بدلا ، بدل گئے ہم بھی
پیار کرتے تھے ، بندگی تو نہیں
وقت کٹ جائے گا بہر صورت
تو کوئی شرط زندگی تو نہیں

 

[کاشفی]

میں نے جب اُس سے کہا یہ ہے مہینہ جون کا
گر گیا ہاتھوں سے اس کے گرم گولہ اُون کا
(شاعر: مجھے معلوم نہیں، مقیم: کراچی)

 

[کاشفی]

میرے ساتھی کا بدن نیلا ہوا
زہر اُس کے جسم کے اندر بھی تھا
(شاعر: مجھے معلوم نہیں، مقیم: کراچی)

 

[کاشفی]

یہ کیسے دور کا سقراط بن کے جینا تھا
بجائے زہر مجھے گالیوں کو پینا تھا
(شاعر: مجھے معلوم نہیں یو نو، مقیم: کراچی)

 

[ادب دوست]

میرے ساتھی کا بدن نیلا ہوا
زہر اُس کے جسم کے اندر بھی تھا
(شاعر: مجھے معلوم نہیں، مقیم: کراچی)

کاشفی بھائی شاعر کا نام معلوم کرنے کی جو وجہ مجھے سمجھ آرہی ہے ... میں یہی کہہ سکتا ہوں کہ، چھوڑیں کاشفی بھائی کوئی بات نہیں ہو جاتا ہے آخر انسان ہے ..

 

[کاشفی]

کاشفی بھائی شاعر کا نام معلوم کرنے کی جو وجہ مجھے سمجھ آرہی ہے ... میں یہی کہہ سکتا ہوں کہ، چھوڑیں کاشفی بھائی کوئی بات نہیں ہو جاتا ہے آخر انسان ہے ..

جی آپ بھی انسان ہی ہیں شاید۔چھوڑیں یہاں آپ کی بات نہیں ہورہی۔۔۔

 

[کاشفی]

دیکھ دنیا اب ہمیں کچھ دیر تنہا چھوڑ دے
ایسے عالم میں کہ جب ہم پر اُترتی ہو کتاب
(شاعر: مجھے معلوم نہیں)

 

[مخلص انسان]

قوت عشق سے ہر پست کو بالا کردے
دہر میں اسم محمد سے اجالا کردے ۔۔۔

 

[فرقان احمد]

وہ مجھ سے ہوئے ہم کلام اللہ اللہ!
کہاں میں، کہاں یہ مقام اللہ اللہ!!!

 

[فرقان احمد]

دل تھا پہلو میں تو کہتے تھے تمنا کیا ہے​

اب وہ آنکھوں میں تلاطم ہے کہ دریا کیا ہے​

کوئی رہبر ہے نہ رستہ ہے نہ منزل توصیفؔ​

ہم کہ گرد رہ صرصر ہیں ۔۔۔ ۔ ہمارا کیا ہے​

 

[فرقان احمد]

دل عجب شہر کہ جس پر بھی کھُلا در اِس کا
وہ مُسافر اِسے ہر سمت سے برباد کرے
اپنے قاتل کی ذہانت سے پریشان ہُوں میں
روز اِک موت نئے طرز کی ایجاد کرے​

 

[کاشفی]

میں غیر ہوں تیرے واسطے اب
اب مجھ سے تپاک سے ملا کر
(اشفاق حسین)​

 

[فرقان احمد]

فراز! ترکِ تعلق تو خیر کیا ہو گا
یہی بہت ہے کہ کم کم مِلا کرو اُس سے​

 

[فرقان احمد]

میں بھی اب خود سے ہوں جواب طلب​

وہ مجھے ۔۔۔۔۔۔۔ بے سوال چھوڑ گیا!!!!​

 

[فرقان احمد]

آنکھوں میں آنسوؤں کو ابھرنے نہیں دیا
مٹی میں موتیوں کو بکھرنے نہیں دیا
جس راہ پر پڑے تھے ترے پاؤں کے نشاں
اس راہ سے کسی کو ۔۔۔۔ گزرنے نہیں دیا​

 

[فرقان احمد]

وہ چاند چہرے وہ بہکی باتیں سلگتے دن تھے مہکتی راتیں
وہ چھوٹے چھوٹے سے کاغذوں پر محبتوں کے پیام لکھنا

گلاب چہروں سے دل لگانا وہ چپکے چپکے نظر ملانا
وہ آرزوؤں کے خواب بننا وہ قصہ نا تمام لکھنا

میرے نگر کی حسین فضاؤ! کہیں جو ان کا نشان پاؤ
تو پوچھنا یہ کہاں بسے وہ کہاں ہے ان کا قیام لکھنا​

 

[کاشفی]

نئی سحر کے بہت لوگ منتظر ہیں مگر
نئی سحر بھی جو کجلا گئی تو کیا ہوگا
(احسان دانش)

 

[فرقان احمد]

اک نام کی اُڑتی خوشبو میں اک خواب سفر میں رہتا ہے​

اک بستی آنکھیں ملتی ہے اک شہر نظر میں رہتا ہے​

کیا اہلِ ہنر، کیا اہلِ شرف سب ٹکڑے ردی کاغذکے​

اس دور میں ہے وہ شخص بڑا جو روز خبر میں رہتا ہے​

 

[showbee]

 

[فرقان احمد]

آئینہ کیوں نہ دوں کہ تماشا کہیں جسے
ایسا کہاں سے لاؤں کہ تجھ سا کہیں جسے