آپ کے پسندیدہ اشعار!

[بافقیہ]

آدمی آدمی سے ملتا ہے
دل مگر کم کسی سے ملتا ہے

بھول جاتا ہوں میں ستم اس کے
وہ کچھ اس سادگی سے ملتا ہے

جگر مراد آبادی

 

[فہد اشرف]

نہ پوچھ حال اس انداز اس عتاب کے ساتھ
لبوں پہ جان بھی آ جائے گی جواب کے ساتھ
غالب

 

[فرقان احمد]

صد حیف کہ برباد ہُوئے ہم تِری خاطر
صد شُکر، کہ تُجھ پر کوئی اِلزام نہ آیا

شکیل بدایونی

 

[فہد اشرف]

مت پوچھ کہ ہم ضبط کی کس راہ سے گزرے
یہ دیکھ کہ تجھ پر کوئی الزام نہ آیا
مصطفی زیدی

 

[رباب واسطی]

اُس کا غرور __ میری لگن کے سبب نہیں
وہ خود بھی جانتا ہے کہ بہت خوبرو ہے وہ

 

[جاسمن]

لہو میں گھل گھل کے بہہ رہے تھے رگوں کے اندر
ہم اپنی مٹی میں کچھ روانی بچا رہے تھے

اسے خبر بھی نہیں ہم اس شب خاموش رہ کر
بچی ہوئی ہے جو اک کہانی بچا رہے تھے

پلومشرا

 

[جاسمن]

صد حیف کہ برباد ہُوئے ہم تِری خاطر
صد شُکر، کہ تُجھ پر کوئی اِلزام نہ آیا

شکیل بدایونی

مت پوچھ کہ ہم ضبط کی کس راہ سے گزرے
یہ دیکھ کہ تجھ پر کوئی الزام نہ آیا

مصطفی زیدی

واہ! یہ دونوں اشعار پڑھے ہوئے ہیں لیکن کبھی دونوں اشعار کے دوسرے مصرع کی مماثلت پہ غور نہیں کیا تھا۔

 

[رباب واسطی]

تالاب تو برسات میں ہو جاتے ہیں کم ظرف
باہر کبھی آپے سے —— سمندر نہیں ہوتا ​

 

[فرقان احمد]

لبِ گویا عذابِ جاں ہے فراز!
جو بھی کہنا ہو، سوچ کر کہنا

احمد فراز

 

[جان]

مے بھی ہے، مینا بھی ہے، ساغر بھی ہے، ساقی نہیں
دل میں آتا ہے لگا دیں آگ مے خانے کو ہم

کیوں نہیں لیتا ہماری تو خبر اے بے خبر
کیا ترے عاشق ہوئے تھے درد و غم کھانے کو ہم

باغ میں لگتا نہیں، صحرا سے گھبراتا ہے دل
اب کہاں لے جا کے بیٹھیں ایسے دیوانے کو ہم

(نظیر اکبرآبادی)​

 

[لاريب اخلاص]

ﺭﺍﺳﺘﻮﮞ ﮐﺎ ﻏﺮﻭﺭ ﺗﻮ ﺩﯾﮑﮭﻮ
ﺟﯿﺴﮯ ﺗﯿﺮﯼ ﮔﻠﯽ ﮐﻮ ﺟﺎﺗﮯ ﮨﯿﮟ
ﺍﮐﺮﺍﻡ ﺑﺴﺮﺍﺀ

 

[فرقان احمد]

اب ایک پَل کا تغافُل بھی سہہ نہیں سکتے
ہم اہلِ دل، کبھی عادی تھے اِنتظار کے بھی

محسن نقوی

 

[لاريب اخلاص]

ﺍﺏ ﺗﻮ ﺁﺗﮯ ﮨﻮﻧﮕﮯ ، ﮐﺐ ﮐﮯ ﺑﮭﯿﺠﮯ ﮨﯿﮟ
ﻣﯿﮟ ﻧﮯ ﺗﻢ ﮐﻮ ﻟﯿﻨﮯ ﺭﺳﺘﮯ ﺑﮭﯿﺠﮯ ﮨﯿﮟ
اکرام بسراء

 

[فرقان احمد]

ایک تو، خواب لئے پھرتے ہو گلیوں گلیوں
اُس پہ تکرار بھی کرتے ہو خریدار کے ساتھ

احمد فراز

 

[فرقان احمد]

ﺍﺑﮭﯽ ﺍﺑﮭﯽ ﻭﮦ مِلا ﺗﮭﺎ ﮨﺰﺍﺭ ﺑﺎﺗﯿﮟ ﮐﯿﮟ
ﺍﺑﮭﯽ ﺍﺑﮭﯽ ﻭﮦ ﮔﯿﺎ ۔۔۔۔۔۔ ﻣﮕﺮ ﺯﻣﺎﻧﮧ ﮨﻮﺍ

احمد فراز

 

[فرقان احمد]

سوچنا پڑ گیا زمانے کو
مٹ کے بھی ہم نہ جب ہوئے ارزاں

رفعت سلطان

 

[فرقان احمد]

کانچ کے گھر ہیں یہاں سب کے، بس اتنا سوچیں
عرض کرتے ہیں فقط آپ سے ۔۔۔۔۔۔۔۔۔۔۔۔۔۔ تکرار نہیں

گلزار

 

[فرقان احمد]

خالد! وہ تھکن تھی کہ تہِ سایۂ مِژگاں
دیوارِ خمِیدہ کی طرح ، بیٹھ گیا میں

خالد احمد

 

[جان]

مجھے گرنا ہے تو میں اپنے ہی قدموں میں گروں
جس طرح سایۂِ دیوار پہ دیوار گرے !
(شکیب جلالی)

 

[جان]

آسودگی کہاں جو دل زار ساتھ ہے
مرنے کے بعد بھی یہی آزار ساتھ ہے
(میر اثر)