آپ کے پسندیدہ اشعار!

نہ میرے خیال کی انجمن، نہ میرے مزاج کی شاعری
سو قیام کرتا میں کس جگہ، میرے لوگ مجھ کو ملے نہیں
(اعتبار ساجد)

 

تری یاد میں ہوا جب سے گُم، ترے گُم شُدہ کا یہ حال ہے
کہ نہ دُور ہے نہ قریب ہے، نہ فراق ہے نہ وصال ہے
(اختر شیرانی)

 

رہا ہے کون کس کے ساتھ انجامِ سفر تک
یہ آغازِ مسافت ہی سے ہم تُم جانتے تھے

مزاجوں میں اتر جاتی ہے تبدیلی مری جاں
سو رہ سکتے تھے کیسے ہم بہم ؟ تم جانتے تھے!

احمد فراز

 

سب کچھ تو ہے کیا ڈھونڈتی رہتی ہیں نگاہیں
کیا بات ہے میں وقت پہ گھر کیوں نہیں جاتا

ندا فاضلی

 

ہمارے شہر میں ہے وہ گریز کا عالم
چراغ بھی نہ جلائے چراغ سے کوئی

شہزاد احمد

 

کاسۂ درد لیے کب سے کھڑے سوچتے ہیں
دست امکان سے کیا چیز نہ جانے نکلے !!!

ظفر عجمی

 

پھر بانسری بجی ہے کہیں درد سے بھری
پھر رو پڑی ہیں میرے خیالوں کی شوخیاں

 

کوئی اے شکیلؔ پوچھے یہ جنوں نہیں تو کیا ہے
کہ اسی کے ہو گئے ہم جو نہ ہو سکا ہمارا

شکیل بدایونی

 

ہیں تو دونوں سخت لیکن کون سا ہے سخت تر
اپنے دل کو دیکھئے میرا کلیجا دیکھ کر

مصطفٰی خان شیفتہ

 

آنکھوں‌میں اشک آئے تو پینا پڑے مُجھے
ورنہ تمہارے شہر کا پانی حرام تھا

عاطف جاوید عاطف

 

کاش کہ اگلے عشق کی خاطر حور میسر آ جائے
میرا من اُٹھتا جاتا ہے اب نوعِ انسانی سے

فراز محمود فارز

 

عشق لایا تھا مجھے گھیر کے اپنی جانب
اس منافق کا گریبان نہیں چھوڑوں گی

کومل جوئیہ

 

ابر باران و من و یار ستادہ بوداع
من جدا گریہ کناں، ابر جدا، یار جدا

ترجمہ
برسات جاری ہے، میں اور میرا یار جدا ہونے کو کھڑے ہیں، میں علیحدہ گریہ و فریاد کر رہا ہوں، باراں علیحدہ برس رہی ہے، اور یار علیحدہ رو رہا ہے۔
کلام خسرورح

 

وقت رک رک کے جنہیں دیکھتا رہتا ہے سلیمؔ
یہ کبھی ۔۔۔۔۔۔۔۔۔ وقت کی رفتار ہوا کرتے تھے

سلیم کوثر

 

یہ تو نہیں کہ تم سا جہاں میں حسیں نہیں
اس دل کو کیا کروں یہ بہلتا کہیں نہیں

داغ دہلوی

 

بختِ سیہ تو دیکھ کہ ہم۔خاک میں ملے
سرمے کی جائے ہو تری چشمِ سیاہ میں
میر

 

یارب یہ کس نے چہرے سے الٹا نقاب جو
سو رخنے اب نکلنے لگے آفتاب میں

مفتی آزردہ

 

عمدہ شعر ہے۔ تدوین کر لیجیے کہ ٹائپو ہے۔براہ مہربانی، لفظ خسک کو خاک کر دیجیے، شکریہ!

 

جی درست کرلیا توجہ دلانے پر سپاس گزار