آپ کے پسندیدہ اشعار!

[جان]

نہ میرے خیال کی انجمن، نہ میرے مزاج کی شاعری
سو قیام کرتا میں کس جگہ، میرے لوگ مجھ کو ملے نہیں
(اعتبار ساجد)

 

[جان]

تری یاد میں ہوا جب سے گُم، ترے گُم شُدہ کا یہ حال ہے
کہ نہ دُور ہے نہ قریب ہے، نہ فراق ہے نہ وصال ہے
(اختر شیرانی)

 

[جان]

رہا ہے کون کس کے ساتھ انجامِ سفر تک
یہ آغازِ مسافت ہی سے ہم تُم جانتے تھے

مزاجوں میں اتر جاتی ہے تبدیلی مری جاں
سو رہ سکتے تھے کیسے ہم بہم ؟ تم جانتے تھے!

احمد فراز

 

[آورکزئی]

سب کچھ تو ہے کیا ڈھونڈتی رہتی ہیں نگاہیں
کیا بات ہے میں وقت پہ گھر کیوں نہیں جاتا

ندا فاضلی

 

[فرقان احمد]

ہمارے شہر میں ہے وہ گریز کا عالم
چراغ بھی نہ جلائے چراغ سے کوئی

شہزاد احمد

 

[فرقان احمد]

کاسۂ درد لیے کب سے کھڑے سوچتے ہیں
دست امکان سے کیا چیز نہ جانے نکلے !!!

ظفر عجمی

 

[لاريب اخلاص]

پھر بانسری بجی ہے کہیں درد سے بھری
پھر رو پڑی ہیں میرے خیالوں کی شوخیاں

 

[محمد عدنان اکبری نقیبی]

کوئی اے شکیلؔ پوچھے یہ جنوں نہیں تو کیا ہے
کہ اسی کے ہو گئے ہم جو نہ ہو سکا ہمارا

شکیل بدایونی

 

[محمد عدنان اکبری نقیبی]

ہیں تو دونوں سخت لیکن کون سا ہے سخت تر
اپنے دل کو دیکھئے میرا کلیجا دیکھ کر

مصطفٰی خان شیفتہ

 

[محمد عدنان اکبری نقیبی]

آنکھوں‌میں اشک آئے تو پینا پڑے مُجھے
ورنہ تمہارے شہر کا پانی حرام تھا

عاطف جاوید عاطف

 

[محمد عدنان اکبری نقیبی]

کاش کہ اگلے عشق کی خاطر حور میسر آ جائے
میرا من اُٹھتا جاتا ہے اب نوعِ انسانی سے

فراز محمود فارز

 

[محمد عدنان اکبری نقیبی]

عشق لایا تھا مجھے گھیر کے اپنی جانب
اس منافق کا گریبان نہیں چھوڑوں گی

کومل جوئیہ

 

[محمد عمران سرور چشتی]

ابر باران و من و یار ستادہ بوداع
من جدا گریہ کناں، ابر جدا، یار جدا

ترجمہ
برسات جاری ہے، میں اور میرا یار جدا ہونے کو کھڑے ہیں، میں علیحدہ گریہ و فریاد کر رہا ہوں، باراں علیحدہ برس رہی ہے، اور یار علیحدہ رو رہا ہے۔
کلام خسرورح

 

[فرقان احمد]

وقت رک رک کے جنہیں دیکھتا رہتا ہے سلیمؔ
یہ کبھی ۔۔۔۔۔۔۔۔۔ وقت کی رفتار ہوا کرتے تھے

سلیم کوثر

 

[مریم افتخار]

وصل کی خوشی بھی ہے اور اِک اداسی بھی
ہجر کا حسیں موسم اختتام کو پہنچا

(جنید)

 

[بافقیہ]

یہ تو نہیں کہ تم سا جہاں میں حسیں نہیں
اس دل کو کیا کروں یہ بہلتا کہیں نہیں

داغ دہلوی

 

[خان نشرح شاز]

بختِ سیہ تو دیکھ کہ ہم۔خاک میں ملے
سرمے کی جائے ہو تری چشمِ سیاہ میں
میر

 

[بافقیہ]

یارب یہ کس نے چہرے سے الٹا نقاب جو
سو رخنے اب نکلنے لگے آفتاب میں

مفتی آزردہ

 

[فرقان احمد]

بختِ سیہ تو دیکھ کہ ہم۔خسک میں ملے
سرمے کی جائے ہو تری چشمِ سیاہ میں
میر

عمدہ شعر ہے۔ تدوین کر لیجیے کہ ٹائپو ہے۔براہ مہربانی، لفظ خسک کو خاک کر دیجیے، شکریہ!

 

[خان نشرح شاز]

عمدہ شعر ہے۔ تدوین کر لیجیے کہ ٹائپو ہے۔براہ مہربانی، لفظ خسک کو خاک کر دیجیے، شکریہ!

جی درست کرلیا توجہ دلانے پر سپاس گزار