آپ کے پسندیدہ اشعار!

[زیرک]

یہ جو پتھر ہے آدمی تھا کبھی
اس کو کہتے ہیں انتظار میاں​

 

[رباب واسطی]

نہ کوٸی چاپ ٗ نہ آہٹ ٗ نہ گفتگو ٗ نہ سوال
کہاں لُٹے ہیں خیالوں کے کارواں دیکھو

 

[رباب واسطی]

کچھ اشک ہمارے گونگے تھے، کچھ قحط یہاں بینائی کا
اس شہر میں اپنا رونا بھی،،،،،،،،، یوں سمجھو بیکار گیا

 

[زیرک]

ہر حال میں ہنسنے کا ہنر پاس تھا جن کے
وہ رونے لگے ہیں تو کوئی بات تو ہو گی

 

[جان]

جانِ نشاط حسن کی دنیا کہیں جسے
جنت ہے ایک خون تمنا کہیں جسے
اصغر گونڈوی

 

[زیرک]

یہ کارِ گفتنِ احوال کوئی سہل ہے کیا
وہ چپ لگی ہے کہ تابِ سوال سے بھی گئے​

 

[محمد عدنان اکبری نقیبی]

مانگے تانگے کی قبائیں دیر تک رہتی نہیں
یار لوگوں کے لقب القاب مت دیکھا کرو

احمد فراز

 

[زیرک]

اسی لیے تو جو لکھا تپاکِ جاں سے لکھا
جبھی تو لوچ کماں کا، زبان تیر کی ہے
احمد فراز​

 

[زیرک]

سنتا ہوں اب کسی سے وفا کر رہا ہے وہ
اے زندگی خوشی سے کہیں مر نہ جاؤں میں
قتیل شفائی​

 

[زیرک]

سچ کی عادت نے کیا رسوا مجھے
دو قدم چلتے نہیں ہیں دوست بھی
صفدر ہمدانی​

 

[رباب واسطی]

‏جو اس زمین پہ رہتے تھے آسمان سے لوگ
کہاں گئے وہ میرے سارے مہربان سے لوگ
یہ بے چراغ سی بستی .یہ بے صدا گلیاں
ہر اک سمت یہ اجڑے ہوئے مکان سے لوگ

 

[رباب واسطی]

قسمت نے پھر سے پاؤں میں رستے بچھا دیے
میں چور چور تھا ابھی پچھلی تھکان سے

 

[رباب واسطی]

ہر چارہ گر کو چارہ گری سے گریز تھے
ورنہ ہمیں جو دُکھ تھے بہت لا دوا نہ تھے

 

[رباب واسطی]

‏درد اتنا تھا کہ اس سے بھی گزرنا چاہا
‏ہم نے چاہا بھی مگر دل نہ ٹھہرنا چاہا

 

[رباب واسطی]

کیا حُسنِ اتفاق ہے ان کی گلی میں ہم
اِک کام سےگئےتھے، ہرکام سےگئے

 

[رباب واسطی]

ہجومِ غم میں بھی توہینِ ضبطِ غم نہ ہوئی
اِس احتیاط سے روئے کہ آنکھ نم نہ ہوئی

 

[زیرک]

انہی خوش گمانیوں میں کہیں جاں سے بھی نہ جاؤ
وہ جو چارہ گر نہیں ہے، اسے زخم کیوں دکھاؤ​

 

[زیرک]

کب تلک آہ و فغاں تیرے بعد
خیمۂ دل ہے دھواں تیرے بعد
ہجرتیں کر گئے امکاں کے طیّور
اب یقیں ہے نہ گماں تیرے بعد​

 

[زیرک]

اس نے جب پلکوں کو جنبش دی عدمؔ
رائیگاں سب گفتگو کے فن گئے
عبدالحمید عدم​

 

[رباب واسطی]

یوں ہی دشمن نہیں در آیا مرے آنگن میں
دھوپ کو راہ ملی پیڑ کی عریانی سے
سلیم کوثر