آپ کے پسندیدہ اشعار!

[فاخر]

ايك نو وارد شعر آ پ سبھوں کی خدمت میں پیش ہے ؏
اشک کو ہی نہیں غم کہے گئے ہیں
غم دھویں کی گھٹاؤں کا نام بھی ہے

 

[زیرک]

ہم اہلِ درد ہیں سب کو گلے لگاتے ہیں
ہماری دنیا میں کوئی بُرا نہیں ہوتا​

 

[رباب واسطی]

اداس ہو تو اداسی سے کام لو ورنہ
اداسیوں کی کوئی حیثیت نہیں ہوتی

 

[زیرک]

نگارِ شوق کی بے باکیوں سے کیا حاصل
جو دل اداس ہو رنگینیوں سے کیا حاصل
اسرار ناروی​

 

[زیرک]

مشکل ہوا ہے رہنا ہمیں اس دیار میں
برسوں یہاں رہے ہیں یہ اپنا نہیں ہوا​

 

[زیرک]

تھا تِرا حکم سو جنت سے زمیں پر آیا
ہو چکا تیرا تماشا تو میں جاؤں واپس

 

[محمد عدنان اکبری نقیبی]

میں دیواروں سے باتیں کر رہا ہوں
وہ کہتے ہیں میں کتنا کم سخن ہوں

محمداحمد

 

[رباب واسطی]

اے وعدہ فراموش تیری خیر ہو لیکن
ایک بات میری مان، تو وعدہ نہ کیا کر

 

[جان]

کون دل کی زباں سمجھتا ہے
دل مگر یہ کہاں سمجھتا ہے
رسا چغتائی

 

[زیرک]

جیت جانا تمہیں دشوار نہیں لگتا تھا
آج بھی ہو گی مجھے مات ضروری تو نہیں

 

[زیرک]

ختم راتوں رات اس گُل کی کہانی ہو گئی
رنگ بوسیدہ ہوئے، خوشبو پرانی ہو گئی
اقبال ساجد​

 

[رباب واسطی]

نظر کا تیر وہ قلب و جگر کے پار کرے
سو اپنے گرد کوئی کس طرح حصار کرے

 

[زیرک]

تِیر پلٹے تو دل نہ زخمی ہو
یہ ہنر بھی کمان میں رکھنا
محسن نقوی

 

[زیرک]

کسی نے برچھیاں ماریں کسی نے تیر مارے ہیں
خدا رکھے انہیں یہ سب کرم فرما ہمارے ہیں

 

[زیرک]

ہم سے بڑھائیے نہ رہ و رسم کہ ہم لوگ
مل کر کریں اداس، بچھڑ کر کریں اداس

 

[زیرک]

درد بچہ تھا تو سو جاتا تھا تھپکی پہ مِری
اب جواں ہے تو یہ آہوں کی غذا مانگتا ہے
احمد حماد

 

[زیرک]

اپنی منزِل کی طرف، اپنے نصیبے کی طرف
ہم ہی تاخیر سے پہنچے، سو ٹھکانے سے گئے
مبشر سعید​

 

[زیرک]

نئے کپڑے یونہی افسردہ پڑے رہتے ہیں
کون سمجهے یہ اذیت مری الماری کی
سعید شارق​

 

[محمد عدنان اکبری نقیبی]

کر کے سودا جو پاؤں کا بیٹھا
دے گیا کوئی راستہ مجھ کو

سرفراز نواز

 

[رباب واسطی]

وہ مضطرب تھا عشق میں نقصان کچھ نہ ہو
ہم مطمئن کہ جاں کا خسارہ تھا اور بس...!