آپ کے پسندیدہ اشعار!

[محمد عدنان اکبری نقیبی]

‏ہم سے قاتل کا ٹھکانہ نہیں ڈھونڈا جاتا،
‏ہم بڑی دھوم سے بس سوگ منا لیتے ہیں
۔۔۔۔۔۔۔۔۔۔نامعلوم۔ ۔۔۔۔۔۔۔۔۔۔

 

[فرقان احمد]

وہی محفل ہے ، وہی رونقِ محفل ليکن
کتنے بدلے ہوئے آداب نظر آتے ہيں

جاں نثار اختر

 

[محمد عدنان اکبری نقیبی]

یہ غم نہیں ہے کہ ہم دونوں ایک ہو نہ سکے
یہ رنج ہے کہ کوئی درمیان میں بھی نہ تھا
جمال احسانی

 

[محمد عدنان اکبری نقیبی]

ہجر کی شب میں وصل کا لمحہ
اب تو ہردن یہی کرامت ہو
سیدہ نفیس بانو شمع

 

[محمد عدنان اکبری نقیبی]

وہ مری خاک نشینی کے مزے کیا جانے
جو مری طرح تری راہ میں برباد نہیں
ساغر نظامی

 

[فرقان احمد]

اِک لفظ تیری شان کے قابل نہ بن سکا
ہر زاویے سے ذہن میں آئے گئے حروف

احسان علیم

 

[فرقان احمد]

گُزر گئے ہیں جو خوشبوئے رائیگاں کی طرح
وہ چند روز ۔۔۔۔۔۔۔۔۔ مِری زندگی کا حاصل تھے!

ناصرکاظمی

 

[السید کامل عباس الجعفري]

انسان کے لہو کو پیو اذن عام ہے
انگور کی شراب کا پینا حرام ہے

جوش ملیح آبادی

 

[فرقان احمد]

ہجرت کہاں سے لاتی کچھ آسودگی خلش
غم فاصلوں نے کم کبھی ہونے نہیں دیا

شفیق خلش

 

[فرقان احمد]

پوچھیے فلسفہء موت کا حاصل اُن سے
اپنی ہستی کو جو ہر سانس عدم دیکھتے ہیں

محشر لکھنوی

 

[فرقان احمد]

گُزر گیا وہ زمانہ، کہوں تو کِس سے کہوں
خیال دل کو مِرے صبح و شام کِس کا تھا

داغ دہلوی

 

[طاہر شیخ]

تم سے لطف و کرم کی کیا اُمید
ہنستے ہنستے رُلا دیا تم نے

شکیب جلالی

 

[فرقان احمد]

وہ چاند چہرے وہ بہکی باتیں سلگتے دن تھے مہکتی راتیں
وہ چھوٹے چھوٹے سے کاغذوں پر محبتوں کے پیام لکھنا

گلاب چہروں سے دل لگانا وہ چپکے چپکے نظر ملانا
وہ آرزوؤں کے خواب بننا، وہ قصہ نا تمام لکھنا

میرے نگر کی حسین فضاؤ! کہیں جو ان کا نشان پاؤ
تو پوچھنا یہ کہاں بسے وہ، کہاں ہے ان کا قیام لکھنا

حسن رضوی

 

[طاہر شیخ]

باقیؔ جو چپ رہوگے تو اٹھیں گی انگلیاں
ہے بولنا بھی رسم جہاں بولتے رہو
باقی صدیقی

 

[فرقان احمد]

حیرتِ عشق مِری، حُسن کا آئینہ ہے
دیکھنے والے کہاں سے ہیں کہاں تک پہنچے

کُھل گیا آج، نِگاہیں ہیں نِگاہیں اپنی !
جلوے ہی جلوے نظر آئے جہاں تک پہنچے

حفیظ ہوشیار پوری

 

[طاہر شیخ]

مرنے کے بعد بھی، وہی آوارگی رہی !
افسوس! جاں گئی نَفَسِ نا رسا کے ساتھ

مومن خاں مومن

 

[زارا آریان]

موج کوثر ہیں مری دامن تر کے چھینٹے
کیا تعجب ہے کہ ہو جائے جہنم پانی

راسخ دہلوی ( مولانا حافظ محمد عبدالرحمٰن )
دہلی | وفات ۱۹۰۷
کلامِ راسخ ۱۹۲۸

 

[عبدالقدیر 786]

موج کوثر ہیں مری دامن تر کے چھینٹے
کیا تعجب ہے کہ ہو جائے جہنم پانی

راسخ دہلوی ( مولانا حافظ محمد عبدالرحمٰن )
دہلی | وفات ۱۹۰۷
کلامِ راسخ ۱۹۲۸

نگاہِ فکر سے پردے اٹھا میرے مولا
سرِ فلک بھی دھواں ہے سرِ نظر بھی دھواں

 

[فرقان احمد]

خیالِ یار، کبھی ذکرِ یار کرتے رہے
اِسی متاع پہ ہم روزگار کرتے رہے

نہیں شکایتِ ہجراں، کہ اِس وسِیلے سے
ہم اُن سے رشتۂ دل استوار کرتے رہے

فیض احمد فیض

 

[طاہر شیخ]

ہم نے دیکھا ہے وضعدار گھرانوں کا زوال
ہم نے سڑکوں پہ کئی شاہ ظفر دیکھے ہیں

محشر آفریدی