فاتح

لائبریرین
شاہ نصیر کو انتہائی مشکل زمینوں میں انتہائی خوبصورت اشعار اور غزلیں کہنے کا ملکہ حاصل تھا۔۔۔ ان کی یہ غزل بھی اسی فن کا ایک ثبوت ہے:
عشق میں خاک اے بُتاں ہے زیرِ پا بالائے سر​
آب و آتش شمع ساں ہے زیرِ پا بالائے سر​
سبزۂ نوخیز و تارِ بارش اے ساقی ہمیں​
بن ترے تیر و سناں ہے زیرِ پا بالائے سر​
فرش و خیمہ چاہیے کیا خاکساروں کو ترے​
یہ زمین و آسماں ہے زیرِ پا بالائے سر​
خارِ دشت و داغِ سودا، آہ! مجنوں کی طرح​
یاں بھی اے لیلیٰ وَشاں ہے زیرِ پا بالائے سر​
خفتگانِ خاک سے ہم کس طرح پوچھیں کہ اب​
مسند و افسر کہاں ہے زیرِ پا بالائے سر​
جائے نعلین و کلہ شیدا ترا جز مشتِ خاک​
اور کیا رکھتا، یہاں ہے زیرِ پا بالائے سر​
ق​
پوچھ مت ساقی کہ کیوں کر دن کٹے ہیں ہجر کے​
کیا بہ عشقِ گل رُخاں ہے زیرِ پا بالائے سر​
دودِ آہ و اشک کی دولت سے میں دیکھوں ہوں سیر​
ابر اور آبِ رواں ہے زیرِ پا بالائے سر​
کچھ سوائے آب رُو پاس اپنے مانندِ گہر​
خاک اب اے دوستاں ہے زیرِ پا بالائے سر​
ق​
کیا کہوں تجھ سے کہ اس رشکِ قمر کی ہر زماں​
کیا نصیرِ خستہ جاں ہے زیرِ پا بالائے سر​
عکسِ تابِ رخ نہیں ہے مانگ میں سلکِ گہر​
چاندنی اور کہکشاں ہے زیرِ پا بالائے سر​
شاہ محمد نصیر الدین دہلوی​
 
دودِ آہ و اشک کی دولت سے میں دیکھوں ہوں سیر​
ابر اور آبِ رواں ہے زیرِ پا بالائے سر​
واہ واہ سبحان اللہ ۔۔۔۔کیا ہی خوبصورت کلام ہے ۔
بہت شکریہ فاتح صاحب شریک محفل کرنے کے لیئے
اُمید ہےمزید کلام سے بھی نوازتے رہیں گے ۔​
 

فاتح

لائبریرین
دودِ آہ و اشک کی دولت سے میں دیکھوں ہوں سیر​
ابر اور آبِ رواں ہے زیرِ پا بالائے سر​
واہ واہ سبحان اللہ ۔۔۔ ۔کیا ہی خوبصورت کلام ہے ۔​
بہت شکریہ فاتح صاحب شریک محفل کرنے کے لیئے​
اُمید ہےمزید کلام سے بھی نوازتے رہیں گے ۔​
ممنون ہوں کہ آپ کو انتخاب پسند آیا۔
 

نایاب

لائبریرین
بلا شک " پتھریلی زمین " کھود کر میٹھے پانی کی نہر نکالی ہے ۔۔۔۔۔ شاہ صاحب نے
خارِ دشت و داغِ سودا، آہ! مجنوں کی طرح
یاں بھی اے لیلیٰ وَشاں ہے زیرِ پا بالائے سر
بہت شکریہ شراکت پر محترم فاتح بھائی
 

فاتح

لائبریرین
بلا شک " پتھریلی زمین " کھود کر میٹھے پانی کی نہر نکالی ہے ۔۔۔ ۔۔ شاہ صاحب نے
خارِ دشت و داغِ سودا، آہ! مجنوں کی طرح
یاں بھی اے لیلیٰ وَشاں ہے زیرِ پا بالائے سر
بہت شکریہ شراکت پر محترم فاتح بھائی
واہ نایاب بھائی کیا تشبیہ دی ہے آپ نے "پتھریلی زمین کھود کر میٹھے پانی کی نہر نکالنا"۔۔۔ لطف آ گیا
 

مقدس

لائبریرین
ہاں مجھے کافی ڈر لگتا ہے انسے :) لیکن وہ مجھ سے پیار بھی کرتے ہیں آئی نو :)چمچی ہوں نا انکی :p
ہی ہی ہی ہی پھر تمہیں میری چمچی بھی ہونا چاہیے کیونکہ میں تو ان کی ٹوئن ہوں ہی ہی ہی ہی
بس بات یہی ختم آج سے تم میری چمچی بھی ہو عینی مینی
 

عینی شاہ

محفلین
ہی ہی ہی ہی پھر تمہیں میری چمچی بھی ہونا چاہیے کیونکہ میں تو ان کی ٹوئن ہوں ہی ہی ہی ہی
بس بات یہی ختم آج سے تم میری چمچی بھی ہو عینی مینی
چمچی اچھی ہوتی چمچیاں اچھا ہی نہیں لگتا نووووووووووووووووووو نیور (n)
 
Top