فونٹ Qcs قرآن فونٹس ریلیز

نعیم سعید

محفلین
السلام علیکم!
آج اہلیان محفل کے لیے ایک تحفہ لایا ہوں۔ امید ہے سب کو پسند آئے گا۔
جی تو یہ پانچ عدد برصغیری طرز کے یونی کوڈ ’’عربی فونٹس‘‘ ہیں، جن میں ’’قرآنی‘‘ سپوٹ بھی موجود ہے، ایک خط لگیچر بیس ہے جو صرف قرآن کے لیے ہی تیار کیا گیا ہے۔ اور باقی چار خطوط سے ہر طرح عربی عبارات بھی لکھی جاسکتی ہیں۔ ساتھ ہی ان فونٹس کے مطابق کمپوز شدہ قرآنی متن کی فائلیں بھی موجود ہیں، اور انہیں استعمال کرنے کی تفصیل بھی فونٹس کے ساتھ ہی موجود ہے۔ اس فونٹ پیک میں ان قرآنی فونٹس کے علاوہ ڈیزائن سمبل وغیرہ کے چند فونٹس بھی شامل ہیں۔
دراصل میں تو یہ فونٹس صرف آپ دوستوں کی خدمت میں پیش کرنے والا ہوں، یہ ساری محنت تو ہمارے ایک بہت ہی محترم دوست ’’اشفاق نیازی‘‘ صاحب کی ہے، ویسے تو ابھی میں خود بھی ان کے بارے میں بہت تھوڑا جانتا ہوں، صرف چند ایک بار میل کے ذریعے ہی ان سے رابطہ ہوا ہے۔ انشاء اللہ میں ضرور کوشش کروں گا کہ مزید معلومات حاصل کر کے ان کا مکمل تعارف یہاں پیش کرسکوں۔ ابھی اس وقت تو ان کے تعارف کے لیے ان کے کیے ہوئے کام کو پیش کیا جا رہا ہے۔ اہل نظر اسی سے اندازہ لگا لیں گے۔ ماشاء اللہ وہ کن صلاحیتوں کے مالک ہیں۔
اشفاق نیازی صاحب کا تعلق پاکستان سے ہے اور سعودی عرب میں ’’کنگ فہد قرآن کمپلیکس‘‘ میں ہوتے ہیں، شاید فونٹ سازی کے شعبہ سے ہی وابستہ ہیں، کچھ عرصہ قبل راسخ کشمیری بھائی نے ایک خوبصورت عربی فونٹ ’’عثمان طہ نسخ‘‘ پیش کیا تھا جس کی تفصیل درج ذیل لنک پر موجود:
http://www.urduweb.org/mehfil/showthread.php?t=18708
یہ فونٹ بھی ’’اشفاق نیازی‘‘ صاحب ہی کا بنایا ہوا ہے۔ بلکہ ان سے میرے رابطہ کا سبب بھی ان کا یہی فونٹ ہی بنا، دراصل مجھے اسی فونٹ کے بولڈ ورژن کی تلاش تھی، کوشش کے باوجود کہیں سے نہ ملا، راسخ بھائی کے فورم نے ان کے نام کا پتہ چلا اور ایک اور فورم سے ان کا ای میل ایڈریس ملا، یوں رابطہ کے دو دن بعد جناب نے ’’عثمان طہ‘‘ فونٹ کا بولڈ ورژن بھی مہیا کر دیا۔ اور ان شاء اللہ عن قریب ’’عثمان طہ‘‘ فونٹ کا ’’قرآنی‘‘ ورژن بھی پیش کرنے والے ہیں۔ جس سے متعلق تفصیل درج ذیل لنک پر دیکھی جاسکتی ہے:
http://fonts.qurancomplex.gov.sa/
دو دن پہلے قرآنی فونٹ بنانے کے سلسلے میں کچھ مشورہ کے لیے ان سے رابطہ کیا تو ’’اشفاق صاحب‘‘ نے حوصلہ افزائی اور راہنمائی کے ساتھ ساتھ ان خوب صورت فونٹس کا ’’ہدیہ‘‘ بھی دیا، جنہیں دیکھ کر مجھ سے رہا نا گیا اور میں نے ان سے ان فونٹ کو محفل پر عام کرنے کی اجازت چاہی، الحمد للہ انہوں نے خوشی کے ساتھ اجازت دے دی۔
فونٹس کے چند اسکرین شاٹس:
b168.gif
اور اب یہ قرآنی فونٹس ’’اشفاق نیازی‘‘ صاحب کی طرف سے میرے ذریعہ قبول اہلیان محفل قبول فرمائیں۔ چیک کریں اور پھر اپنی رائے بھی دیں:
http://dl.dropbox.com/u/2483063/QCS Quran.rar
 
بہت خوب ماشاءاللہ لاجواب شیئرنگ ہے بہت دنوں بعد ایسی زبردست شیئرنگ ہوئی ہے محفل پر ۔ نعیم سعید بھائی آپکا بہت بہت شکریہ کہ آپنے ان فونٹس کو ہمارے ساتھ شیئر کیا ہے
 
ماشاءاللہ بہت ہی خوبصورت فونٹ ہیں
‌ اشفاق نیازی صاحب کے لئے یہ فونٹ ایک صدقہ جاریہ رہیں‌گے۔اور جو بھی ان سے مستفید ہوگا انہیں‌ان کا اجر ملتا رہے گا
 

شاکرالقادری

لائبریرین
اللہ کریم سے دعا ہے کہ وہ نیازی صاحب اور نعیم بھائی کو اجر کریم سے نوازے
ان لوگوں نے مسلمانوں کی راحت جاں کا سامان پیدا کیا
 

نعیم سعید

محفلین
فانٹ نمبر1 اور نمبر2 میں کیا فرق ہے ؟
فواد بھائی یقیناً فونٹ نمبر 1 اور نمبر 2 کے بعد آپ باقی فرق بھی پوچھیں گے اس لیے ساری تفصیل ایک ساتھ ہی بتا دیتا ہوں۔ ;)
میرے خیال سے فونٹ نمبر(1) سے (4) چار تک ایک ہی فونٹ کی مختلف اقسام ہیں:
فونٹ (1) : نارمل
فونٹ (2) : بولڈ
فونٹ (3) : نارمل + کشیدہ (جس میں آخری شکل والے بعض حروف کو کشیدہ کیا گیا ہے۔)
فونٹ (4) : بولڈ + کشیدہ (اس میں بھی آخری شکل والے بعض حروف کو کشیدہ کیا گیا ہے۔)
البتہ آخری فونٹ نمبر (5) ایک الگ فونٹ ہے جو لگیچر بیس ہے، جو صرف قرآن کے لیے تیار کیا گیا ہے۔ ساتھ دی گئی قرآنی عبارات والی فائل کی مدد سے بڑی آسانی سے استعمال کیا جا سکتا ہے۔
 

اشتیاق علی

لائبریرین
میرے خیال میں امت مسلمہ کے لیے اس سے عمدہ تحفہ کوئی اور ہو ہی نہیں سکتا۔ اللہ تعالی احباب کی اس کوشش کا اجر عظیم عطا فرمائے۔ آمین۔
 
Top