مختلف جرائد میں جاسوسی کہانیاں آئے دن شائع تو ہوتی رہتی ہیں ۔ عین ممکن ہے کہ ان میں سے کسی سے لیتے ہوں ۔ جاسوسی کہانیاں لکھنے والے مصنفین کی کہانیوں کے اپنے مجموعے بھی شائع ہوئے ہیں ، وہاں سے بھی مواد لیا جاسکتا ہے۔ بہت سالوں سے میرا انگریز ی میں مطالعہ صرف شاعری اور آرٹ تک محدود ہے ۔ کہانیاں وغیرہ پڑھنا ایک عرصہ ہو اترک کردیا۔
بھئی بھارت میں تو بھارتی کتابیں آسانی سے مل جاتی ہیں پاکستان میں آپ کسی بڑے بک سیلر سے بات کریں جو ہندوستان سے کتابیں منگواتے ہوں وہ شاید آپ کی کتاب بھی منگوا دیں۔
اکیسویں صدی کے اوائل تک تو بذریعہ ڈاک کتب اور جرائد انڈیا سے پاکستان اور پاکستان سے انڈیا بھیجے جاتے تھے۔ مجھے یاد ہے کہ مرحوم احمد ندیم قاسمی نے ایک کالم بھی اسی موضوع پر لکھا تھا کہ اس حوالے سے ڈاک کے اخراجات بہت زیادہ بڑھا دیے گئے ہیں۔ آج کل بھی شاید بذریعہ ڈاک ہی کتب اور میگزین بھیجے جاتے ہیں۔ رقم کی منتقلی کے لیے غالباً کریڈٹ کارڈ استعمال ہوتا ہے۔ تاہم، لہو کے پھول نامی کتاب کا ملنا آسان نہیں۔ اس کتاب کی نئی اشاعت میری نظر سے نہیں گزری۔ جو کتب شائع ہوئی ہیں، اس کے پبلشر، کتاب دان، لکھنو کا بھی اب کوئی نام و نشان نہیں۔ اس کتاب کی ہارڈ کاپی کے حصول کا طریقہ یہی لگتا ہے کہ انڈیا میں کسی بک سیلر کے پاس قدیمی نسخے پڑے ہوں اور وہاں سے کوئی خرید کر اسے پاکستان بھجوا دے۔ ایک اور صورت یہ ہے کہ پاکستان سے کئی ادباء اور شعراء انڈیا آتے جاتے رہتے ہیں، ان سے درخواست کی جائے تو وہ کتاب پاکستان لا سکتے ہیں بشرط یہ کہ اس کا سراغ پہلے سے لگا لیا جائے کہ کتاب کہاں سے ملے گی؟
سمجھ میں نہیں آیا ۔ وضاحت فرمائیں جناب علی وقار صاحب قبلہ!کسی انڈین محفلین کی ڈیوٹی لگائیں، کہ وہ ۔۔۔۔۔ سمجھ جائیں بس۔ کام مشکل ضرور ہے، نا ممکن نہیں۔
سنا ہے بازیگر بہت دلچسپ ناول ہے۔
شہزاد وحید! آپ بات کریں۔ ہم بھی آ جائیں گے۔
جس کام میں کوئی فائدہ نا ہو اُسے چھوڑ دینا چاھئیے ۔ ڈائجسٹ سے بہتر ہے کہ آپ کو قرآنِ پاک تفصیر کے ساتھ پڑھنا چاھئیے ۔ جس میں دُنیا اور آخرت دونوں کی بھلائیاں ہیں۔
میں نے سکول کے زمانہ میں اے حمید کی عاطون سیریز کا ایک ناول احرام مصر سے فرار پڑھا تھا لیکن اس سیریز کے چار حصے تھے لیکن باقی تین نہیں پڑھ پایا تھا۔ آج چاروں اکٹھے ایک پی ڈی ایف میں مل گئے تو دوبارہ پڑھنا شروع کیا ہے۔ اس وقت ہمارے علاقے میں دو لائبریریز ہوا کرتی تھی اور ایک سکول کا دوست جس سے کرادورں اور کہانی پہ بات کیا کرتا تھا۔ اب بہ وہ دوست رہے نہ وہ لائبریریز۔ عاطون سیریز ایم اے راحت کی صدیوں کا بیٹا سے ملتی جلتی ہے۔شہزاد وحید! آپ بات کریں۔ ہم بھی آ جائیں گے۔
طاہر جاوید مغل واقعی ایک معتبر نام ہے۔ لیکن جو لت ایم اے راحت کی لگتی تھی اس کا پھر مہینوں کوئی توڑ نا ہوا کرتا تھا۔ عموما مجھے فی میل رائٹرز پسند نہیں آتی تھیں لیکن شمیم نوید کی بیگم سنجیدہ خاتون کا ناول جن زار اور سیما غزل کا چاند کے قیدی پڑھ کر یہ خیال بدل گیا تھا۔
ایک غیر اشتہاری ویب سائیٹ کتاب گھر کے نام سے ایک صاحب نے بنا رکھی ہے لیکن کئی سال گزر جانے کے باوجود کام کافی محدود ہے شاید وجہ خود ساری کمپوزنگ کرنا ہے۔ سب سے بہتر کام پاکستانی پوانٹ والو ں نے کر رکھا ہے۔ بے شمار کتب اور ناول بہتر کوالٹی میں مفت مہیا کر رکھی ہیں وہ بھی مصنفین کی کیٹا گریز بنا کر۔
آپ کو ساتھ اکاونٹ نمبر بھی دینا چاہئے جس میں مشورہ فیس ٹرانسفر کی جا سکے۔
مشورہ فی سبیل اللہ ہے بھائی بے فکر ہو کر استعمال کریں۔
عبدالقدیر بھائی! یقیناً ہماری بہن تمام تر ضروری کاموں سے فراغت کے بعد تھوڑا بہت مطالعہ کتب کرتی ہوں گی۔ اس میں کوئی حرج نہیں ہے۔
بڑی بات ہے آپ نے کرکٹ سے جان چھڑالی۔